وي وي خطيبي بيسافر واحس اني بطق تعالو عقلوني

[Patcholli]

هاذا زواج ولا سجن ..؟؟
ليش تأذينه بهالسالفه ترى انتي متزوجه ريال مو ياهل ..!!
خل يروح يطلع مع ربعه وين المشكله ..؟؟
لاتنكدين عالريال وتطفشينه منج ..!! مسكين طالع يغير جو بدال لاتقولينله عليك بالعافيه طايحتله نكد وزعل ..!!
اللي اعرفه الريال اهو اللي يحكم على زوجته ويقولها لاتروحين ولاتردين مو المره اهي تحاسب زوجها خاصه وانه رايح مكان عادي مو مكان اعوذو بالله ..!!

 

[PuPa^^SWeeT]

ليش اتحرين رووحج



ريال و يسافر ماعتقد انه بيسوي شي غلط واهو توا خاطب




تركدي و سالفة ال بيبي و الايفوون


اذا الريال بذرته طيبة ماراح يسوي ش غلط

 

[brettey]

اسمحيلي اقول لج دام هذه تصرفات معاه بيخونج زمثل الورد لان راح يمل من غيرتج وشكوكج الحين انتي مفعله الخدمه وهو لا ماترضين ؟
انا اعرف حريم رياييلهم بلاك بيري وايفون ومخلين حريمهم عالنوكيا مايخلونهم يستعملون بلاك بيري وايفون
خفي عليه خفي
والله يسخره لج

 

[برنسس كاتي]

رياييل هل ايام ما يحبون المره الحناناة والرنانة والي مشتغله السجان ومحقق كونان !
شنو فيها لو طلع يتمشى مع ربعه عادي
ولا طلع له خدمة بيبي مافيها شي
واللي يبي يسوي الغلط بيسويه مو ناطر لا جوال ولا حقل ولا عقبة
لا تحطين الأفكار في راسة ولا تشتغلين تحقيق معاه لا يطير من يدج

 

[غنج اهلها]

......>>>> استغفر الله انا لواتزوج وانخطب نفسي وخاطري احطه بقفص

>>> نجي للنصيحه

فديتك هونيها وتهون واستودعيه الله دوم وادعي ربج يحفظه لج من بنات الحرام ويجملج دوم بعينه

لان هالشغلات شي مستنكر اصلا اذا لقيتي احد مايسويها

فمالج الاتسلمين لاامر الواقع وتدعين ربج

 

[دلوعة أبوهآ]

مافيها شي أبد !!
وبيدك وباسلوبك تغيرينه

 

[Habooon]

لووووول انا اقول حجبيه و قعديه بالبيت p:

حبيبتي تعوذي من ابليس مهما كان اهوا ريال و اكيد يبي يطلع يروح يرد واذا ربعه قالوله امش خنروح المكان الفلاني مو معقوله بيقعد يقول لا !!

حسسيه بالثقه , قوليله حبيبي انا واثقه فيك و ادري انك مستحيل تسوي شي , علشان حتاا اذا ابليس لعب بعقله يتذكر كلامج و يستحي من نفسه
لا تحاصرينه علشان لا يصير يخش عليج مو حلوه بحقج عامليه بعقلانيه
و سالفة البلاك بيري عادي خيفعل الخدمه وانتي كل فتره قوليله بتعبث بتلفونك عادي ؟
مافيها شي , لا توسوسين

 

[منال $]

طولي بالك حبيبي
خلية يساااااافر ويستانس وبس تتزوجو اربطية بسلسلة جنبك
لالالا امزح
خلية يعيش عزوبيتة طالما ما في شي غلط بيعملة بس تتزوجو راح يعقل ويتغير

 

[نسمات 26]

خفي عليه شوي مناشبة الريال مرده بيمل ويطفش

خليه يروح ويطلع ويتونس خوب لازم تعطينه ثقه

والريال اذا بيخون ولا بيسوي شي غلط سواء عنده بيبي ولا ما عنده