يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تشجيع

[~ مآ يهمـ ~]

وينج حجيه طوووولتي

 

[**ReeMa**]

ااي طولتي


نبي البارت

 

[حور^_^]

ويييييييييييينج

 

[دمرت كياني]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

وااااي انشاءالله ماتخلص هالرواية الا انتي مالجة يارب

ويسلموا على الاب

أمين :yaaaaaarb:


الله يسلمج


أب مره مليون :jbdwjbd:

 

[FuTuRe DoC]

كنت متابعه بصمت بس الحين بعلق :>

القصه تينن يلا حبيبتي كملي بليز ناطرينج:>

 

[ورده بوسط صحرآ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

كنت اقرى الرواآيه خلف الكواآليس
وسجلت بالمنتدى عشاآن هالروآيه والله
قلت لاآزم ارد واقولج يعطيج الف عاآآآآآآفيه
على هالرواآآآيه الروووعه

بصرآحه اسلوبج حلو وتجذبين القرآء لج
لا اطولين علينا بالبارتات.. نبي نعرف النهاآيه شنو << ان شاء الله ما تنتهي القصه الا و نوف متزوجه بالرجال الزيين اللي يعوض صبرها ..


سجليني متآبعه جديده ..~|ْ

 

[FiOnKa]

مسكينه هـ النوف ,, بس احس انه خيره لها , كاآا منى تزوجت و ما يالها غير عوار الراس من وره زواجها

و بـعدين توها صغيره مو من كبرها عمرها 22 , وايد بنات بـ سنها مو متزوجات يعني اللي يشوفها على هـ الاكتئاب يقول عمرها 30 مو 22

~متاآاآاآاآاآابـــعة~

 

[الحلوه وبس]

كمليي ناطرينج
وثينكس عالرواية

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

البارت الاخير ..........و على فكره النهاية مفتوحة ... يعني الكل يقدر يتخيل شنو بيصير ..

بس بترك لكم مجال المناقشة فيها ... عشان تتوصلون للي ابي اقوله لكم ... و اوصله ..



----

عقب اسبوعين
(( بيت أم عبدالله ))
الساعة 6 المغرب
أم عبدالله : شــفيييج ... بعد عسى متهاوشة
منى : دش انت دش .. ميري شيلي الجناط وديهم داخل
أم عبدالله : لا حول ولا قوة إلا بالله
منى : يمآآ لاتشتغلين علي خلاص مت تعبت ما اقدر اتحمل
أم عبدالله : وعسى كل يومين شايلة جنطتج وساحبة عيالج وجاية .. ترى بعد مايصير جذي أنا مت منج ومن عيالج
منى : اي يمآآ ذبحني اذا الطوفة تتكلم اهو يتكلم جنني .. لا راضي يفهم ولا يتسنع
أم عبدالله : شتبينه يسوي يذبح ابوه عشانج
منى : أنا ما قلت يذبحة ... بس خلاص صار عنده جاهلين ... ابوه من صوب يسحب وامة من صوب .. داش عطني عشره .. طالع عطني خمسه .. و أنا كل شي على راسي .. معاش الخدامة علي و امة مناشبتني فيها .. و الجمعية علي ..مصروف البيت . اقساط السياره و الله تعبت مايصير جذي ... كل يوم اروح واداوم واكرف و آخر الشهر باردة مبره المعاش يطير عليه و على أهله خرب اشكالهم ... لا جنطة نفس الناس عندي لا دراعه سنعه لا وفرت من معاشي خلاص تعب ما اتحمل
أم عبدالله : طبخة طبختيها يا الرفله اكليها .. أنا قايله لج من الاول ...
منى: اي عاد خلاص صار اللي صار وبعدين أنا كنت صغيره جان زفيتيني .. يوووووووه
أم عبدالله : والله لو ماتزوجتني جان ذبحتينا ... يالله شيلي قشج و روحي بيتج
منى : ماني رايحة
أم عبدالله : وانشاءالله بتقعدين عندي لي متى ...؟؟؟
منى شالت جنطتها و خمت عباتها ودشت دخل و عيونها مليانه دموع ...

...
...
----
بعد يومين
(( بيت أم نوف ))
أم نوف : نوف تدرين أن منى زعلانه عند أمها
نوف : لا ما ادري بعدين موشي جديد كل شهرين تزعل
أم نوف : الله يعينها .. ابو رجلها قايل ماترد لين تدفع كل شهر مية دينار .. يقول كهربا وماي
نوف : استغفر الله شنو وين قاعدين
أم نوف : ابوه نهيبه هذا طبعه ... أم عبدالله خبله قطت بنتها على ناس مشفح عمرهم ماشافوا الدينار
نوف : امممم (( وتقول بقلبها ))<< على الاقل زوجتها ...
...
..
----

سنين مرت ... مشاكل منى زادت وزادت لين صار زعلها وقعدتها في بيت اهلها شي عادي و الكل تعود عليه .. كل ماتفكر بالطلاق تزفها أمها وترد لبيتها . . و المصيبه حملت بالجاهل الثالث .. واهي موقادره تصرف على اثنين .. اهل زوجها لا مبالاه بحالتها و كل كلمة و الثانية (( انتي مدرسة ومعاشج قوي )) مشاري مايشوف من معاشة غير ثلاثين ولا اربعين دينار و الباجي كلة ببطن اهله ...صارت منى تلوم نفسها مليون مره باليوم على زواجها و استعجالها .. حست انها ظلمت نفسها حيل .. صارت كل ماتواجهه اي بنت تنصحها أن ما تتزوج إلا بعد ماتستانس بمعاشها و تسافر وتلبس و تكشخ .. صار ذم الزواج دايم على لسانها و تدعي على كل الرياجيل .. حكرتها بغرفتين و حمام اهي و عيالها و سكنها في بيت الحموله سبب لها أزمة مو طبيعيه .. كبرت أكثر من الازم حتى اللي يشوفها يعطيها أكبر من عمرها بعشر سنين ...
ماكو على لسانها إلا الشكوى و التذمر من الدنيا و العالم ... بالاول كانت تغار من اي وحده تملج ... بس اللحين صار تكسر خاطرها اي وحدة تملج

-----

سنة 2007
(( بمدرسة نوف ))
أبلة مشاعل : قوة نوف شلونج
نوف : هلا يا قلبي ... بخير الحمدالله
أبلة مشاعل : هاا تجين باجر معانا
نوف : وين
أبلة مشاعل : بيت عنود .. مسوية استقبال .. بنعطيها هديتها و نشوف شريط العرس .. بشوف شكلي بالتصوير بطه ولا لا
نوف : لا انا بعطيها هديتها إذا داومت ..
أبلة مشاعل : ويه يا انتي تعالي معانا يمكن احد من اهلها يشوفج و يخطبج
نوف حست بخنقة من هالكلمة اللي مسببه لها أزمة ... لازم الكل يذكرها بعنوستها ... ياخي الناس ليش ماتنسى او ليش ما تثمن كلامها .. يعني عشان اهم الله رزقهم وتزوجوا قام يتشمتون ... اففففففففف
أبلة مشاعل : هآآآ شقلتي
نوف : هآآآ .. لالالا انا بعطيها هديتها لا داومت ...
أبلة مشاعل : خل اروح أشوف ابلة منال .... مطرشتها تيبلي الالعاب الزوجية يقولج طايحين فيهم بروح اشوفها يابتهم اولا

...

...
..
----

نفس اليوم العصر
(( بيت أم نوف ))
أم نوف : بو نوف .. بو نوف ..
أبو نوف : هآآ شعندج ..
أم نوف : دقت علي سعاد اختك ..
أبو نوف : اي شتبي ..
أم نوف : بتخطب عبير لولد حماها المهندس توه راد من امريكا
أبو نوف : خلاص خليني اسأل و اشوف واذا انه زين قلت لج تقوليلها تقولهم يجون
أم نوف : لاحول ولا قوة إلا بالله
أبو نوف : شفيج ؟؟
ام نوف : ياربي والله نوف تكسر خاطري ماودي ازوج عبير قبل نوف وينكسر خاطرها
أبو نوف : نوف يجيها نصيبها وما عليج وحده تدز الباجين بس لاتوقفين نصيب عبير تبينهم يقعدون على جبدي كلهم
أم نوف : ياربي انا احتر ما ابي عبير تتزوج قبل نوف .. والله نوف حالتها تكسر الخاطر ...آآآآآآآه
أبو نوف : ماعليج الله يرزقها ان شاء الله آآآخ ..
...
..
----

(( بغرفة نوف ))
أم نوف : هآآ يمج نايمة
نوف : لا قام اشوف التلفزيون بس مقصره عليه
أم نوف : ايييه ... داقة علي عمتج سعاد .. تقول ولد حماها مدرس وتوه متخرج من امريكا وعمره 23 سنه .. هي بغته لج بس تقول اصغر منج عاد قالت يجي لعبير ... مدري شقولها



ماي بارد و مثلج صب على راس نوف ... هذي اللحظة و اليوم اللي كانت خايفة منه نوف ... عبير كبرت و صارت تنخطب و اكيد بيجي يوم تتزوج ... اختها اللي اصغر منها تصير زوجة وام و اهي لي اللحين تعيش بين اربع هالطوف ... آآآآه دموع محبوسه و غصة واقفة بالبلعوم ..وعيون تمثل الفرحة .. وشفايف تدعي البسمه ... ودها تصارخ وتقول لاااااااااا بس مستحيل تحرم اختها السعادة اللي اهي نحرمت منها مستحيل تكون حجر عثره توقف بوجهه اختها ...

نوف : (( وتمثل الوناسة )) صج يمآآ قولي لها خل يجون ..
أم نوف : اي يمج بس انا ما ابيها تتزوج قبلج
نوف : يووووه يمآآ شفيج وين قاعدين هذا نصيب و لاتوقفينه قولي لعمتي خل يجون ..
أم نوف : مدري ... مدري ..
نوف : شنو ماتدرين لا توقفين نصيبها خليهم يجون خل تتزوج شنو تبينها تقعد ..
أم نوف : آآآآآآآآآآه خلاص اشوف ابوج اول ..
وطلعت وسكرت الباب وراها

ركضت نوف للباب و قفلته .. وطاحت على الارض ولمت رجولها على صدرها .. وأطلقت صرخة العنان ...

...
...
..
-----

تمت الملجة ... و استعدوا للعرس .. و حددوا العرس بعد سنه ونص من الملجة ...نوف جهزت عبير و كأنها تزهب عمرها ... حتى معاشها دشت فيه جمعيات وحطت فوق المهر مهر ..أغلى بدلة عرس .. و احلى جهازه .. لبستها الماركات من كل الانواع ..راحوا دبي عبير و ابو نوف ونوف .. شروا احسن الخامات و العطور و المكياج ... وراحوا الخبر و خذوا احلى خامات العروس ,,, مابقت وحدة فرشت بضاعتها إلا ونوف شالت نصهم لعبير ..



بس يظل يوم السبت من اسوء الايام عند نوف ... مساعد حطيب عبير يزورهم فيه يقعد ساعه ولا ااثنين .. نوف كانت تختار البدله حق عبير و تضبط لها مكياجها وتسوي لها شعرها .. خلت كل وقتها اهتمام بعبير لدرجة أن ما بقى وقت تهتم بروحها .. عبير تصغر وتحلو و نوف تكبر وتشين ... كانت توصيها شنو تقول لمساعد وشنو ماتقول .. شلون تتكلم وشلون تتحرك ... نوف تزهب الكيك و العصير .. جنها بتستقبل عريسها ...


بس تدق الساعه تسع ... يوصل مساعد ... تركض نوف لغرفتها وترمي نفسها لمخدتها اللي تشاركها دموعها و غصاتها و حزنها ...

----
2009 بدايتها
(( يوم عرس عبير ))
نوف : يالله بسرعه ...
عبير : زين بسلم على ابوي اول
أم نوف : لاتنسون جنطة الصالون
نوف : معاي معاي كل شي
شوق : نووووووووووف اصبري
نوف : شنو بعد ..؟؟
شوق : اخذي جنطة الفندق ..
نوف : يووووه زين تذكرت ... يالله ياعبير ...
عبير : يالله يالله جايه
نوف : شوق الساعه ثنتين تجين الصالون عشان تخلصين بسرعه وتقعدين عند عبير
عبير : شنو انتي ماراح تقعدين عندي
نوف : امبله بس لازم اروح الصاله الساعه سبع ونص بعد فشله تبين اقعد عندج واخلي الناس
شوق : وانا ؟؟
نوف: انتي اقعدي عندها لي الثمان بعدها تعالي الصاله وانا الساعه تسع ونص اروح اجيبها من الصالون يالله اخلصوا
...
...

نوف حاولت تشغل نفسها بالعرس ولويته .. حست أن عيون الناس تلاحقها .. احساس يوهمها ان الكل يقول هذي اخته الجبيره بس لي اللحين ما تزوجت ... كانت شوق أميره العرس .. كبرت و نضجت وتغيرت ملامحها .. احلوت و النضج بان عليها .. أما نوف فصارت وكأنها بعمر أمهم .. الضعف و السمار والتجاعيد اللي الهم رسمها على ملامحها كبرتها حيل ..كانت طافية بالعرس ولا مبينه .. كل البنات صاروا اصغر واحلى منها .. حست بمراره و حزن وكأن كلمة عانس موشومة على كل جسمها .. عيونها تراقب البنات الصغار اللي يرقصون و تذكر ايام من حياتها مضت ياترى منو من هالبنات بتعيد قصة نوف
ومنو اللي بتعيد قصة منى .. منو اللي خواتها اللي اصغر منها بيتزوجون قبلها و منو اللي تبتتزوج قبل رفيجاتها .. آآآه يا الزواج ياللي صار هم كل بنت توها متخرجة ..

اي صج شوق بعد توها متخرجة .. وكاهي شايله العرس برقصها و دلعها و غنجهتها .. كاهي صغيره و الامل جدامها تراقب عيون الحريم منو اللي المحتها و منو اللي سألت عنها ..

وطبعا الكاميره اهي الملاذ الوحيد لكل بنت تبي الزواج ... لازم تلقونها ترقص جدامها .. تتباهى بجسمها و طول شعرها .. تتباها بخفتها و نعومتها .. بمرحها وابتسامتها وكليتها اللي انقبلت فيها ... هذي حال البنات تلتفت نوف يمين و شمال .. اووووه الكراسي مليانه .. بس مليانه حريم وكلهم متزوجات .. اووووه اول كانوا مايتعدون مكان الرقص و اللحين ولا وحدة فيهم لها خلق ترقص .. وكأن الوقص صار مهنه لكل عزوبية ..
...
...
خلص العرس ..
و ارجعت نوف البيت .. و عيونها غرقانه دموع ... تقول للكل دموعي لفراق اختي اللي مكانها فضى .. وتقول لنفسها اكيد بصدقون جذبتج ...

...
..
..
---

بعد اسبوع
(( بيت أم نوف ))
نوف رادة من الدوام وكان آخر يوم دراسة
ويدق تليفونها النقال
نوف : الوووووووو
شذى : قووووووووووه
نوف : هلا هلا بهصوت ..هااا رديتي
شذي : اي و خذيت الماجستر وانشاءالله السنه الياية آخذ الدكتوراه ..
نوف : مبرووووووك يا قلبي ..
شذى : الله يبارك فيج .. يايني عرض من كلية التربيه راح أدرس عندهم لين آخذ الدكتوراه .. وعندي بعد لج خبر حلو
نوف : شنو شنو ونسينا
شذى : اسبوع الياي راح أصدر اول كتاب لي ..وبصراحة دار النشر حيل رحبوا فيني و مستانسين و امممممم بعد شنو شنو ..اي تذكرت وقدمت بحث راح يكرموني عليه وزارة التربيه .. وااااي وااااااااي اشياء وايد بسولف لج فيها بس خليني اشوفج
نوف : خلاص خلاص تعالي العصر بيتنا
شذى : خليها المغرب شرايج
نوف : اوكي
...
....
..
---
نزلت نوف من سيارتها و دشت البيت

أم نوف : نوف
نوف : هلا يمآآ
أم نوف : تعالي ابيج شوي
نوف : هآآ
أم نوف : عادل ولد خالتج مريم .. خطب شوق ....
!!!!!!!!!!!!!!!!





تركض نوف لغرفتها .. دموعها تخفي ملامح وجها من كثرتهم ... مليون آآه و آآآه على عمرها اللي راح سنين ضاعت بين جدران هالغرفة .. انعزلت و عاشت بالظلمة سنين .. شباب ضاع و موهبة ماتت .. جمال اندثر .. و مرح و حيويه و شطانة بنات صارت ذكريات .. تصيح وتبجي و تمثل الفرح والاقتناع ..توقف جدام المنظره .. تشوف شعرها اللي صابغته لعرس عبير ... آآآه لمنو أصبغ و لمنو أكشخ .. حرمان حرمان .. عاطفي و جسدي .. وروحي ... تعبت مليت ..المجتمع مايرحم في كل لحظه لازم يذكرني اني عانس
ا
لله يرزقج الله يرزقج الله يرزقج ... بس تعبت تعبت لازم تذكروني ... لازم تحسسوني بالنقص
ليش الدنيا مارحمتي و لا الناس
ليش ظلمت عمري و انعزلت و اهملت روحي ... كبرت و كبرني الهم ... كبرت و كبرني كلام الناس .. كبرت و كبرتني
كلمت عانس ...

نوف بلحظة تعب و هم وضيق
تفتح الابتوب
تدخل منتدى كويتيات النسائية
قسم المشاكل الاجتماعية
موضوع جديد
العنوان (( مليت من الوحده ابي اتزوج ))
السلام عليكم
بنات أنا بحط مشكلتي .. وما أبي منكم إلا الدعوه .. الله يخليكم ادعولي بالزواج و الستر و الله مليت كل رفيجاتي تزوج وصاروا امهات .. حتى اختي اللي اصغر مني تزوجت و اختي الثانية جايلها خطيب و الله مو حسد بس احس اني مليت كله بروحي وكل ما ادق على وحدة عشان اطلع معاها يا لاهية في بيتها و لاعيالها ولا زوجها .. خاطري اتزوج و يصير عندي بيت و عيال ..خاطري اصير ام .. مليت كل حياتي صارت دوام وبيت و نوم وانترنت .. حتى الدوام صار ممل ماعندهم إلا سوالف الزواج وبيوتهم .. و الله تعبت تعبت .. و حاسة نفسي مخنوقة و قام افضفض .. عفية ادعولي اتزوج ...

نــشر الموضوع

بقلم : حياتي فراغ

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

:0bee2e8d89::0bee2e8d89::0bee2e8d89:
على بالي فيه بارتات جديده والله كنت داخله بقوه حتي من السرعه صدمت باب المنتدي:23_asmilies-com:

حياتي حبيبتي:33_1185028183: لايكون زعلتي مني لما قلت بزنطج :tek: ترى اضحك وياج بس شسوى من الحماس بعيد عنج
ويالله ناطرين البارت:eh_s(17)::eh_s(17):

لالاالااااااااااا
ابد ما زعلت بس انخبصت خبيصة
كتبت خمس بارتات ... و بدال ما اسوي حفظ سويت مسح
واااااااي حدي انقهرت ...
وحست حوووسة
و رديت كتبت بارت واحد ولخصت كل شي <<< يختج احتريت ...
بس ماعليه السموحه على التقصير ...
والاسلوب الركيك ...
واتمنى تعجبكم الرواية

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

السلام عليكم

أشكر كل من تابعني وحده وحده بالاسم ولها بوسه على خدها ودعوه حلوه ... صج ونستوني و فرحتوني حيل على التشجيع الحلو ...
اسمحوا لي على التقصير و الاسلوب الركيك و الاختصار بالاحداث .. اول مره اكتب بالعامي و حاسه ان نهائيا ماكو اسلوب .. يعني اغلب البارتات ضعيفة حيل من ناحية الاسلوب و الحوار
اختصرت احداث كثيره ...من الرواية الاصلية و حذفت مشاهد وايد و شخصيات كثيره بعد .. بس اتمنى الغكره توصل لكم و الهدف

ماحبيت انهي الرواية بزواج نوف
لأني ما ابي اوصل فكره للقارئ أن الزواج نهاية المطاف او أصعب النجاحات
بس حبيت أبين حال أغلب البنات بعد مايطوفهم قطار الزواج و حالة الانعزال اللي يعيشونه ... حبيت أبين ان كلمة الله يرزقج بوجهه البنت الغير متزوجة تجرحها أكثر من انها تداويها رغم انها دعوه حلوه .. لأنها تذكرها بحالها او تحسسها أن المجتمع يعطف عليها و هذا شعور يكرهه اغلب الناس ...

حبيت اتكلم عن موضوع البنات اللي يظلمون نفسهم و يحسون بالفشل بمجرد انهم ماتزوجوا .. يذبحون نفسهم بالتفكير و الهم و يلجئون للوحدة و الانعزال

بينت لكم شخصية شذى اللي ظلمتها وايد و ماتكلمت عنها حيل
تغلبت على نفسها و شافت سعادتها .. خذت الشهادة واجتهدت قطت موضوع الزواج ورى ظهرها و خلته على الله و اقتنعت باللي الله كاتبة .. و خلت نجاحها بالحياة احلى عرس لها

و تكلمت عن منى و استعجالها و خوفها من العنوسه .. وبدال ماتكحلها عمتها .. ضاع عمرها و حياتها ومعاشها و صحتها .. مابقى لها غير الآآآآآآآآآآآه و الالم .. الذكريات و الكبر ...



الدنيا ماتخلو من المشاكل .. و طرحت لكم وحدة منها ...
الفشل ليس عدم النجاح و لكن الفشل هو عدم التغلب على الفشل نفسه ...

بقلمي
حياتي فراغ

 

[دمرت كياني]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

يعطيج ألـــــ1000ـــف عافيه على القصه اكثر من روعه وأسلوب مشوق أيضا

انا توقعت أنها تزوج نوووف الله يزرقها ويزرقنا

فكرة

أنها يكون رسالة حق المجتمع من خلال أدانا في العمل

ياريت تعطونا أقتراحات غير الهدف الزواج ونبدي حياة يديد من غير متاعب الحياة

مره ثانيه
أقووول
مشكووررررره حبيبتي :*

 

[Zozαĺiиaђ]

خوووش روايه
ابدعتي فيها الصراحه
يعطيج العافيه حبيبتي

و صح انا معاج احس كلمه الله يرزقج حق وحده مو متزوجه جنها شفقه ،، و ان حياتها و قفت لانها ما تزوجت

حسافه خلصتي الروايه بسرعه وايد استمتعت و انا اقراهااا

و انشالله نجوفج تبدعين في روايه ثانيه =)

 

[غـيوض]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

حياااااااااااااااااااااااااااااااااااااااااااتي ,,,


عوووووووووورت قلبي

و ربي عووورت قلبي ,,


ليــــــــــــش ياربي ,, ليش ما تزووجت نوووف ,,,


حياتي فراغ القصه روووووووعه رووووووووعه رووووووووعه اهنيج حيااتي ,,\ :eh_s(22):

و واصلي و لا توقفين كملي يا قلبي و نبي منج روايات بعد ,,, :eh_s(22):

و طلبتج اذا فكرتي تنزلين تقوليلي ,,, فديتج ,,~ :eh_s(22):

 

[دمرت كياني]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

حياااااااااااااااااااااااااااااتي
مشكوره واااااااااااااااااااااااااااايد انج تعطينا خبر على القصه
فديتووووووووووج يا قلبي

 

[~ مآ يهمـ ~]

امممممممممممممم ..


روووووعه بصصصرآحه ..


بس جد جد دمعت عيني ع حآآآل نوف ..

ويعطيج آلف عآفيه ..

فئه نوف موجوده بالمجتمع وبكــثره ..

مع انها صغيره لكن تفكيرها كله منصب بالزواج !!


وللامانه طرحج وآقعــي ..

وبالنسبه لـ نوف انا اتوقع بجييلها نصيبهــآإ وين مآآ كآآنت ..

ويسسسسسسسسسسسسسلمو بعد قلبي والله مادري شقول ..

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

يعطيج ألـــــ1000ـــف عافيه على القصه اكثر من روعه وأسلوب مشوق أيضا

انا توقعت أنها تزوج نوووف الله يزرقها ويزرقنا

فكرة

أنها يكون رسالة حق المجتمع من خلال أدانا في العمل

ياريت تعطونا أقتراحات غير الهدف الزواج ونبدي حياة يديد من غير متاعب الحياة

مره ثانيه
أقووول
مشكووررررره حبيبتي :*

الــعفوووو يا قلبي على التشجيع الحلو ...
و فعلا أتمنى من خلال هالرواية أن تكون شذى قدوة لكل بنت ماتزوجت ...
واتمنى عادت الانعزال اللي تعيشها أغلب البنات اللي ماتزوجوا تنتهي .. لأن فعلا هالشي قام يضرهم أكثر من انه ينفعهم

ومشكوووووووووووره :tek:

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

خوووش روايه
ابدعتي فيها الصراحه
يعطيج العافيه حبيبتي

و صح انا معاج احس كلمه الله يرزقج حق وحده مو متزوجه جنها شفقه ،، و ان حياتها و قفت لانها ما تزوجت

حسافه خلصتي الروايه بسرعه وايد استمتعت و انا اقراهااا

و انشالله نجوفج تبدعين في روايه ثانيه =)

الله يعافيج ياقلبي ....

ونورتي لي الرواية و اشكر لج تواجدج

 

[Lilly - KSA]

حلوة القصه تسلم يدك
واقولك من الحين انتي مطالبة بقصة ثانيه ترا
بس اللي قهرني ..ليه نوف ظلت حزينه والهم لعب فيها ؟؟
ليه مااستوعبت ان هالشي بتوفيق من الله وان هذا نصيبها وخلاص اقتنعت فيه وعاشت حياتها
ترا الزواج مب نهاية العالم ولا اللي ماتزوجت انتهت صلاحيتها !!
انا وخواتي اكبر مني كلنا ماتزوجنا
وصاحبات خواتي وصاحباتي برضو كلل ابوهم ماتزوجو ..
انا مب ضد هالشي بس برضو مب ميته عليه ولا مستعجله ..ابي اعيش حياتي مبسوطه ومرتاحه واسوي اللي ابيه سواء تزوجت ولا لا
سوري عرضت قصة حياتي :$ .. بس لاني بغيت اوضح هالشي لان اشوف كثير بنات متشفحات ع الزواج واذا تزوجت قالت هم ومدري وشو
ميرسي ( وردة )

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

حياااااااااااااااااااااااااااااااااااااااااااتي ,,,


عوووووووووورت قلبي

و ربي عووورت قلبي ,,


ليــــــــــــش ياربي ,, ليش ما تزووجت نوووف ,,,


حياتي فراغ القصه روووووووعه رووووووووعه رووووووووعه اهنيج حيااتي ,,\ :eh_s(22):

و واصلي و لا توقفين كملي يا قلبي و نبي منج روايات بعد ,,, :eh_s(22):

و طلبتج اذا فكرتي تنزلين تقوليلي ,,, فديتج ,,~ :eh_s(22):

يا قلبي نورتي القصة ...
و اشكر لج تشجيعج

و أنا تعمدت اني ما ازوج نوف بالنهاية عشان ما اوصل فكره للكل أن الزواج نهاية المطاف ولا الزواج اهو الوسيلة الوحيده للحياة السعيده
حبيت ابين لكل بنت تسعى ورى الزواج و اذا مالقته انطوت عن المجتمع انها قام تدمر عمرهاا و تنهيه ...
هدفي بالرواية القضاء على هالفكره واتمنى توصل للكل


اشكرج 2