و اخيرا...وصول جهاز الليزر (زيرونا)للتنحيف

[Love \ Hate]

انا توني كلمتهم .. كلش كلش مايازتلي اللي ترد على التلفون !! شكلها لبنانية ؟؟ مااقنعتني ؟؟ اقولها مضمون تقوللي مادري بس انشالله !!

اقولها يعني اكيد انقص ؟؟ تقوللي مادري على حسب !! وشكلها مترددددددده واهيا تحاجيني جنها محفظينها الحجي !!!

يعني انا بروحه قلبي حارقني على ال 900 !! طمنيني ؟ لا كلش ماشجعتني !! اقولها ناس جربوه ؟؟ تقوللي اي !! اقولها متان ولا ضعاف ؟

تقوللي ماردي !!! اقولها واذا ماضعفت شي عقب اسبوعين ؟؟ تقوللي مادري !! بطت جبدي مادري ومادري !! انا كلمت اللي بمركز الزهير ..

قلت لها شلون اذا باخذ الكلام السنع من الدكتور ؟؟ قالت لي تعالي فتح ملف مع استشاره ب 15 دينار .. واذا تبين عقب نحددلج موعد !!

مادري شرايكم ؟؟ اروح ؟؟ ولا نصب ّّ!!

 

[eemee]

انا موعد بنت خالتي يوم الخميس وبروح معاها واشوف شسيالفته بس يقولون اهو مو حق المتان وايد لان ينحت اللي عندها زوايد زين لها بروح واشوف شسالفته وايب لكم الخبر الاكيد باذن الله

 

[صدى الأفراح]

ناطرينك eemee
بس اسأليهم مابصير للي وزنه 100 بعد 9 شهور بس اولد أكيد بكون صرت 100 ههههههههه

 

[Love \ Hate]

اي والله سالو عن اللي اوزانهم 100 وفوق

 

[حبووبة 76]

هاااااااااااي بنااااااات ...

أشلووونكم ....:eh_s(6):




حباااايبي المتااان واللي فوووق ال 100 كيلوووو متر مربع خخخخخخ قصدي كيلوو شحم .... مثلي وشرواااااي ...
إسترييحوا ولا تروحوووون ...:krkrkr:


ترااني اليوووم رزييت فييسي مع رفييجتي الثانية ورحنا حق مركز الزهييير .. ودخلنا على الدكتوور هشاام .. وسمعت الحجي هالمرة بأذني ..
الجهاااااز ما يصلح للمتااان حييييل .... :0bee2e8d89:



يعني إذا باقيييلج 10 أو 5 كيلو على الوزن المثااالي حياااج طبّي جربيييه ودربج خضر .. وإن شاءالله بتبيين علييج النتييجة ..:ggdw:



بس الدببة ربعي الحلويين لأ ثم لأ وألف لاااااااااااااااا ...:eh_s(1):.




حرااااااااااام لا تخسرووون أفلوووسكم على الفاااضي .... أصلا الدكتووور وااضح بهالموضووع ,, والساالفة لا تخلو من التروييج عن الجهاااز الجديييد .. بس شد ما يشد ! ولاتستانسوووون وااايد ترى خساارة 14 سم إشوي حيييييييييييييييل إشوي يعني كبر المسطرة الصغيييرة مالت اليهاال .. وبعديييييين الضعف راح يكووون على الدوراان يعني مارااح يعطي مفعووول كبيييييييير إلا للي وزنها زاايد نتفة ...




ومصيييبة تصيييب مركز الزهيير خذوا مني 15 دينار ملف و 10 أخذوا قياساتي >> من غيير ما أقوولهم أهما خذووهم حسباالي فريييه ! ...
يعني 25 دينار راحوا هبااااااءا منثوورااااااا .....:tomato2:




والدكتوور يقوول الجهاز غالي حيييل ألحيين لأنه جدييييييد ,, وبعديين أكييد بيرخص ..._03BA:


وعلى فكرة ترى هالجهاااز جدييييد حتى على الأمريكااان يعني نتااايجة مو معرووفة حيييييييييل حتى عندهم @@@ أنا ما عجبني هالكلااااام بصراااحة .... حلااااته الشي أمجرّب ومعروووفة نتاايجة وسلبياااتة ... >> هذا مو معروووف عنه شي بشكل وااااضح وملمووووس ...




وهذا تقرييري لليووووووم إشرااايكم ! :ggdw:



الزبدة >> ما أنصح فيييه أبدااااا أبداااااااااااا




xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

 

[Love \ Hate]

هلا والله حبيبتي ..

مشكوره وماقصرتي حبطتيني لوووول

كنت بانية لآمال واحلام على هالجهاز !!! بس الله كريم ..

الله يعوض عليج ال 25 دينار :/

 

[sallyq8]

ويييييييييه الله يعوض عليج بس تمنيت اسمع اخبار تبشر بالخير

آنا أقل من 100 بالثمانين ويمكن ألحين 80 تقريباً لأني بديت أخفف وبستمر بس كاتبين من 12 إلى على ما أظن 24 سم

وإذا صحيح كلامهم فهذا عز الطلب وأكمل بروحي بالرياضة بس المهم محيط الخصر والفخوذ استغفر الله اللي مسببين لي اكتئاااااااب

 

[Miss 3asal]

eemee اشصار رحتى ولا لا؟؟ بلغينا

 

[eemee]

اي رحت وقالو حق بنت خالتي ان تضفين من 12 الى20 سنتيمتر المجموع ويمكن اقل حسب الجسم ولازم تشرب ماي وايد والجلسه اب 150 الى 900 وما ينفع للمتان وايد لان ماراح يبين فيهم وبس اييييي او ماتردينهم عقب ما تخلصين الجلسات بس اذا اكلتي بجنون اكيد جسمج بيمتن ماله شغل بالجهاز وبس

 

[Miss 3asal]

مشكورة eemee على التقرير

 

[ام بنتها]

احباااااااااااااااااااااااااااااط

ابي اضعف "(

 

[Miss 3asal]

مافى غير التحزيم بعدها شفط

 

[أم وهابي (عبير)]

السلام عليكم
معاكم ام وهابي مشتركه يديده بالمنتدى
وانا اليوم حطيت موعد حق زيرونا برويال حياة وانشالله بسويها واقولكم النتيجه موعدي الاحد اللي ورا الياي
انا وزني 80 وطولي 165 وراح اروح واشوف الدكتوره شتقولي واقولكم وبسأل حق اللي وزنها اكثر من 100 واعطيكم الأكيد
واهي راح تقيس الجسم قبل الجلسات الخصر والفخذ والزنود وانشالله في نتيجه (اتمنى) وراح اخبركم اول بأول.
باي باي .

 

[Miss 3asal]

goog luck ام وهابى و بانتظار الاخبار

 

[المن والسلوى]

اللي جربته بنات تقولنا

 

[أم وهابي (عبير)]

ثانك يوووووو مس عسل

 

[الوسن]

ننطر التجارب
همتكم بنات نبي اخبار اكيدة المبلغ مو هين

 

[Miss 3asal]

يلا ...هل من جديد؟؟ اشصار على اللى جربوه؟

 

[روحي تحب]

موفقين بناتوحياج الله وموفقه ام وهابي ناطرين تجربتج انشاء الله الله يسهل عليج وتطلعين مستانسه وتبشرينا علشان تشوفيني طياره على رويال حياة ومشكوره مقدما انتي وباجي البنات

 

[حلاتي بدلالي]

ماادري احس إن هالجهاااز مقصه على الحريم

بالله عليكم الله ميز الانسااان بالعقل >>> ضوء أحمر يسموونه ليزر بذمتكم بيضعف ؟؟؟:080402ask_prv:

بصراااحه لو نسكر هالحلوووج والله نضف ونبذل مجهووود >>>>> ترا انا بطه بس مو مقتنعه :n2006107:

المهم الله يضعفنا بصحه وعااافيه:hjy5jewf: