وين مكانه بحياتج !

[مجنونة بس عاقلة]

هو اساس البيت الله يحفظه لي ولعياله​

 

[سوسن1980]

انا بدونه مااسوى شي

 

[الله يجمعنا]

الله في وحده قالت كلمه حلوه اثرت فيني ( حلو اني احتاجله وحلو انه يحتاجني ) وصح عيل لي سمو شريك الحياة واحد يكمل الثاني الله يحليكم لبعض يارب

 

[caramel candy]

وااااي الله لايحرمني من حسه وعسى يومي قبل يومه انا بدونه اضيع حياتي ماتسوى من غيره اصلا اهو حياتي

 

[( مي )]

الله يتمم عليكم اجمعين
ولا يفرقكم
​

 

[دلوعة حمني]

كل شيء حق البيت و اليهال و حقي بعد عمري هو يسويه!
طبيب ... جمعية ... سوق ...

بس اذا سافر اعرف ادبر عمري عدل...الله يخليه لي و يحميه ان شاءالله

 

[الأميرة الحزينة]

شايله عنه واايد اشياء بسبب دراسته اول وظروف شغله الحين .. واهو اللي يضيع من غيري لووول بس حزة الصجيه :eh_s(10):والله اذا احتجته مايقصر بعدعمري حطيه على يمناج:rerrerek: احيانا اذا عصبت اقول حق روحي شفايدته انا اقدر اعيش من غيرة بس هالحجي موصحييح والله حسه بالدنيا عندي الله يخليه لي ويخليلكم رياييلكم .. ترا على عيوبهم والله الحياة ماتنطاق من غيرهم:ggdw:

 

[الوردة المكنونة]

الصراحه وجوده وعدمه واحد قاط علي كل المسؤوليه ومريح راسه

 

[sunshine22]

اي والله ظل راجل ولاحيطه

مهما كان ابوج واخوانج

الزوج غيررررررررررر من ناحيه (( الوجود ))
اذا استأذنتي منه طلعتي مرتاحه ماتردين على احد عكس الاهل اللي يدقون ويحاتون جنج صغيره
اذا مرضو اولادي وداهم لو كانت الساعه 4 الفجر منو باخوانج بيودي عيالج بالفجر او صعبه تقعدين ابوج يوديهم كلهممم بيقولون وين ابوهم وابوهم مايقدر يقول شي لي وداهم هذول عياله
واغراض الجمعيه واشيا واااااااايد محتاجه وجوده فيهم

 

[الفدنه]

انا العكس تماااااااااااااماااااااااااااا
اهو قايم بكل شي
ومكانته"""""
زوجي وابو عيالي
بس مااضيع بدونه​

 

[travel_addicted]

بما ان ليما الحين ما عندي عيال فا كل واحد قايم ابشغله بروحه يعني معتمد على نفسه و ساكنين عند اهله فا حتى ما نشتري ماجله
لكن احتياجتنا الشخصية و اليومية ساعات نروح الجمعية نشتريها مع بعض كا طلعة ووناسة و اذا اشياء بسيطة اقدر اروح الجمعية بروحي
لكن اذا احتجته مثلا مريضة و ابي الطبيب او ما عندي سيارة فا اكيد ما يقصر لكن ما اقدر اقول اني بدونه ما اسوى شي او حياتي ما تمشي بدونه
و اتوقع مع العيال تبدي تبين الصجية يعني تربيتهم و مسؤليتهم اهني يبين تأثيره اكثر
و الله يخلي ريايلنا ان شاء الله و يهديهم و يسخرهم لنا

 

[أم توتو]

ماستغنى عنه اهو ايجيب ويودي ويشتري معتمده على الله ثم عليه بكل شي بدونه اضيع والله

الله يخليه لي ولعياله

 

[mich79]

وجوده وعدمه واحد مو فارقه معاي
يبا الرياييل بزمن اأبهاتنا وأجدادنا وبس أما الحين للأسف ماكو إلا أشباه رجال .. لا ويمكن احنا أرجل منهم بعد وشايلين مسئوليات بيوت من غيرهم الله ياخذهم

 

[( مي )]

الله يحفظ لكم رياييلكم


وقت الهواش نتمنى فرقاهم ،، واذا رضينا عليهم نبيهم دوم مجابلينا

يعني على مزاجنا
لوووول​