وييييييين هيبتج يا ابراج الكويت ؟؟؟؟؟؟؟؟؟؟؟؟؟

[le3bah]

بالعكس عادية وتونس

 

[دلوعة حبيبي]

لووول بالعكس والله الدعاية توونس انا استانس عليها وما شووف فيها اي اهانه

 

[برونزيه نعومه كتكوته]

حدها كيوته الدعايه

 

[كويتيه فنتك]

بالعكس فيها اهانه لنا شنو يترقصون؟؟
الحمدالله والشكر...
موضوعج وايد حلو...

 

[@@jwan@@]

عاديه الدعايه

 

[قدساووويه كووول]

ما شفت الدعايه ـــــــ،،

 

[Om_RayooMa]

بالعكس حلووووووه

 

[HeR HiGHNeSs 90]

بنات احنا الكويتيين شصار فينا؟؟؟
معقوله احنااا جذي نصير؟
اي شي نسويه مشكله اي برنامج او دعايه حتا لو كانت بريئه لازم نسويها قصه ونكبر السالفه
شنو يعني ترا الدعايه وايد حلوه وتشد يعني شتبين يلبسونهم عبايه وبشت عشان يصير لهم هيبه؟؟
هذيل مو اوادم عشان لهم هيبه هذيل رمز وشي حلو انه برنامج مثل صباح الوطن حطهم عشان العالم كله يدري انه هذيل رمزنا ونحبه مو ناسينه وحطوه بشكل وايد حلوو مافيه اهانه مالبسوه مايو وقعد يترقص

انا اقول تركو عنكم سوالف هذيل قاصدين جذي وهذيل ماسوو جذي اله يبون يصير جذيي خل نسوي شي مفيد لديرتنا
ترا ديرتنا والله العظيم لو تلفوون كل دول العالم ماكو مثلها على عيوبها ولو انه عيوبها يات من ناس ياو الكويت بالعشر سنين الاخيره وخربوها وله احنا الحمدالله عايشين بخير ونعمه

تقبلي مشاركتي

 

[sad_angel]

حبيبتي مو لهدرجة مصخروها

 

[om MaRyooM]

عادي مافيها شي

 

[Sallo0oma]

مممم والله انا رايي من رايج صج شي يحر ويبط الجبد يبا هاذي ابراجنا فخرنا هاذي لها هيبتها

وشنو الي يونس بالدعايه مادري

وبعدين انا ولا قط شفت الاماراتيين مصخروو برج العرب مالهم ولا رقصوه ولا حطوله سماعات

للعلم للاسف فيه دعايتين مو وحده للابراج لما ترقص وحده للمرينا اف ام مركبين سماعات لها ووحده اعتقد لقناه الوطن

اذا احنا ما احترمنا ديرتنا ومعالمنا شلون تبون العالم يحترمونا ويحترمون ديرتنا !

يعطيج العافيه يبا على هالموضوع والله يحفظ الكويت من الجهل ويصلح حال شعبها قولي امين

 

[HeR HiGHNeSs 90]

الاماراتيين ماحطو برج العرب يرقص لانه بداخله ديسكو يرقصون فيه
بعد قوليلي هاذا مبنى له هيبته؟
وبعدين بتقارنين ابرااااااج الكوييييت في برج العرب الي بانينه اجانب والي ماله صله بولاشي من العرب والاسلام

 

[MyLittleBerry]

انتو من صجكم على هالموضوع؟؟

ترى هذي ابراج مو شيخ !!!!

 

[Sallo0oma]

اول شي والله عاد حبيبتي احنا مانتكلم عن شنو الي يصير داخله انه نتكلم عن المعلم نفسه

وثاني شي كل الناس لما يشوفون برج العرب يدرون انه هاذي الامارات

وثالث شي الناس لما تزور الامارات تدفع فلوس علشان تروح حق هالبرج لانه الديره الي اهو فيها رافعه قدره ومخليته اسطوره حق كل العالم وهالشي مايختلف عليه 2 بغض النظر عن الي يصير بالبرج لانه الي داخله قاعد يصير بكل الامارات مو بس فبرج العرب

رابع شي انا لما ييت قارنت ابراجنا فبرج العرب قارنتهم لهدف واتوقع انه هالشي واضح بكلامي ولا يبيله تفسير

وخامس شي مااتوقع انه موضوعنا عن منو الي باني هالبرج وعلاقته بالاسلام والعرب

اتمنى وصل مفهوم المسج الي قلته

 

[قيثارة إحسآس]

اي صاارت مصخره حدها

 

[[[ عيون جابر ]]]

حلوه الدعايه أحبها

 

[*عيشي حياتج*]

والله انا رايي من رايج يا اخت فرووحه .... انا حيييييييييل احترييييت وتنرفزت من هالدعاييه .... شنو هالاستهتار ... شنو هالتهرييج ... شهالمخرج اللي وايد مستهيين بالابراج :eh_s(14):

انا اطالب انه يشيلون الدعايه

 

[*صَبا*]

دعاية صباح الوطن

شفتها بالاول استنكرت اللي اشوفه

بس بعدين حسيت ان الدعايه كول وفيها تغيير

 

[كسرة عود]

انا بعد نفسج . . والأبراج رمز من رموز الدولة حتى بالتربية الوطنية كااااااتبينه

حبكت ماتحلى الدعاية إلا بهز الأبراج !!!!!!

إبداااااااع مووووو في محله صرااحة

 

[@شمس الضحى@]

صج الدعااايه حدهاا مسخره