وين يبيعون القطط

[اخت الغالي الغائب]

رفيجتي عندها

قطوه تينن

بس بتسافر شهر 6

ومو عارفه وين توديها

وخايفه عليها من الوحده لو تركتها بروحها

الله يخليكم اذا تعرفون مكان للبيع قولولي اقولها

مع انه مو هاين عليها تبيعها تعلقت فيها عمرها 6شهور بيضاءومعها شهادة ميلاد وتطعيمات

شايلها همها من الحين تقول اخاف اخذ ذنبها لو صار لها شي

اللي تعرف مكان للبيع او ايداع القطط لاتبخل علي

 

[DeCToOoRa]

انا ابي اشتري قطووه

بجم تبيعها ؟وممكن صورتها ؟

وفي مكان ياخذونها ماعرف وين بس شوفي بالوسيط ,, لان بنت خالي كان عندها قطوه صارت مريضه ماعرفت شتسوي فيها دقت عليهم وخذوها ,,,,

 

[اخت الغالي الغائب]

مشكوره حبيبتي على الرد
وجم بتبيعها مادري بس هي حليوه راح تعطيج اياها بالسعر الي تبين
عندي صورتها وهي صغيره مقطع فيديو وهي تلعب كنت مسيره عليها وعجبتني ياحلاتها
وهي تلعب
بس ماعرف انزل الصور حسافه عاد وهي تلعب تينن والا وهي نايمه ياحلوه هاديه واليفه حيل
بيضاء وكل اغراضها معاها مواعينها وحمامم تكرمين واكسسوارات وصحتها زينه
اسمها شوسي شيرازيه بس اللي شعرهم مو طويل
اذا تبينها جد دزي لي على الخاص اعطيج رقمها وااذا مانزلت لج بالسعر والا قالت مانوصل راسليني

 

[عسووولة]

بسوق الجمعة:RoadRunner:

 

[soo_soo]

دؤري محلات الي يبيعؤن الحيؤانات تخلي قطؤتها عندهم اذا مؤب مطؤله بالسفر
تخليهم على حسب كم يؤم بتقعد
ؤاذا بطؤل تبيعها عندهم
ؤان شاءالله عضؤه تاخذها ؤتهتم فيها

 

[DeCToOoRa]

عاد انا احبهم علشان شعرهم

ودي اخذها بس امي موراضيه :eh_s(14): اهي حجمها صغير ؟؟ شعرها يطيح ؟

اممممممممم

صديقتج ماعندها احد من اهلها ياخذها ؟ وقولي لها تشوف الوسيط ؟ واذا عندها احد يبيعها لها في سوق الجمعه

 

[اخت الغالي الغائب]

مشكورين بنات
صاجين سوق الجمعه بقولها عنه
شعرها يطيح؟مادري.بس ظريفه عليها لعب وحركات تخلي اللي مايحب القطاوه حبها
حجمها صغير؟عادي مثل حجم اي قطوه عمرها 6شهور متعافيه

 

[free-pen]

حبيت اعطيكم خبر ان شراء وبيع القطط حراااااااام


وروى أبو داود (3479) والترمذي (1279) عَنْ جَابِرٍ بن عبد الله رضي الله عنهما قَالَ : ( نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ ثَمَنِ الْكَلْبِ وَالسِّنَّوْرِ) صححه الألباني في صحيح أبي داود .

و (السِّنَّوْرِ) هو الهر (القط) .

وجاء في "فتاوى اللجنة الدائمة" (13/37) :

" لا يجوز بيع القطط والقردة والكــلاب وغيرها من كل ذي ناب من السباع لأن النبي صلى الله عليه وسلم نهى عن ذلك ، وزجر عنه ولما في ذلك من إضاعة المال ، وقد نهى النبي صلى الله عليه وسلم عن ذلك " انتهى .




اللهم اني قد بلغت اللهم فاشهد !

 

[soo_soo]

استغفرالله ياررربي
بس يالييييييييتني ماقريت


المرشحه اليؤم دشيت منتدى عن قطاؤه
ؤلقيت هالساايت بلكؤيت الي ياخذؤن القطؤه ؤالكلابه مادري يشترؤنهم
المهم هذا مؤقعهم
http://www.paws-kuwait.org/

 

[جوجو.]

بجم ؟؟؟

 

[ام مسااعد]

( وعن ) جابر بن عبد الله رضي الله عنه أن النبي صلى الله عليه وسلم : { نهى عن بيع الكلب والسنور } وقال أبو يوسف رحمه الله ينقض هذا الحديث في السنور حديث النبي صلى الله عليه وسلم أنه { كان يصغي لها الإناء فتشرب منه } وهو مشهور عنه صلى الله عليه وسلم , وحديث عروة عن عائشة رضي الله عنها أن { النبي صلى الله عليه وسلم كان يصغي الإناء للهر ليشرب منه ثم يتوضأ } وفي هذا دليل على أنها ليست بنجسة , وقد نص على ذلك بقوله { أنها ليست بنجسة أنها من الطوافين عليكم والطوافات } , ويجوز الانتفاع بها من غير ضرورة , وما يكون بهذه الصفة [ ص: 236 ] فهو مال متقوم يجوز بيعه , والنهي إن ثبت محمول على أنه كان في الابتداء .




انا كملت الحديث وقريت هالشي ومرة سامعه شيخ وماحرم القط!!

هذا والله اعلم

 

[GAP^^الكبيرة]

حرام؟؟؟؟
اول مره اسمع بهالشي.. ياليت كل وحده ما تفتي الا لما تتاكد من مصدر الفتوى

وبالنسبه لسؤال الاخت... تقدر تحط اعلانات بمركز سلطان و بالبيطريه او سوق الحمام

 

[بنت عبدالغني شربت]

ممنوع وضع مواضيع البيع وشراء غير قسم المول واشتراك عضويه التاجره

اما بالنسبه للاماكن الي يشترون فيها القطوه عندج سوق الحمام او اعلاانات مركز سلطان