و الحل يعني معاهم ؟؟!!قمة النشبه

[غيروك يا زمن]

السلام عليكم

انا عندي مشكله باطه جبدي وابي اعرف كيف اتعامل
مع هالنوعيه من الناس
حماتي اخت زوجي لزقت لي عظم في البلعووم
انا عندي فستان لبسته في عرس اختها
وصار على هالفستان سنه وشوي
جات اسألتني بكم شريتيه ؟
اول مره قتلها مادري انا شفته بالمحل وعجبني وجابي لي اخوج
اوكي مشيتها
وترجع بعد شهر تسألني بكم شريتيه ؟ مو غالي حيل لان ابي اشتري مثله ؟
قتلها نسيت مادري بس مو غالي
وتروح الحبيبه تسأل زوجي وانا اسمعها بكم شريت الفستان لفلانه
قالها والله مادري
انشبت لي ...وزوجي يرقعها ويقول توني هذي الفتره شاري فستان
لفلانه الي هي انا بعد التخفيض بقيمه
انا مو مشكله عندي اقولها بس زوجها على قد حاله
وانا اعتبر عندي ما عندي من فساتين وملابس و قيمتهم خصوصيه مطلقه
المشكله ان المنطقه اللي ساكنين فيها اهل زوجي بعيده عن المنطقه
اللي ساكنه انا فيها فمضطره اروح مع زوجي انام بيبتهم كل اسبوعين ثلاث ايام
ونختلف بكل شي وهم عندهم قيمة الفستان غاليه
وما تستاهل هالسعر وبنفضح في الحي ..لان طبعهم كلش مو زين تنقل كلام و حسد بعد
و اخت زوجي الثانيه انخطبت اختها حتى كلام رسمي ماصار تقولي بتشترين
فستان ؟ قتلها تو الناس االمقصد الدولاب متروس ماله داعي
حتى في عرس اختها اللي لبست الفستان اللي ناشبه لي فيه اختها
قالت لا تقوليين ما عندج حق يوم ثاني دولابج متروس قتلها امي حبيبتي جايبته لي
وامس اخته الثالثه تكلمني تقولي صديقتها بتسوي خطوبه
وبتفصل لها ومحتاره وقتلها مرت اخوي عندها فساتين حلوه
عاد انا اخذت بحسن نيه وصورت فستانين عندي اهم الوحيدين اللي يصلحون
وتجي ترسل لي بعد صوري الفساتين تقصد الفستان اللي دايما تسأل عنه اختها
قتلها ما يصلحون اللي عندي و تقولي صوري الفساتين القصيره اللي عندج
قتلها ما يصلحوون حق خطووبه حق جمعات عاديه
وعادي اشكره يقولون يمي لناس انا بلبس فستان مرت اخوي فلانه
وانا اعطيهم لان وضعهم المادي سئ
بس استأأأأذاان يا ناس

بالله انا شسوي ؟؟؟!!!
​

 

[Tom ♥ Jerry]

,


اعتبريهم خوآتج و تعاملي وياهم عآدي!
اذا قالولج بجم هاذا و بجم ذاك قولي السعر عادي :/
اذا يبون يتسلفون منج نفنوف عطيهم

 

[الـــغـــلآ]

توم و جيري

ما اتفق معاج بهالنقطه لبسي لي مو حلوه تجي فلانه و علانه و كل ما طلبو لبسي عطيتهم !

و صاحبة الموضوع ثاني مره لآ تتعمقين معاهم اقطعي الطاري من يبدون يتكلمون

منتي مجبوره تصيرين ع المكشوف و يعرفون كل كبيره و صغيره بلبسج

الواحد يحب يكون له خصوصيه و خصوصا بلبسه

ٱ‏​نـِا اول عرسي لبست بدلة استقبال و جتني وحده تقُوليےّ باخذ بدلتج بفصل عليها !! يعني تبي تسوي نفسها كوبي !!

اناا عروس و آْنتي بتقلديني حتى ما قالت عروس فشله بخليها تتهنى بلبسها

طبعا ما عطيتها وجه مااكو شغل ٱ‏​نـِا بتجهيزي اتعب و افصل و هي بارده مبرده تاخذ شغلي و تفصل عليه

مو حلوه انتي كاشخه و تجي وحده تناشبج ما تسوى عليج لبستي

ف انتي عطيهم طاف او قولي ما احب احد يلبس لبسي او جلدي حساس ما اتحمل البس لبس و احد لابسه

 

[امـ خــزامـى]

بصراحه مافهمت زين حاولت اركز بس بطني وظهري يوجعني مادري وش سالفته

المهم ياحلوه
بقولك عن نفسي انا فرررررررري اي وحده ان شاءالله ماعرفها اقولها سمي وتامرين تبين تلبسينه بتفصلين عليه
واحتسبه اجر وتفريج على مسلم وانوي كل خير عليه

والحمدالله ربي يكافئني بكل مكان ووين اروح ينهبلون على فساتيني ومن غير ماامدح
مااتذكر اني فصلت فستان الا البسه لبسه لبستين ويشترونه مني هذا غير اللي يفصلون عليه

وربي شاهد علي ماكذبت
قبل شهر تقريبا زوارة ولد عمي وكنت مفصله فستان غريب والوانه رايقه
المهم دخلت القاعه وانا متوتره اقول بنفسي يابيعجبهم يابيضحكون علي لانه غريب
والحمدالله صرت نجمه الحفل وربي وين مااروح يطالعوني وكل البنات اسألوني وين شاريتها ولا مفصلتها
واللي تقول القماش كيف لقيتيه والثانيه تقول تنسيقك للالوان والاقمشه فظيع
الحمدالله يارب كل هذا وانا ماكلف علي الا 700 ريال
واللحين الفستان ماخذته صديقة بنت عمي بتفصل عليه وبتشتري نفس القماش
وعادي ايزي مانقص مني لا ايد ولا رجل بالعكس كسبانه دعواتهم

المفروض تنبسطين ان حمولتك يمدحون فيك وبذوقك ويعجبهم ستايلك
ومسيكينه الفستان من سنه وشوي وللحين في بالها انا لو بمكانك من نفسي اقولها فداك متى ماحبيتي البسيه ورجعيه
انا طبها كل هذا رائي ومو ملزومه تكونين نفس افكاري

واحترمك يمكن ماتحبين احد يلبس ملابسك
بس وربي اذا حطيتي في بالك انه اجر وتفريج لاخيك المسلم
وخصوصا تقولين انهم على قد حالهم

فكري فيها وبتضلين انت بجميع الاحوال الذوق والمميزه وان هم اللي ياخذون منك
وبنفس الوقت بتكسبين حمولتك وبتكونين اخت لهم


ربي يوفقك ويسعدك تقبليني حبيبتي

 

[Omhamood]

والله ياقلبي يمكن راي مايعجبج

لكن عمري ماكنت جًًذي بالعكس الي تطلبنيً عادي والله ماردها احسها فشله وعيب

كلها خرجه شدعوووه شطالبه عاد اهي والله يا قلبي الدنيا ماتسوى كل هالف والدوران

عشان لاتقوليلها سعر النفنوف ؟؟؟؟؟؟؟؟؟؟

اخذي الامور ببساطه وعيشي حياتج عادي انا مادري ليش تعقدون عمركم

 

[غـرامـي أنـت]

حرام عليييج البنت صار لها سنه ونص تسالج عن سعر النفنووف

وانتي تتهربين ؟!!

لييييه !!!!!

اكيييد نفسها فيييه انا لو مكانج اخذه واعطيها ياه

ما اظن انج بتلبسينه عقب سنه ونص ، وانتي اصلا قلتي

وضعهم المادي لك عليييه

خلاص اعتبرريه صدقه ....

 

[Reelax]

شنووو فيها اذا سالت عادي. بالعكس هي مستانسه فيج لانج مررة اخوها وبتعلمينها البس

اعتبريها مثل اختج. ومن رايي مدام ظروفهم ع قدهم اشتريلها فستان لو مو غالي حيل بس كشخخه
واهديها. بتكسبين اجر فيها


واذا خايفه من العين أرقي نفسج واقري الاذكار وهم قدري ظرووووفها وعلميها ع اللي يناسبها

 

[ماردك لي]

عادئ وش فيها لو قلتيلها السعر.لوكانت اختش مستحيل تقولي لها كذاا
بعدين أنا لو في مكانش اعطيها اياه واحتسب الاجر
الدنيا ماتسوى عشان فستان ومضاهر

 

[الجمال العربي]

الحين انتي نشبتيلها انتي مواهي خخخ

اهي تسال على السعر قوليلها بدال الحنه نظام عين ماعين اتركيهه اوكي يمكن المره ماتقدر تشتريهه بس سكتيها

وثاني شي انتي عندهم غنيه هههههههههههه يعني دولابج مليان عطيهم من والملابس الي لبستيها شدعوه عندد الله السعه


ماراح تلبسين اللي لبستيهه ولا عشانها حماتج انتي شكلج توسسوسين ومااحس فيه شي جايد

 

[Sisyphus]

حرام عليج
اوكي ادري بتقولين هذا شي خصوصي
بس خوات زوجج مبين يحبونج و معجبين بذوقج
و يحاولون يلمحون لج انهم معجبين بشغلج و ودهم يلبسونه خصوصا ان الاسعار نار
و وضعهم مو ذاك الزود
و فوق هذا وضعج زين و السبب هو اخوهم طبعا شاري الفستان
انا ما اقول انتي غلطانه
بس اعتبريهم خواتج و لا تتهربين من ناس فعلا مبين مو كارهينج
و اذا قصدج انهم حاسدينج ان الدولاب مليان
مافي كلمتها حسد
بالعكس هذا طبع فيهم ان يشوفون ان ماله داعي تتخسرين وانتي ماشالله ملابسج حلوة و كثيرة
هذا هو القصد
صفي النية يا اختي يا حبيبتي و بتشوفين شلون الله بيفتح عليج ابواب ماعمرج حلمتي فيها

 

[شادن33]

وانتي ليش جذي معذبتهم يبا عطيهم يحليلهم يلبسونه ولايفصلون مثله

شدعوه هذولا خوات ريلج يعني خواتج استغفر الله

مايسوى كل ساعه يسألون جنه طراااره

 

[#laloo]

لو مكانج اعطيهم واعلمهم بس بحدودمبين ان يحبون ملابسج وعاجبتهم انتي تمللتي منها عطيهم
واذا تبينها قولي لها تاخذه تفصل عليه وترده لج وانتي عطيها افكار تبدل فيه
ماتدرين لو دارت الدنيا واحتجتيها
والسعر قولي لها بجم عادي كل الناس تعرف الاسعار لا تخشين عليها
لو صج حاسدينج ماسالوج من الاساس !!!
استانسي وياهم ولا تعبين روحج بالتفكير ويوم سالتج اذا بتفصلين يمكن بتشوف افكارج
والا تبيج تساعدينها بشيء

 

[اللّہ معي ، ♡]

منة الله ولا منة خلقه حراااام والله تعطينهم شي من غير نفس

صح ان لك خصوصيتك بلبسك بس بعد هذولا خوان زوجج مب اغراب وحالتهم ذكرتيها انها سيئه

يعني ماخذوها منج عبث .. حبيبتي صفي النيه ولك اجر ان شاء الله

والله صديقاتي يلبسون لبسي ولشفته عليهم افرح كني انا اللي لابسته

 

[*kim*]

انتي قصدج ماتبينهم يدرون عن السعر

ولا قصدج ماتبينهم يسئلونج عن الخصوصيه

 

[عمرها السعودية]

الله المستعان

 

[Patcholli]

انتي قلتيلها شاريته قبل سنه ونص يعني مو معقوله بتروح المحل بتلقاه ليلحين موجود ؟
مره ثانيه اذا سألوج بجم عطيهم اسم المحل وقوليلهم من المحل الفلاني روحو شوفوه وفي اشياء احلا وعادي قوليلهم السعر حتى لو غالي كيفج وحلالج لافضيحه ولا شي لاتضخمين السالفه حبيبتي ..
ثاني شغله اذا سألوج شنو راح تلبسين قولي عندي فستان احتمال البسه وخلاص
ثالث شغله اذا قالو حق الناس انهم بيلبسون فستانج فهالشي مو حلو بحقهم بس انتي مايضرج شي
يعني الحلو جدا بسيطه ماتحتاج تعقيد بس تحتاج طريقه صج بالتعامل واسلوب دبلوماسي وذكي
انا مثلج الصراحه ماحب احد يسألني بجم مو عشان عندهم ولا ماعندهم بس مثل ماقلتي خصوصيه وماحب يروحون ينبشون من وراي ويجيكون على لبسي لان صج في ناس عقولهم صغيره كل مالبست شي يروحون المحل يجيكون عليه ويشوفون سعره وثاني اسبوع اشوفهم يقولونلي رحنا شفناه بالسعر الفلاني ..!! انزين شكو رايحين بس تشوفون سعره جان زين بيشترونه لوول

 

[دانة_ دبي]

اشوفج غلطانة اخت زوجج مب غريبة لو عطيتها او خبرتيها بالسعر مثل اختج

انا والله من يسألوني خوات زوجي
اقولها ما يغلى عليج و البسوه بالعافية و رجعوه لي نظيف و خلاص و كان الله غفورا رحيما
و فعلا تلبسه و ترجعه لي احسن من اني اخليه بالدولاب و البسه مرة ما احب اكرر

ليش كل ها السالفة

 

[Gifts&Occaions]

الله يعين

 

[PuPa^^SWeeT]

صراحة استغربت منج ؟؟؟



و قلتي عنهم اهم الحسد و التنقل بالحجي


شكو هالحجي بالموضوع


؟؟؟؟

والله لو شنو ما اغبي شي عن حمولتي و لا حمولتي اتغبي شي عني بهالامور




و هذي مو مشكلة

انتي بتختلقينها من لا شي




الله يهدييج ياقلبي


لي حسبتيهم مثل خواتج صدقيني كل شي بيصير احسن بعد

 

[فتاة الإبتسامة]

انتي قلتي وضعهم سيئ الله يرزقهم انشالله من غيره ولا يحوجهم لاحد ياااااااااارب