يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تشجيع

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

حلوووووو ,, ماشا الله عليج

حرام نوف على كثر ماحنت ما ياا نصيبها من حنتها لول

ناطريـــــــــــــن = )

منــورة يا قلبي ...
و شوي و أنزل أكثر من بارت لعيونكم

 

[دمرت كياني]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

لا يوقف
لا يوقف


^_^

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت


((بيت أم سالم))
بغرفة كلها بنات
نوف : السلام عليكم ..
عائشة : هلا حبيبتي شلونج ؟؟
نوف : بخير الحمدالله .. ومبروك
عائشة : الله يبارك فيج و الفال لج
نوف : تسلمين ...
عائشة : بنات هذي بنت جيرانه نوف

نوف افترت على البنات وسلمت عليهم

وحدة من البنات : عواشة عاد خلاص من اليوم و رايح عباة راس
عائشة : لا اسم الله علي .. اصلا امه ماتلبس تبين يلبسي
وحدة ثانية من البنات : هذا أنا رجلي خواته سفور وأنا بوشية وعباية راس
عائشة : لا لا أنا رجلي شكله فريه
وحدة من البنات : كلنا عبالنا جذي عقب جاهل ولا اثنين احنا نتقمقم بنخفي العيوب
وحدة ثانيةمن البنات : يوووه أنا اول البناطير و التنانير .. اللحين عباية مانتو .. ولا لي خلق
عائشة : امبيه شدعوه
وحدة من البنات : يوووه العيال يهدون الحيل
عائشة : يالله يالله كلها سنه ولا اثنين واصير نفسكم
وحدة من البنات : شوفي انا نصيحة اعطيها كل وحدة بتتزوج بس لي اللحين مالقيت اللي تطبقها ... اهم شي حافظي على وزنج!!
وحدة من البنات : يا مــعودة انتي امتن وحدة فينا ...
عائشة : لا وكله سوالفها رجيم
ردت : ويي سكتي ماقلت لج عن عيادة مستشفى مبارك يوم رحت لها ...
...
...
...
------

بليل
(( بيت أم نوف ))
أم نوف : عبيييييييييير قولي لنوف تجي تتعشى
عبير : تقول مآبي ..
أم نوف : كيفها ...

-----

بعد عشر ايام
(( كلية التربيه ))
نوف : انتي وينج .. كل ما ادق عليج نايمة
منى : اسكتي والله ماعندي وقت ..
نوف : انزين شلونج
منى : يوووه اسكتي حايسة حووس ... باجر بيجون يجيبون المهر ..
نوف : جم بيعطونج
منى : خمسة بعد جم
نوف : ماكو شبكة
منى : لا ما اتوقع ما قالوا
نوف : ايه عائشة امس كلمتها تقول جابوا مهرها خمسة و شبكة ..
منى : ايه تقول
نوف : متى كلمتيها ..
منى : هآآ . بنفس اليوم اللي جابوا لها المهر ..
نوف : ايــه .. انزين تردين معاي البيت
منى : لا .. أنا قايله لعائشة تمرني بسايقهم بنروح أنا وياها الصالون
نوف : ليش ؟؟؟
منى : بحف .. بعد اليوم بيجون يجيبون المهر
نوف : ايــه خلاص بروح محاضرتي اللحين
منى : خلاص ماشي ..

---

العصر
(( بيت نوف ))

أم نوف : نوووف تعالي تغدي
نوف : ما ابي كليت بالكلية
أم نوف : شوفي شكلج ضعفانه
نوف : اي بس عيبي علي اففففففف
أم نوف : ما اعيب بس ابيج تاكلين
نوف : مو جوعانه بروح أنام ... وقعدوني الساعه ثمان بسوي لوحتي مالت المعرض ...
أم نوف : انزين ..


------


الساعه ثمان .. قامت نوف و سوت لوحتها و قربت تخلص . ..

---
الساعه 10
(( بيت أم عبدالله ))
أم عبدالله : الوووووووو
نوف : الووو قوة خاله شلونج
أم عبدالله : هلا ياقلبي ...
نوف : خاله منى موجودة ؟؟
أم عبدالله : اييه صبر اناديها ..

أم عبدالله : منـــى آآآ
منى : نــعم ...
أم عبدالله : تعالي تليفون ..
منى : منــو ؟؟
أم عبدالله : نوف تبيج
منى: قولي لها عشر قايق وتدق ...

أم عبدالله : هلا نوف .. تقولج عشر دقايق وتدق ..
نوف : ماشي ...باي

...
...
..

-------

بعد ما سكرت ام عبدالله التليفون
منى : يمآآآآ
أم عبدالله : شفيج
منى : ترى حددو العرس
أم عبدالله : شدراج ؟
منى : توني كلمة مشاري قال توه حاجر الصاله وبيدقون عليج يقولوج ..
ام عبدالله : انزين متى ؟
منى : بعد خمس شهور
أم عبدالله : اي زين
منى : انزين متى اجهزج
أم عبدالله : زين تو الناس
منى : يوووه انا لو بطيعج بيجي العرس وماجهزت
ام عبدالله : عن العجله السوق مهو طاير
منى : اوووووه خل ادق على عائشة ..
أم عبدالله : نوف دقت عليج
منى : ادري ادري .. خل ادق على عائشة اول

------


(( بيت أم سالم ))

عائشة : الوووووو
منى: الوووو زين انتي رديتي ..
عائشة : ايه ناطره فيصل بيدق
منى : عجل اسمعي حددو عرسج ؟؟
عائشة: ما ادري ناطره فيصل يدق واسأله
منى : توني كلمت مشاري يقول حددو عرسي بعد خمس شهور ..
عائشة : وي عجل انا قبلج لأن فيصل قال بيحط عرسه قبل عرس مشاري ..
منى : عجل نجهز مع بعض ..
عائشة : شوفي باجر أمرج بسايقنا. نروح نشوف الدراريع ناخذ فكره وبتجي سعاد بنت خالي معانا
منى : اي بعد اهي مابقى شي على عرسها
عائشة : انزين يالله بيدق فيصل اللحين ...
منى : ماشي باي .. خل ادق على مشاري ...


-----
(( بيت أم سالم ))
يرن تليفون البيت
عائشة : ألوووو << بدلع
فيصل : هلا بهصوت ..
عائشة : هلا فيك ...
فيصل : شلونج ؟؟
عائشة : بخير الحمد الله أنت اللي شخبارك؟
فيصل : الحمدلله اسأل عنج .. ترى حجزت الصاله
عائشة : متى اي تاريخ
فيصل : بعد ثلاث شهور
عائشة : امبيييه فيصل حيل مبجر
فيصل : ليش ثلاث شهور مايمديج ؟؟
عائشة : بس فتره امتحانات الكورس الثاني
فيصل : عادي كلها سبوع نطير لمصر ونرد
عائشة : شنو بنسافر ؟؟
فيصل : ايه و ابي جوازج بروح احجر باجر ...
عائشة : انزيل ومنى ومشاري بيروحون وين
فيصل : ههههههه مشاري حتى الخبر ماشافها ...
عائشة : شدعوه ليش
فيصل : اسكتي بس الله يستر لا ابوه يناشبه بفلوس العرس
عائشة : اي يقولون اقشر
فيصل : حدااا الله يستر و الله مشاري يحاتي ...
عائشة : تصدق عاد منى امس تقول ان مشاري قايلها أن اهو يعطي ابوه 250 من معاشه و 100 لأمة ... و اللحين ابوه قايله تعطيني بدل الايجار غصبن عليك
فيصل : ايه ادري امس بيتهم هوااش و صياح على هالسالفة ... ماعلينا قولي لي شمسويه انتي ...
...
....
...

------

(( بيت أم نوف ))
جدام التلفزيون
نوف : عطيني الرمونت
عبير : يوووه لاتغيرين بنشوف المسلسل
نوف : انقلعي شايفينها بالرمضان
شوق : اي كيفنا بنشوفها حرام
نوف : انتي اسكتي لا بنعال
عبير : ياربي يعني مانشوف شي ..
نوف : اذلفي غرفتج
عبير : مابي اففففففففف
شوق : والله اعلم امي ...
نوف : اذلفي روحي علميها

شوق : يمآآآآآآآآآ
أم نوف : وصمآآ شتبين
شوق : نوف ماتخلينا نشوف المسلسل
أم نوف : جننتني نوف دبلة جبدي
نوف : (( تصارخ )) والله انتوا اللي جننتوني بالبيت القثا هذا
ام نوف : (( تطلع من الحمام متوضية )) استغفر الله ... استغفر الله
شوق : يمآآآ قولي لها
أم نوف تعطيهم ظهرها و تروح تصلي

عبير : انزين اللحين دعاية حطي على المسلسل
نوف : ابي اشوف الدعاية كيفي ..
عبير : اففففف استغفر الله محد يرتاح بهالبيت ..
..
...


بعد ماخلصت ام نوف الصلاة
أم نوف : حطي على المسلسل خل خواتج يشوفونها
نوف : اصلا خلصت المسلسل
عبير : انزين حطي شوي خل نشوف
نوف حطت على المسلسل و اهي تدري انها خلصت
شوق : يوووووووووووووووه كله منج
نوف : احــسن ..
أم نوف : ياقشرج
عبير : انزين متى نتعشى الساعه عشر ونص ...؟؟
أم نوف : يالله قولي لكانتي تحط العشى ...

...
...
...
انتظر ردودكم
-----

 

[FiOnKa]

أمبيــه شفيهاا منى تكبرت على نوف الله يهداها قبل كله معاها :s

مسكينه هالنوف صج شريه شوي بس كسرت خاطري

 

[دمرت كياني]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

كملي بليز

<<<
حدي ندمجة

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

أمبيــه شفيهاا منى تكبرت على نوف الله يهداها قبل كله معاها :s

مسكينه هالنوف صج شريه شوي بس كسرت خاطري

اي والله وماعليج بتكسر خاطركم أكثر
ومثل ما ذكرت الرواية تتدرج من الاسلوب الفكاهي لي الاسلوب الواقعي ...
و نورتي حبيبتي

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

كملي بليز

<<<
حدي ندمجة

خليج معاي و بنزل أكثر من بارت لأني بحاول أخلصها هاليومين
ونورتي حبيبتي

 

[دمرت كياني]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

ok
ناطرتج ^_*

 

[bellaa]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

يعطيج العافيه على البارت ناطرتج :d

 

[FiOnKa]

وااي لا تقولين = (

زين حيوته قلبوو بتحطين بارت ثاني اللحين وله لآ ؟

 

[Zen&7ala]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

لااااااااااااا يووووووووووووووقف


ناطريييييييييييييييييينج

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

-----

(( بعد اسبوع ))
فتره امتحانات نهاية الكورس الاول بالكلية
عند قاعة 101
نوف : مـنى آآآ... عاش من شافج ..
منى : هلا نوف ... ترى مسـتعجله متأخره عن الامتحان
نوف : خلاص دقي اذا رديتي البيت
منى : ماشي ماشي باااي ..

نوف امسكت الكتاب وقام تشوف الاجوبة اللي حلتها صح ولا غلط
سلمى : نوووف
نوف : هلآآ سلمى شلونج
سلمى : هلا ياقلبي انتي شخبارج
نوف : بخير الحمد الله
سلمى : زين شفتج .. اعزمج على عرسي
نوف : شنو حددو ..؟؟
سلمى : ايه الشهر اللي طاف حددو والله صدموني دقوا على امي قالوا العرس بعد شهر
نوف : وي و مداج خلصتي شغلج
سلمى : اي هذا أنا قام اخلصة بسرعه بسرعه
نوف : ومتى العرس ؟؟
سلمى : يوم الاحد الجاي
نوف : عجل تكفين دقي علي قبلها ,,
سلمى : ان شاء الله أنا قايله بدق على البنات وحدة وحدة ,, ولاتنسين بلغي منى
نوف : ايه ترى منى ملجت
سلمى : صج مبروووووك
نوف : الله يبارك فيج
سلمى : وانتي ؟؟
نوف : الله كريم ان شاء الله ..<< حست انها بتبجي ..
سلمى : ان شاء الله .. خلاص لاتنسين ..
نوف : ماشي
..
.
..
----
قبل عرس سلمى بيومين
(( بيت أم عبدالله ))
أم عبدالله : الوووو .. هلا هلا نوف
نوف : هلا خالتي شلونج
ام عبدالله : بخير الحمدالله انتي شلونج
نوف : بخير خاله .. منى موجودة
أم عبدالله : لا والله رايحة ويا سعاد بنت خالة عائشة ... يفصلون راريع ...
نوف : انزين خاله قولي لها سلمى تعزمها على عرسها عقب باجر
أم عبدالله : انشاءالله عساني ما انسى . سلميلي على امج ..
نوف : انشاءالله .. الله يسلمج

...
----
(( بيت أم نوف ))
نوف : تسلمج عليج ...خالتي أم عبدالله
أم نوف : الله يسلمها عجل منى وينها؟؟
نوف : رايحة تفصل دراريع
أم نوف : غريبة ماخذتج وياها
نوف : اصلا من ملجة ماتعطيني وجهه
أم نوف : ليــه ؟؟؟
نوف : شدراني صايره موضة اي وحده تملج ماتقعد إلا مع المتزوجات ...
أم نوف : ياشين هالطبع ..
نوف : بروح اتسبح
أم نوف : اسمعي بيجونا حريم بعد شوي اللبسي دراعتج واكشخي وانزلي صبي الشاي
نوف : منو الحريم ؟؟؟
ام نوف : أم سامي
نوف : أم سامي حريم ؟؟!!
أم نوف : عجل شنو ؟؟
نوف : كل يومين عندنا
أم نوف : ماعليه اللبسي و اكشخي خل تشوفج .
نوف : انزين ..
...
....
..
----
الساعه 9 بليل
((بيت أم عبدالله ))
أم عبدالله : الله الله ليش 900 دينار دراريع شدعوه
منى : ايه بعد شنو عروس تبيني آخذ راريع بوطقة ..
أم عبدالله : شدعوه بتهاجرين السوق مفتوح مهو مصكر ..
منى : يووووه يعني عروس تبيني اتخلجن
أم عبدالله : مشتراتج شينه لعبتي بالفلوس وجيتي ... الناس تاخذ لها دراعتين فخمات و اربع ولاخمس عاديات و جم وحدة

للبيت ...
منى : ليش تبين يقولون عني تجهيزتها خايسه و يعيبون علي
أم عبدالله : ياربي صبرني .. و راج اغراض الدنيا و الصالون و الذهب و بدلة العرس
منى : يصير خير انتي شفيج حتى ماتعرفين تمدحين
أم عبدالله : يمج لعبتي بالمهر مايصير جذي ...
منى : كل البنات اللحين يكشخون تبيني اصير اقل منهم
ام عبدالله : يمج مو جذي .. حطي لج ورقة وقلم و شوفي شتبين و جم يكلفج مو تلعبين
منى : انزين انزين
أم عبدالله : عطيني اللفين أخشهم
منى : ليه ..؟؟
أم عبدالله : للذهب و لا بعد بتلعبين بالفلوس ... وتقعدين
منى : انزين .. متى نروح نشتري الذهب ؟؟
أم عبدالله : تو الناس عقب العيد ينزل سعر الذهب ...
منى : انزين مو اذا شرينا الذهب تجمعين الحريم و تورينهم
أم عبدالله : عجل شلون ماتبين تورين الطخم لحد ؟؟؟
منى : اي ابيهم يشوفونه علي بعد العرس
أم عبدالله : والله يحبيبتي كل الناس يورون و عماتج و خالاتج غصبن عليج بيشوفون الذهب ...
منى : اففففففففففف منكم ومن طبعكم ...
....
....
...
-----

عقب يومين
(( عرس سلمى ))
بالصالة العرس

نوف : قوة منى ... قومي خل نرقص
منى : لا مالي خلق .. ابنطر اذا دشت العروس برقص رقصه جدامها ..
نوف : انزين انا برقص ...

((الزين بين وله ناس يشوفونه

ترا الوعد لاحصل بالعب صفيني

يابو جديل عذاب اللي يكدونه

حرزن عليها من عيون الشياطيني...))

رقصت نوف على هالاغنية .. وطبعا جدام الكاميرا .. وتلفح بالشعر يمين و يسار ...

....
قعدت نوف تاخذ نفس وشافت غدير ..
نوف : قوه غدير ...
غدير : هلا حبيبتي شلونج
نوف : بخير شفيج شكلج تعبانه
غدير : لا ولا شي بس توني قاعدة من النوم
نوف : ايــه
غدير : عجل وين منى ؟؟؟
نوف : قاعدة بالصفة اللي ورى ...


راحت غدير لمنى
غدير : قوة .. ياقلبي شلونج
منى : هلا فيج .. ابد بخير انتي شلونج
غدير : الحمد الله
منى : هاا ليش لابسة عباية منتي راقصة ..؟
غدير : لا ماقلت لج ... شكلي حامل
منى : صــج ماشاءالله مبروك .. متى حللتي
غدير : لا ماحللت بس متأخره علي ... بحلل بعد جم يوم
منى : يالله انشاءالله حامل يارب
غدير : انشاءالله والفال لج ..
...
...

و غنــت الــطقاقة
(( حنــأ الرحم والوصل والطيب حنـأ
وإليآ نشدت الناس بالعوون ويـلآلآلآه
رجــالـــنا نقصـــــن علي المعتدينــــــا
نآرن تـــوآهــــــب من سلآيل كحيـلآن))

و رقــصة نوف على هالاغنيــة بس هالمره راقصتها امها ...
...
...
...

رقصت نوف تقريبا على كل الاغاني .. وسلمت على كل حريم العرس ,,,
أما منى ظلت بمكانها قاعدة لين دشت العروس .سلمت عليها ورقصت رقصة وحدة و استأذت وطلعت قبل دخلت المعرس

...

وخلص العرس

انتظر ردودكم

.​

 

[bellaa]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

مشكووووووووره على البارت:eh_s(18):

 

[FiOnKa]

حلوووو , الاحداث تشد واايد و قاعده اتخيل اشكالهم و كل شي لوووووول

 

[بلا وجع قلب]

واااااااااااااي عورت قلبي نوف امبيه منى كرهتها خلااص
عقباااااااااااااااااااااااااااالي يارب مايخلص هالشهر الا انا مالجه على الي ابيه يااااااااااااارب قولو امين << متأثره لووووووول

ناطره البارتات اليايه

 

[غـيوض]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

مسكينه نوووف

صح كل اللي يملجوون جذي يعني صرنا حريم هههههههههههههه

نااااااااااطره على نااار

القصه كل ماالها و تصير احلا و احلاا ,,


بلا وجع قلب <<< آمــــــــــــــــــين يا رب :friends:

 

[~ مآ يهمـ ~]

يممه والله نوف تكسسسر الخآطر


بس لو ما تسوي سوالفها هذي وتركد شوي خخخخخخخخ

يلااااااااااا نااااااطرين

وناااسه الاحداااث مشوقه

 

[Riooma]

wa3alaya takser alkha6er hal nouf

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

مشكووووووووره على البارت:eh_s(18):

الـــعــفو يا قلبي
ومنوره

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

حلوووو , الاحداث تشد واايد و قاعده اتخيل اشكالهم و كل شي لوووووول

لوووووووووول اهم شي تتخيلين العرس

و مشــكوره يا قلبي و منوره