ويييع ,, هيلقية ,, اي شي

[FeShinGoOo]

رد : ويييع ,, هيلقية ,, اي شي

في بنات ايبون الحجي حق روحهم غصب واللي تحط روحها بهالمواقف ماتلوم الا نفسها ..
اهي سوت روحها مسخره وطنازه للناس ..
واحنا اذا تكلمنا اهني نتكلم عن ظاهره بشكل عام ماحددنا شخص معين فماراح يكون حش او نميمه بالعكس يمكن يكون تنبه وموعظه حق انسانه غافله تقرى وتنتبه على روحها ..
لان حرام في بنات اهاليهم ماعلموهم وفي بنات ماعندهم اهل بالاساس ممكن يستفيدون من هالمواضيع
صج في مواضيع سخيفه وتتكلم عن امور تافهه انا معاج احس صاحبة هالمواضيع ماعندها سالفه بس بنفس الوقت في ظواهر بايخه ومنتشره حيل لازم نتكلم ونتناقش فيها وننصح وانبه الناس فيها

 

[ادمنت ضيمك]

رد : ويييع ,, هيلقية ,, اي شي

فديتج والله وفديت موضوعج الي منزلته عدل كلامج والله انه عين العقل المفروض نرتقي بردودنا وباسلوبنا يعطيج العافيه على الموضوع

 

[Bent extra 3asal]

رد : ويييع ,, هيلقية ,, اي شي

يسعدلي مساج ياحلوووه:sfg:
سؤال والله ومن صجي ودي اعرف شنو معني كلمه هيلق او هيلقيه وشنو مصدرها ومنو الهيلقيه ومن ووووين وشنو مواصفاتهم هل لهم صفات او وسمات معينه علشان نقدر نستخدم هالمفرده
الشي ياحبيبتي احنا قمنا نشوف ونسمع اشياء ماني قايله جديده قمنا نشوف اشياء وسلوكيات شاذه دخيله علي المجتمع ماالفناها اوكي الواحد يتطور ومنها للاحسن بس للارقي مثل ماتغضلتي
ولكن اللي يحز بالنفس فيه تقليد اعمي وسخيف وبلا طعم يهبط من المستوي الفرد وينشر مثل الفيروسات ونتيجته المجتع بكبره ينهار :23_asmilies-com: واللي يقهر ان باجي الدول تنعتنا وتعيب علينا وتستهزأ فينا من شخص مريض سخيف ابتكر ولا ابتدع بدعه وسمحيلي راح اضرب لج مثال ظاهره حليمه من تكون ومن هي وشنو الشي اللي ضافته للكويت وتشوفين البنات اشلون يقلدونها من لبس سخيف من كلام ماله اي هويه هل هو كويتي عربي ولا معرب وناهيج عن البوتكس عن االسفنج والكورسيهات وغيره وغيره وقاموا البنات مع الخيل ياحليمه والبعض مايصيدون التقليد والبعض مايناسبهم والبعض مايلوق لهم فشنو تتوقعين تشوفين بالشارع وطبعا حليمه فرحانه بانجازها تشوف جمهور ساذج وغبي يركض وراها فتزيد الجيله :nocommint:وطبعا اكو غير ظاهره حليمه اكو ظواهر وووايد جيرانا واللدول اللي يمنا شنو يقولون عنا كل بنات الكويت رايحين فيها الخير يخص والشر يعم :j013:وان طرحتي او ناقشتي هذه الظاهره انت او انا ابي اصلح الخطأ والوضع شنو يكون الرد كيفها حريه انت محتره منها انت مالج شغل ووواي طالعي هذه شنو تقول
واغلب ومعظم اللي يردون ماكو ثقافه ولا دين ولا احترام ولا حتي تعرف اشلون ترد ولا تعبر :eh_s(20): علشان جذيه صار فيه هيلق وعقد ومخكر ووووايد :eh_s(22):​

حبيبتي انا اوافقج الراي وما اقولج غلط

بس في اداب للرد

يعني هذا موضوع واطرح ليش نستعمل الالفاااظ السوقيه يعني في اداب الحدييث هذا قصدي

بعدين نطرح هلمواضيع اذا كانت في فئة كبيره مو بنت او بنتين

 

[Bent extra 3asal]

رد : رد: ويييع ,, هيلقية ,, اي شي

انا بعد بصراحه في ناس اشوفهم صج صج مطلعين كلمة هيلقية عشانها !!!
مكياج عرس ازرق واخضر واصفر وروج غامج جنها بالعه ياهل وراسها فوقها مترين
و لبسها مرقع ماله شغل بلون الجنز والتيشيرت والحجاب كل واحد لون ... !! هذي بس تشوفينها
تقولين لا شعوري " شمهلقة هذي ؟ " خلو هالاشكال بس في بنات حرام ينقال عنهم هيلقية او
ويع او اي شي .. اللي اهم البنات اللي متسترين متحجبة او مو متحجبة بس يلبسون طويل وحجابهم عادي
وتحسينها مالها شغل بالستايل ومايكونون حلوين يعني بس هذيله مساكين بالعكس مره وحده مرت يمي
جذي لبسها ولا الطاوله اللي يمي يطالعونها ويضحكون ويقولون هذي شلابسه :×
ولا تشوفون اشكال اللي بالطاوله قاعدين كل وحده تقول وخر يالجكر بقعد مكانك وطابعين المكياج بويههم
يخرعووووون @@
بس يعطيج العافيه اختي عالموضوع صج يستااهل

ليش نقول هيلقي كل وحده وذقوهاا يعني اوكى قولي بينج وبين نفسج بس مو تنزلين موضوع شطوله عشان وحده لابسه
انا مرات اقول وانقد بس بيني وبين نفسي لان مرات اشوف شوفاات الله لا يواريج بس ما اي واقول شفت وشفت اخذ سيئاتها

الي يمج بطاولة الله ما كثر منهم متروسين اصلن البنات حايلا يروحون عشان يحشوون الله يهديهم

وبلأول والاخر انا اطالب بالرد السليم الي يحل المشكله مو يزيدها << متعووب على اطالب هههه

واشكرج على تعليقج :33_1185028183:

 

[Bent extra 3asal]

رد : ويييع ,, هيلقية ,, اي شي

شوفي حبيبتي
انا بقول وجهة نظري بدون مااطلعن بأحد
يعني لما يكون في ظاهره معينه بالمجتمع (مخدرات - شذوذ - تشبه - لبس فاضح - ... الخ )
بدت تنتشر وتأثر سلباً على اعيالنا او شبابنا او بناتنا
ممكن نتناقش فيها بشكل جيد بدون استخدام عبارات ماتدل الا على تربية صاحبها
وبرأيي البنت الي ترد بكلمات سيئه أو مسيئة فأعتقد انها تخلت عن جزء من أنوثتها
لأن الأنوثه مو بس شعر و بشره وجسم ،، الأنوثه اخلاق وتعامل راقي واسلوب ناعم

لكن المواضيع الي تنطرح مااعتقد ان لنا القدره على التحكم فيها
يعني في مواضيع تنزل عن السفور و المتحجبه على حد سواء
سفور مبهدله روحها ووحده محترمه روحها
محجبه ملتزمه بحجابها ومحجبه مبهدله حجابها أو الي يسمونه عالموضه
منقبه على اساس الدين وشوية عادات وتقاليد ومنقبه الله يستر عليها وعلينا

يعني في فئات متنوعه في المجتمع وكل واحد فينا تفكيره غير عن الثاني
حتى اخوج او اختج الي معاج بنفس البيت مستحيل تكونون متشابهين بالتفكير ولو في نسبه بسيطه

يعني لما وحده تطرح موضوع عن المنقبات او الي لابسين عبي مخصره وفيها تطريز واشكال
فهي اما وحده ماتلبس العباية والنقاب او هي وحده تلبس عبايه شرعيه او اسلاميه

واللي تطرح استفسار عن الي يلبسون قصير حيل او يكشفون عن اجسامهم
فهي اكيد وحده غيورخ على بنات ديرتها وتخاف عليهم أو تخاف على الشباب من هالفتن الي تصير

يعني كل وحده تبي تعرف شنو تفكير هالفئة
يعني مااتصور وحده سفور بترد وتقول ان الحجاب الفلاني شكله احلى لانها ماجربت تلبسه اصلا
ولا وحده متحجبه بتقول ان السفور كذا وكذا اخلاقهم لأنها غير عنهم ومو منطقي انها ترد عنهم

لكن كطرح مثل ماقلتلج بالاول مانقدر نتحكم فيه ،، لكن نقول اسلوب الطرح لازم يكون مؤدب ومحترم حتى نوصل الفكرة
وإن شاء الله تتقبلين وجهة نظري ،، و الله يوفقج

برد على الجزء الاول من الكلام
لمن يكون ظاهر ونفس الكلام الي قلتي نكتب مواضيع ونزل وناقش واوافقج الراي

وصحيح البنت تتخلا عن انوثتها لمن تسيئ الرد

اما بالنسبه ما نقدر نتحكم بنوعية المواضيع ,, لكن نقدر نتحكم بردودنا

يعني انتي منزله موضوع عن ظاهره عشان نتناقش

والبنات يردون عليج ب ويع وما ويع

شنو استفدتي انتي وانا واهم ؟؟

وبلنهاية اشكرج على تعليقج :aha:

 

[Bent extra 3asal]

رد : ويييع ,, هيلقية ,, اي شي

في بنات ايبون الحجي حق روحهم غصب واللي تحط روحها بهالمواقف ماتلوم الا نفسها ..
اهي سوت روحها مسخره وطنازه للناس ..
واحنا اذا تكلمنا اهني نتكلم عن ظاهره بشكل عام ماحددنا شخص معين فماراح يكون حش او نميمه بالعكس يمكن يكون تنبه وموعظه حق انسانه غافله تقرى وتنتبه على روحها ..
لان حرام في بنات اهاليهم ماعلموهم وفي بنات ماعندهم اهل بالاساس ممكن يستفيدون من هالمواضيع
صج في مواضيع سخيفه وتتكلم عن امور تافهه انا معاج احس صاحبة هالمواضيع ماعندها سالفه بس بنفس الوقت في ظواهر بايخه ومنتشره حيل لازم نتكلم ونتناقش فيها وننصح وانبه الناس فيها

اشكرج حبيبتي اولا
ثانيا انا معاج بلي قلتيه بس اذا احنا نبي نتناقش ب ويع وما ويع وين اسلوب الحوار والنقاش انا موضعي يتكلم عن الردود

يعني كتبتي موضوع عن ظاهره معينه وانا ارد عليج اقول وييييييه شنو هلاشكال وبعدين اطلع من الموضوع

بشنو استفدتي مني ما سويت شي والبنات يقلبون النقاش حق هلكلااام

اتمنى وصلت معلومتي لج فديتج

فديتج والله وفديت موضوعج الي منزلته عدل كلامج والله انه عين العقل المفروض نرتقي بردودنا وباسلوبنا يعطيج العافيه على الموضوع

فديييييييييتج يا قلبي والله على كلامج العسل الي مثلج :hjy5jewf:

 

[tt2tt]

رد : ويييع ,, هيلقية ,, اي شي

اب اب

 

[Bent extra 3asal]

رد : ويييع ,, هيلقية ,, اي شي

tt2tt

فدييييتج على اب اب وانا معاااج

اب
اب
اب

 

[جوري الكويت]

رد : ويييع ,, هيلقية ,, اي شي

كل واحد و بيئته

 

[ScarletteO'Hara]

انا عن نفسي ما اقول هالكلمات الي حق شخص مهول بعمره و مو مبتلي بشي من الله مثل الاعاقة و غيره
الي شعرها كشة تقدر ترتبه
الي تلبس لبس للفت النظر و مليء بالتهويل تقدر انها تلبس لبس راقي
هذيل الي صج تسمينهم هيلق و ويع لانه بإمكانهم يعدلون من اعمارهم و التهويل الي اهم فيه بإختيارهم
بس عاد اني افتح موضوع سطوله شعرضه بالمنتدى عشان اناقش فيه هالشغلة و اقول هالالفاظ؟؟
لأ طبعا ما اسويها
هالالفاض استخدمها بيني و بين نفسي او مع اهلي مو مع الكل لانه لازم الواحد ينتقي احسن الالفاظ و يرتقي بردوده و مواضيعه
اشوفها امور تافهة ما اضيع وقتي عليها

 

[DiaMonta]

رد : ويييع ,, هيلقية ,, اي شي

اي والله صاجه هالظاهره زادت واللي يحر صارو يعيبون على الشي الصح والغلط والخرابيط صار لها جمهورها اعوذ بالله زمن فتن

يعني اتوقع بعد جم سنه بيصير لحجاب موضه قديمه ومنو يلبس حجاب ويييييييع

ولا الحين البنات بعضهم سفور والله قمة الذوق والاحترام وبنات والله ودج مايمشون عالارض ودج يندفنون

وبالمثل المحجبات بعضهم الله يهداهم خربو اصل الحجاب سوو صاروخ سوو منطاد سوو قذله طايحه واااي مادري عنها شعري حدها ناعم

حتى المنقبات بعضهم لعبو بحسبة اللبس لو مولابسه نقاب ابرك بعضهم عبي مخصره وتفاصيل الجسم واااااااااااضحه والمكياج ياساتر طامسه الملامح

امانه شنو ذنب غيرهم منقبات محترمات الناس خذت فكره غلط عن المنقبات

هالفئات المسيئه اهي اللي طلعت مفردات هيلق وعقد وويع لانهم ماشاء الله ثقتهم بنفسهم عميه ويشوفون نفسهم ازود من الناس باخطائهم

قالب التفكير عندهم متروس ماي عكر كثر ماتقولين ماراح يفيد بس يزاج الله الف خير على الموضوع الطيب والله يستر على بنات الحلال

 

[monmon12]

انا بالنسبة لي اقول انه كلامج صح

وصف الناس بالصفات القبيحه يسيئ لشخصيتي قبل لا يسئ لهذا الشخص

اتقد نقدر ننتقد من غير استخدام الكلامات السيئة

لأنه هذا دليل الأخلاق

وقدوتنا اولا واخيرا الرسول صلى الله عليه وآله والأمة والصحابة

وايهم ماسمعت عنهم استخدمو كلامات ذات لفظ قبيح او سيئ حتى مع أعدائهم

 

[monmon12]

بس حبيتي عسل في شغله لازم تعرفينها وكتبها في أحد المواضيع عن لبس الحريم

لازم تعرفون حبايبي

انه الساكت عن الحق شيطان أخرس

ولازم نأمر بالمعروف وننهي عن المنكر

أقل شي باللسان والقلب

نقول انه نرفض هذي الظواهر وألشكال الغريبة والوصخع في بعض الأحيان

عشان يعوفون انهم طول ماكونو بهذه التصرفات ايهم منبوذين اجتماعيا ودينيا


وعلى فكره انا لي موضوع يتكلم عن ظاهره عمليات التجميل الي تكون بشكل مخيف

لكن البنات كانت ردودهم جيده لأني انا صاحبة الموضوع اول شي كتبت تنبيه

وثاني شي كنت متحكمه بالموضوع والنقاش

واي رد سيئ على طول ابلغ المشرفات بحذفه

 

[سحر الشرق@]

معاااااج 100٪
كلنا بالنهايه بشر ومحد له حق يحكم عالثاني
ولو كانت وحدة لابسه اسوأ لبس ومسويه اسوأ تصرف
وحنا علقنا عليها بأي تعليق ما رح نستفيد الا الاثم
ترا هذي غيبه ونميمه واللي يبي ياكل لحم الناس اهو الخسران
تخيلي هذي اللي تقةلين عنها هيلقيه ولا ويع ومنقرفه منها بتاكلين لحمها
استغفر الله العظيم
ككلنا بشر محد فينا يحقله يطلق احكام اومسميات على غيره
لان حنا بعد ما نرضى احد يطلق علينا مسميات واحكام

 

[PO PO22]

يسلموووو

 

[الزين 85]

جزاج الله كل خير
وصج الواحد يدور الحسنات مو يزيد سيئات
وشكرا

 

[Bent extra 3asal]

رد : رد: ويييع ,, هيلقية ,, اي شي

كل واحد و بيئته

صحيح كلامج كل واحد وبيئتة اشكرج على تعليقج

انا عن نفسي ما اقول هالكلمات الي حق شخص مهول بعمره و مو مبتلي بشي من الله مثل الاعاقة و غيره
الي شعرها كشة تقدر ترتبه
الي تلبس لبس للفت النظر و مليء بالتهويل تقدر انها تلبس لبس راقي
هذيل الي صج تسمينهم هيلق و ويع لانه بإمكانهم يعدلون من اعمارهم و التهويل الي اهم فيه بإختيارهم
بس عاد اني افتح موضوع سطوله شعرضه بالمنتدى عشان اناقش فيه هالشغلة و اقول هالالفاظ؟؟
لأ طبعا ما اسويها
هالالفاض استخدمها بيني و بين نفسي او مع اهلي مو مع الكل لانه لازم الواحد ينتقي احسن الالفاظ و يرتقي بردوده و مواضيعه
اشوفها امور تافهة ما اضيع وقتي عليها

صحيح كلاج 100 % وهذا الي اقصده
اشكرج على تعليقج

 

[kuwait_queen82]

مشكوره على هل الموضوع بس في ناس ياختي عقليتهم محدوده و نظرتهم وتفكيرهم لامور سطحي وغبي يعني مستحيل يتغيرون

 

[Bent extra 3asal]

رد : ويييع ,, هيلقية ,, اي شي

انا عن نفسي ما اقول هالكلمات الي حق شخص مهول بعمره و مو مبتلي بشي من الله مثل الاعاقة و غيره
الي شعرها كشة تقدر ترتبه
الي تلبس لبس للفت النظر و مليء بالتهويل تقدر انها تلبس لبس راقي
هذيل الي صج تسمينهم هيلق و ويع لانه بإمكانهم يعدلون من اعمارهم و التهويل الي اهم فيه بإختيارهم
بس عاد اني افتح موضوع سطوله شعرضه بالمنتدى عشان اناقش فيه هالشغلة و اقول هالالفاظ؟؟
لأ طبعا ما اسويها
هالالفاض استخدمها بيني و بين نفسي او مع اهلي مو مع الكل لانه لازم الواحد ينتقي احسن الالفاظ و يرتقي بردوده و مواضيعه
اشوفها امور تافهة ما اضيع وقتي عليها

هذا الي اقصدده وصحيح كلامج 100% اشكرج على ردج :blueSmCLR:

كل واحد و بيئته

صحيح كل واحد وبيئتة

 

[نور مغليها]

رد : ويييع ,, هيلقية ,, اي شي

في مواضيع او شغلات نشوفها صج تحسينها هيليقيه واذا شفتها جذب اكيد بقول عنها هيليقيه ...