و الحل يعني معاهم ؟؟!!قمة النشبه

[BYADIR]

سويتيها قصة الله يهداج

مافيها شي عاجبهم ذوقج ويسألونج

واعتقد بما ان مستواج احسن من مستواهم

اكيد ماراح تلبسين البدله مره ثانية والبدله من سنه و نص

 

[غنوة ستايل]

عطيها الثوب خ تفصل عليه
انا مرات اشتري اشياء عبايات ملابس بس ما اقول سعرها الاصلي
لان ادري بيقولون منتفه ولدنا ومن الكلام هذا ( وهذا كان راي رجلي اني ما اتكلم بسعر شي غالي مشتريته قدام اهله )
بس لو عجبهم شي من شغلي اعطيهم يسوون عليه . شفيها عادي
او اقول لهم انا مشتريته من المحل لفلاني وقت التنزيلات
واقول لهم سعر شوي عشان لا يتكلمون علي ويقولون مسرفه
بس ما اخليها بخاطرهم
ولا ألاعبهم مثل ما انتي سويتي !!

اريحهم وارتاح بنفس الوقت

 

[granted]

اففففففف مااحب حد يلبس ملابسي ولا يستخدم اغراضي
هذا ذوقي وستايلي ليش التقليد اففف مااحب هالطبع
والسعر ليش يحنون بيعرفون بجم اختي بطيها بيووهم وقوليلهم بجم
الله يعينج يارب

بس شلون تقولين حالتهم المادية مو ذاك الزود واخوهم اهو الي يشتري الفساتين حقج؟؟؟؟

 

[بكيزة هانم]

أنا ما فهمت بصراحه

 

[al-musk]

على قولة اللبناننين والسوريين ( كرمال عين تكرم مرج عيوووووون )
كبريها تكبر صغريها تصغر .. الناس بيئات مختلفه وطبايع

 

[دلال و غلا]

ريحي نفسج و خلج عادي كنهم خواتج ان عرفتي سعر فستان قولي و ان حبت وحده تستعيره عطيها ما عليه حسبة اختج

و تقولين خايفه من السوالف و نقل السوالف تراا كله فستان مو فضيحه او سالفه تفشل

و ربي يوفقج يالغاليه

 

[الاء حسين]

افا

 

[انثى عاشقة]

والله ما الومج
انا خوات زوجي وامه يسألوني عن اسعار فساتيني وشغلات تخصني
لو طلع شي منهم غالي يسووون سالفة
مخسرة ولدنا
وتبدأ امه تشيشه لا تبذر فلوسك
وهو مايكذب خبرر

انتي طنشي وخصوصيتك مالهم شغل فيها ​

 

[كليـ دلعـ]

ثلاث ارباع كلامج مومفهووم

ليش ماتعلمينها السعر!؟

ليش تخشينه وتراوغين!؟

وليش تقطينها براس ريلج وتحرجيه!؟

تدخلينه بسوالف الحريم وكيدهم!؟

واهو ليش يجذب يرقع لج!؟

الحمدلله والشكر ليش كل هالفلم!؟

قالتلج جم سعره ماقالتلج عطيني اياه!؟

سالتج عن السعر فقط!!

شفيها لي قلتي!؟

والله لوتسالني حماتي

لوكان نفنوفي يديد لقوولها فداج تفضلي!!

لان بنت العز اللي شايفه خير تكون سخيه وحبيبه

سوالف التخشش والمراوغه كلشش موحلوه وعيب!!!!

نفنوف صارله سنه وزياده تقولج بجم وتخشين!!!

وتقوولين انا اقدر اقول لها السعر بس زوجها ع قد حاله!!!!!!


انتي شعليج من زوجها عنده ماعنده!؟

قالتلج جم فقط ،،،، سؤالها بسيط!!


وانا اعتبر عندي ما عندي من فساتين وملابس و قيمتهم خصوصيه مطلقه


يعني شنوو كلامج هذا!؟

وشنو يعني قيمتهم خصوصيه مطلقه!!

شهالاسلوب!

اللي يسمعج يقول كبتج كله من الصالحيهوالملابس ع 10 الاف ديتار!!

(((150 الف ريال!!)))

راجعي حساباتج عدل شوفي غ قولتج الميزانيه المطلقه تطلع جم؟؟

وماطار طيرن وارتفع الا كما طار وقع

لوتحبين ريلج ماستحقرتي خواته وطالعتيهم من فووق!!

وتخشششين عنهم ملابسج اللي اخوهم اللي شاريها لج

من حلال اخوهم لبستي يعني من خيرهم لا بسه

وشايفه نفسج عليهم!!


ع قوله المثل اللي يقول اخذ من جيسه وعايده!!

مابي ازيد اكثر

 

[أم فـرح الحلوه]

اي والله لو تحبين اخوهم وقلبج زين كان اعتبرتيهم هم وكل الناس خوات بالاسلام واذا ع السعر قرليلهم شفتيهم شيشو اخوهم اذا سالوج مره ثانيه لا تقولين لهم او قوليلهم محل غير وبسعز غير واذا هم ما عندهم يشترون عالي او حتا ذوق بالاختيار خليج مثلهم الاعلي اختهم اللي ما جبتها امهم انتي واخوهم ع النيه يرقع لج وصدقيني يمكن ربي يرزقهم بازواج يخلونهم يشترون دبل دبل اسعاز ملابسج ومامن طير طار الا وقع

 

[بوح الحنين]

شوفي خيتووووووو هو عااااااااتي تعطينهم وتكسبين اجر اذا حالتهم الماديه سيء بس مراااااااات بعض الحميااااااااات يخربنها اربع وعشرين ساعه يطلبن انا تعبت من هالشي وانحرج مرررررررررررات رحت لزوجي وقلت ماصارت كل ماشتري شي مايمديني البسه على طول اختك تطلبه مني تعبت انا قتله عشان انا لما اشتري شي احب البسه عند اهلي لانه اهلي برى الكويت صرت الحين لاشريت شي مالبسه عن اهل زوجي بسبة حماااااااااااتي

 

[!! دلوعته !!]

اااااااااااااابب

 

[خالتي قموش]

في حموات يسالون خباثه ولقافه

وفي يسالون عن حسن نيه



وانا شخصيا ما اعطي احد من لبسي او لس ريلي حق اي احد
واذا اضطريت اعطي ما ارد اخذه مره ثانيه
يعني اقطه بلزباله

ما اعرف شنو سوو فيه
الناس مو نفس قبل
بلنسبه لي ما اعلم
ماني ملزومه لاني اعرف تفكيرهم
لانه اللي تلدغله حيه بيده يخاف من جرة الحبل

 

[خالتي قموش]

انا مره عطيت شي بحسن نيه
اخر شي طلعت مقصره
مو كل الناس تشكر

 

[noooor2012]

صج قطه وجه شكو تسال عن الفستان وسعره اهي شنو ماعندها ذوق يامعوده فكي عمرج من الحموله ان عطيتيها الفستان كله مو خالصه وبتطلعين انتي الغلطانه وان عطيتيها طاف هم بعد مانتي خالصه من سوالفهم ملابسج شي خاص اناعن نفسي ماحب احد يلبس ملابسي واي وحده تطلب مني اقولها اسفه ملابسي مااحب احد يلبسهم وماعليه خل تتعب علي روحها شوي ودور لها شي يصلح لها مو تجي بارده مبرده تبي الفستان

 

[mrs.abk]

تدرين وين المشكلة .. فيج إنتي ,,
\يبدو فيج نزعة غرور وفوقية على أهل زوجج ..

ياماما مافيها شيء .. عادي بخبرهم لا وبعطيهم إياه يلبسونه بعد دامني لبسته وخلصت ..

الدنيا ما بتطير .. ولا تخلين القلوب تحقد وتغار والسبب خلاقين ما بتستفيدين منهم يوم لا ينفع مال ولا بنون

 

[Perfume]

حبيبتي انا طبعي مثل ام خزامى حتى عبايات اعطي اللي يبي يفصل مثلي
بس ممكن اسلوبهم ما عجبج في الالحاح يعني من حقج ترفضين وما الومج لانه الناس اطباع وكل واحد حر بتصرفاته

 

[orchidia]

انا اشوف انه شي عادي اذا سألوج بالعكس ابي لهم الزين لأنهم يحبوني ..

وما سألوني الا عاجبهم شكلي .. يعني حتى اذا رحت صالون زين خذيتهم ويآي وقلت شغله حلو ويثقون ف ذوقي ..

انا اشوف لو تغيرين طبعج أفضل وزي ماقالوا البنات لوجه الله

 

[مناير ...!]

والله اهم الي لازم ايدورون حل
لان حالتج صعبه حدج اتطالعينهم بفوقيه !!
ماعزج الاولدهم
وولدهم الا شاري لج النفنوف فعلى شنو اتهربين !!

 

[live life]

بصراحه اختي انتي نحيسه ودعله

شصار يعني لي تسلفت منج وعطيتيها ؟؟

حرااام عليج عاملي الناس نفس ماتحبين شلون يعاملونج

وترى ولدهم اللي شرالج وعزج قبل ما يكون زوجج اهو ولدهم

اعتبريهم نفس اهلج مافيها شييي

انا والله اعطيهم لي طلبوا مني ومرات انا اعرض عليهم تبين كذا اعطيج كذا واقعد اخيرهم بعد الحمدلله انا شايفه خييير ولي عطيتهم ماراح ينقص مني شي

ولعلمج مرات يضيعون الشغله ولا يتأخرون بردها والله مااهتميت ولا سألت عنها لاني معتبرتهم اهلي والبنات خواتي

من تواضع لله رفعه

الله يهدييييج