وين كنتي وقت الغزو ...صامده والا بره الديره ؟؟

[حناينq8]

كنا برياض وكان عمري 7 سنوات

مشكوره على المرور حبيبتي

 

[حناينq8]

يشهد القصر الحمر كيف كنا صامدين
احنا صامدين صامدين ولا فكرنا نطلع

صح لسانج
ومشكوره على مرورج حبيبتي

 

[ام الغالين]

انا كنت صامده وعشنا صج ايام حلوه وايام مخيفه

الحلو اللمه والحب والاخوه بين الناس

والمخيف دخول الجيش لبيوتنا وتفتيشها

بس ايام الضربه الجويه كانت حلوه

 

[حناينq8]

:stars:
:33_1185028183:

انا ايام الغزوو كنت بطن ماما كانت حامل فيني
وايام التحرير ولدتني :nbvppw:

بس اهلي كلهم راحوو للمملكه العربيه السعوديه اياام الغزوو
وردو اول ما تحررت الكووويت الله يخليهااا لناا ان شاء الله
وان شاء الله الله لا يعود هذيك الاياااام ايااام الغزووو:q8:

:stars:
:33_1185028183:​

حياج الله حبيبتي

 

[اخت خالد]

كنا صامدين

 

[حناينq8]

كنا صامدين

مشكوره على المرور

 

[sweet88]

صامدين بديرتنا الغاليه
الله لا يعود هذيج الايام

 

[q8l75]

احنا يوم الاربعا رحنا فيلكا .. يعني بنستانس ..
و اكلنا هوا يوم الخميس نشوف الصواريخ و اللويه ..
و وحدرنا بعبّاره

وصمدنا مافكرنا نطلع

 

[حناينq8]

صامدين بديرتنا الغاليه
الله لا يعود هذيج الايام

امين ومشكوووووره على المرور

 

[حناينq8]

احنا يوم الاربعا رحنا فيلكا .. يعني بنستانس ..
و اكلنا هوا يوم الخميس نشوف الصواريخ و اللويه ..
و وحدرنا بعبّاره

وصمدنا مافكرنا نطلع

انا وايد كنت افكر بالناس اللي بفيلجا شلون رجعوا
ومشكوووووووره على المرور حبيبتي

 

[Pure.]

انا كان عمري تقريبا سنتين احنا كنا مسافرين مصر
ثاني يوم امي قرت بالجرايد الغزو بالكويت ... اول شي ما صدقت امي
بس وما اذكر شي كلش .... بس كنا مسافرين قبل الغزو بيوم ...

 

[حناينq8]

انا كان عمري تقريبا سنتين احنا كنا مسافرين مصر
ثاني يوم امي قرت بالجرايد الغزو بالكويت ... اول شي ما صدقت امي
بس وما اذكر شي كلش .... بس كنا مسافرين قبل الغزو بيوم ...

مشكوره على المشاركه حبيبتي

 

[خاشووقه]

نحن صامدون

 

[حناينq8]

نحن صامدون

حي الله خاشوقه ....منوره الموضوع

 

[حناينq8]

:q8:


يوم 2-8-90 صحت وشفت ابوي وامي قاعدين تحت في الصالة ويمهم الراديو ولا ابوي اقول الجيش


العراقي غز الكويت تفاجئت بالموضوع كان عمري 10 سنوات


كنا ساكنيين في منطقتنا صباح السالم وبعدها انتقلنا حق بيت ايدده الله يرحمها في منطقة الاندلس

حتى اذكر لما صعدنا فوق السطح انكبر الله اكبر وسكان المنطقة يكبرون الساعة 12 بليل

واطلاق النار شغال وكنت وكنت أشوفه ملاينه السما وهم العراقيين يطلقون النار وكان بعد يمنا

اعيال الكندري جيران يدتي الله يرحمها انشوفهما يكبرون

وصارت البسطة اللي كانت قريبة يم مستشفى العظام مقابل قطعه 10 وكانت ساحة كبيرة

والحين سووها كلها بيوت وكانت بيوت قطعه 10 محتلينها المعدان لان الكويتيين للحين

ماستلموا بيوتهم واشوف عيالهم يطلعون حفايا وايون البسطة المعدان

وكان أذكر اول واحد قعد بالبسطه كان ابيع عصير وحتى كان كل شي غالي في البسطة والجمعيات

واذكر يدتي الله يرحمها شرتلي ولاختي سف اب وكان يمباع 350 فلس وحتى امي البطاط بدينار

وكنا انا ويا اختي انبيع بالبسطة

وكانت البسطة تكون من الصبح لظهر ومن العصر لاذان المغرب اما بعد المغرب محد موجود في الشارع



وحتى جم مرة يو العراقيين بسياراتهم العسكرية والمدنية اللي طبعا باقوها من الناس واول ما نزلو

الناس تبي تنحاش حتى اذكر واحد عمرة 13 خذوا العراقيين وشفت بالسيارة مركبيين مع مجموعه

من الكويتيين

وحتى اذكر كنت اقرأ المجلة وبالتحديد الساعه 2 الصبح سمعت اول اطلاق نار وقعدت يدتي

اللي اهية كانت نايمة الله يرحمها وقعدت وطلعنا بره الغرفة وابوي وامي طلعوا من العرفة اللي مقابلنا

وطلعت الصاله وقربت عند الباب الزجاجي وفتحت قطعة القماش اللي على الباب وشفت السما ملاينا

من اطلاق النار يعني اللي يطلع الشارع يروح فيها

وبعدين كانت يدتي في المطبخ الداخلي تبي تاخذ شي وقالتي اخذي البطانيا ولما فتحت الباب علشان

أروح السرداب وقفت بنص الحوش ورفعت راسي وشفت اطلاق النار الكثيف فوق البيت ماقدرت اتحمل

من الخرعه مارحت السرداب رجعت المطبخ وانا خايفه مرتعشه

وبعدين كلنا نزلنا السرداب وظلنا للصبح وكان ابوي وخوالي فاتحيين وحده من الاذاعات الاجنبية




وحتى اذكر لما كنا نبي روح بيتنا اللي بصباح السالم طلعنا الشارع من برة منطقة الاندلس وقفنا

وقفولنا 2 شباب وطلبنا منهم انهم يوصلونا لمنطقتنا وكانوا فاتحيين الاذاعه السرية الكويتية اللي

صارت بره الكويت ورجعولنا مره ثانية واحنا ماندري ان اهم من المقاومة الكويتييه لان لما رحنا

لمنطقتنا كانوا وياهم اسلحة ينقلونها وعرفنا السالفه لما شافهم خالي بعد الغزو بالصدفه



وحتى لما اذكر كنت ابيع بالبسطة يات سيارة وصفطت عند البسطة وكانت سيارة عسكرية

وحتى اللي كان اول واحد باع في البسطة ومع ابو صرخ عليهم العراقي اظهار كان ضابط حتى

اول مانزل الناس كلهم سكتو بصمت وهم شاهدون المنظر


واذكرلما 3 جنود عراقيين يبون سيارة ابوي البوكس ورد عليهم خالي اللحين اهوه في المسجد

وردو على خالي وقالوله اذا شفناها باجر موجوده راح ناخذها حتى لما يو كانو راكبين سيارة شفر

زرقه وبعدها دخلنا السيارة لبيت الكندري اللي يمنا بكراجهم


وحتى لما اذكر رجعنا منطقتنا كنا نبي نشتري غاز ورحنا وقفنا انا واختي من الساعة 12 الى 4

علشان ناخذ غاز


وكانت منطقة الاندلس فيها ذكريات لما كنا عرفنا منيرة وخالد وخلود وعبير وكنا نلعب بالسكة

واذكر كنا انا واختي واعيال خوالي وبعض الجيران كنا نصرخ ونحذف صخر ويا خالد وخلود ويقوم

يصرخ علينا ابو خالد وخلود وقول يلا روحو بيوتكم ورحنا :j013:

اذكر لما كنت بحوش بيتنا شفت طيارة من فوق وخفت وكانت قريبة من بيتنا ولما شفتاه رحت على

طول للديوانية وسكرت الباب وقفت وراء الباب وانا خايفه وفتحت مرة ثانية الباب ورحت فوق وشفت امي

وابوي يطلونا من دريشة غرفتهم


وكنت اذكر كانوا اختي وعيال خالي جم مرة يكعدوني من النوم وقولولي الكويت تحررت وانا مستانسه

ورايحة فوق وكولي خالي لا الكويت ماتحررت بس يبون اقعدونج من النوم


واذكر لما الجنود العراقيين لما سمعنا انهم يبون ينسحبون شفناهم يمرون بالسيارات العسكرية

تقريبا 10 سيارات مروا وكان بينا وبنهم ساحة ترابية وكانو بكل سيارة 50 الى 80 شخص بالسيارة

ونشوفهم وهم بهوساتهم يهوسوون هههههههههه هوساتهم اضحك وهم اضحكون :dddds:



حسبالهم كريم النيفيا قيمر والنير لما حطوا ويو الجمعية شكلهم يضحك حتى شعر راسهم وجسمهم

كله حسبالهم شامبو للقشر هههههههههههه :dddds:


واحدى من اللي تعرفهم اختي كانت في المقاومة الكويتية لما كانت بالجمعية وكان مموجود بذاك الوقت

عربانات لان العراقيين باقوهم ويستعلمون بدالها كراتيين ويالها جندي عراقي وقالها ابي اقعد بالكرتون

ودزيني حست ان هذا خالص خو كل دزهم صدام عشان يغزو ن الكويت مايفهمون شي ولا حتى

رفج الثاني كملها يبي يسوي مثله

و اخر شي تخلصت منهم بفضل الرحمن كلمه مني كلمه مني


واذكر واذكر لكن لو بتكلم من اللحين لباجر ماراح اخلص الله لايعوداها من ايام :tomato2:

مشكووووووووووووره حبيبتي سكينه

الصراحه وايد استمتعت وانا اقرا ذكرياتج

ماشالله عليج كنتي تبيعين بالبسطه وانتي بهالعمر


يعطيج العافيه يقلبي ومشاركتج وايد اسعدتني

 

[حناينq8]

للرفع بمناسبه مرور 18 سنه على الغزو


الله لا يعودها من ايام

 

[ولا احلا]

ليش انا بسولف ............شلونج حنووووووووووووووووون

اياااااااااااااااااااااااااااااااااااااااااام .. انا بالغزو كان عمري 1وتعش وكنت توني عروس ولما يا الغزووو المعرس خذووووووه العراقيييين وتميت مع اهلي وحمولتي بالكويت وقعدت طول الغزو العروس الحزينة ........... بصراحة كنت ياهل بس كنت احبه احبه بس والله لاننا فاقدين وطنا واحنا تحت رحمة الغزو فما حسيت بفراقه الا بعد التحرير ولاننا كلنا باي لحظة ممكن يذبحنا .....
كنت اتنقل ما بين بيت اهلي وامي تقول لي قعدي ببيت زوجج احسن اكيد بيرجع وكنت اول الايام توني بشهرين حااامل بس من الخرعة والزوج رااح اسير طرحت ....
وبما اني صغيرة ما كنت انتبه لعمري .........
وتميت ما بين كنت كل ما شفت العراقيين تهاوشت معاهم وكانت امي تخاف علي والله اذكر نشبه معاهم بس الله ستر ومرة كانت توفت اختي بشهر سبتمبر .....
وكنا رايحين جمعية القادسية وبعدها بطريج الردة كان فيه تفتيش على جسر الرميثية حسبي الله عليهم مسدحين عيالنا وموقفين السيارات ااااااااااااااااااخ والله غصة ياعالم غصة ...... وقالوا لاخوي اسفط ونام مع هذولة الشباب وخلي الحريم ياخذون السيارة ويروحون بصراحة اخوي كان عسكري بالداخلية برتبة نقيب .... والظاهر شكوا فيه ملتحي وقالوا له انزل نريد نمسح بوجهك القاع ...
المهم اخووي قالهم زين بس حاول يقدم السيارة عشان ناخذها ونروح بس والله اني كنت اترجاااه ما ينزل تدرون شصااار اخوي سمع كلامي وداس على البنزين وقال لنا نزلوا روسكم تحت عشان اذا رمونا ما يحوشكم شي وفعلا ولا فيلم بوليسي قام يودي السيارة يمين يسار والطلقات فوقنا والله لما بعدنا عنهم وعفسنا دراماتهم .........
وصلنا البيت الا الحمدالله الكل سالم والسيارة الله لايوريكم مخرمة ويشهد الله بس والله اني بس اخوي على ايده وراسه يوم رجع لنا حبيبي الله يخليه لعياله ...وبعد العزا طبعا اقتحموا بيت اهلي ولا السيارة موجودة بالبخار خو تعرفون البخار يعني كراج بالحوش عندنا بيت عربي بعد وعود ....
والله انهم حاسونا حاسونا يبون اخوي بس طبعا اخوي كنا خاشينا ياجماعة بالسيارة والسيارة مطربلة سبحان الله صج ما يعرفون شي ولكن الي يونا حرس جمهوري بعثي الله وكيلكم مو بيت صار لواء عسكري وقالوا لازم تشيلون الغطا مال السيارة احنا نريدها ... بس كان عندي ذهبي جان اقولهم ذهبي كله لكم بس خلوا ابوي تعب وبعد ترجي وبوس خشوم ولوووية وزف وساعات عصيبة 4 ساعات طلعت روحنا اقتنعوا وراحوا بس ردوا عيال ....... الحرام بالليل وخموا عيال الفريج كلهم ووروهم نجوم الظهر طبعا اخواني 3 وعيال الفريج ماشاء الله بس اسبوع وطلعوهم ........
وبعدين قبل التحرير باسبوع مرة ثانية خموا عيال الفريج صدفة اخواني ما كانوا هني كانوا مع مقاومتهم وطبعا ما عرفنا عنهم شي الا بعد التحرير يوم دشوا علينا باسلحتهم ولبسهم العسكري الله ماء بارد وكبيتوه علينا اخواني ووطني ردووا ............

وبعدين طبعا تذكرت اني كنت العروس الحزينة وانه الحين انا تميت بروحي بس بعد التحرير ب45 يوم طلع الفارس الملثم ورجع والحمدالله ..............الله لا يعود ذيج الاياااام .....

 

[dr_enshalla]

انا بعد صامده بس وقتها كان عمري 6 سنين فما كنت فاهمه عدل شنو يصير حوالي ومنطقتنا كانت تقريبا هاديه معنه وايد من ييرانا كانو عايشين عندنا ابسردابنا وصارت مواقف تضحط اذكر امي تخيط الذهب والالماسات بالدراريع من داخل وتمشي و احنا نقولها اذا في صوت ولا لا .. يعني بتخشهم عشان محد يبوقهم ..وواحد من عيال ييرانا كان بالجيش ويو يفتشونا اهلي قالو انه بطاقته ضايعه نادو مرته ولا تقول لا بطاقته عنده واهيا مو فاهمه شي بس اشوا عدت السافه على خير .. الفو قصه انها احترقت بسياره . امي صارتلها وايد مواقف لانها ماتسكت عن الحق ووايد كانت تهاوش مع العراقيين .. مره امي الا بتعلم عراقي انه ماشي عكس السير .. اشرتله انه لازم يلف .. وقفها وقالها انتي ليش تكمين عليا ! قالتله ماكميت بس اعلمك الطريج الصح .. قالها لا انتي كميتي عليا وانتي جذي تكمين على القائد الاعلي صدام (مالت عليه) المهم خذها نادي كاظمة علما اعتقد وكان معتقل امي تقول الشباب بذوبون القلب مربطين على الارض بالقايلة ومربطين عيونهم والعراقي الله لا يبوفقه يطقهم بجوتيه
وبعدين خذا مكان التحقيق ويقول حق رفيجه حضر الاربع حريم اللي بنقص ريولهم ... الله لا يوفقهم دنيا واخره انا مو قادره انسا الموقف ... الله ستر امي وصارت اذكي منه وقدرت تفاهم معاه

بس تصورو في جنود لما امي كانت تقولهم انتو ليش غزيتونا يقولون احنا رايحين نحرر فلسطين ... يعني حتى مايدرون وين الله قاطهم
المهم انه عدت هالايام على خير .. انا بعد ما انسى يوم التحرير كلنا طلعين بفريجنا نطالع السما معنها رماديه بس كانت حلوة لانه احنا مو مصدقين ... وانا هم لاني صغير ماكنت فاهمه عدل بس انه ماراح ننحبس مثل قبل وانه اقدر اطلع والعب على كيفي

عقب الغزو بفتره كان عندنا كتاب عن جرايم العراقيين كنت ماقدر اشوف الغلاف وكله اخشه ويمكن قبل 5 سنين بس قريته الكتاب يشرح شلون جرايم العراقيين تعتبر اسوأ جرايم عالميه ..
معنه تحررنا بس صراحه انا ماقدر انسى ولا اقدر افتح صفحا بيضا 100% وانتو فهموني

 

[حناينq8]

ليش انا بسولف ............شلونج حنووووووووووووووووون

اياااااااااااااااااااااااااااااااااااااااااام .. انا بالغزو كان عمري 1وتعش وكنت توني عروس ولما يا الغزووو المعرس خذووووووه العراقيييين وتميت مع اهلي وحمولتي بالكويت وقعدت طول الغزو العروس الحزينة ........... بصراحة كنت ياهل بس كنت احبه احبه بس والله لاننا فاقدين وطنا واحنا تحت رحمة الغزو فما حسيت بفراقه الا بعد التحرير ولاننا كلنا باي لحظة ممكن يذبحنا .....
كنت اتنقل ما بين بيت اهلي وامي تقول لي قعدي ببيت زوجج احسن اكيد بيرجع وكنت اول الايام توني بشهرين حااامل بس من الخرعة والزوج رااح اسير طرحت ....
وبما اني صغيرة ما كنت انتبه لعمري .........
وتميت ما بين كنت كل ما شفت العراقيين تهاوشت معاهم وكانت امي تخاف علي والله اذكر نشبه معاهم بس الله ستر ومرة كانت توفت اختي بشهر سبتمبر .....
وكنا رايحين جمعية القادسية وبعدها بطريج الردة كان فيه تفتيش على جسر الرميثية حسبي الله عليهم مسدحين عيالنا وموقفين السيارات ااااااااااااااااااخ والله غصة ياعالم غصة ...... وقالوا لاخوي اسفط ونام مع هذولة الشباب وخلي الحريم ياخذون السيارة ويروحون بصراحة اخوي كان عسكري بالداخلية برتبة نقيب .... والظاهر شكوا فيه ملتحي وقالوا له انزل نريد نمسح بوجهك القاع ...
المهم اخووي قالهم زين بس حاول يقدم السيارة عشان ناخذها ونروح بس والله اني كنت اترجاااه ما ينزل تدرون شصااار اخوي سمع كلامي وداس على البنزين وقال لنا نزلوا روسكم تحت عشان اذا رمونا ما يحوشكم شي وفعلا ولا فيلم بوليسي قام يودي السيارة يمين يسار والطلقات فوقنا والله لما بعدنا عنهم وعفسنا دراماتهم .........
وصلنا البيت الا الحمدالله الكل سالم والسيارة الله لايوريكم مخرمة ويشهد الله بس والله اني بس اخوي على ايده وراسه يوم رجع لنا حبيبي الله يخليه لعياله ...وبعد العزا طبعا اقتحموا بيت اهلي ولا السيارة موجودة بالبخار خو تعرفون البخار يعني كراج بالحوش عندنا بيت عربي بعد وعود ....
والله انهم حاسونا حاسونا يبون اخوي بس طبعا اخوي كنا خاشينا ياجماعة بالسيارة والسيارة مطربلة سبحان الله صج ما يعرفون شي ولكن الي يونا حرس جمهوري بعثي الله وكيلكم مو بيت صار لواء عسكري وقالوا لازم تشيلون الغطا مال السيارة احنا نريدها ... بس كان عندي ذهبي جان اقولهم ذهبي كله لكم بس خلوا ابوي تعب وبعد ترجي وبوس خشوم ولوووية وزف وساعات عصيبة 4 ساعات طلعت روحنا اقتنعوا وراحوا بس ردوا عيال ....... الحرام بالليل وخموا عيال الفريج كلهم ووروهم نجوم الظهر طبعا اخواني 3 وعيال الفريج ماشاء الله بس اسبوع وطلعوهم ........
وبعدين قبل التحرير باسبوع مرة ثانية خموا عيال الفريج صدفة اخواني ما كانوا هني كانوا مع مقاومتهم وطبعا ما عرفنا عنهم شي الا بعد التحرير يوم دشوا علينا باسلحتهم ولبسهم العسكري الله ماء بارد وكبيتوه علينا اخواني ووطني ردووا ............

وبعدين طبعا تذكرت اني كنت العروس الحزينة وانه الحين انا تميت بروحي بس بعد التحرير ب45 يوم طلع الفارس الملثم ورجع والحمدالله ..............الله لا يعود ذيج الاياااام .....

حبيبتي ولا احلا

عشت معاج بكل الاحداث اللي كتبتيها
وحاطه ايدي قلبي ليمه ارتحت من ان كل الاحداث اللي مريتوا فيها عدت على خير
والحمدلله على سلامة ريلج واخوج وعسى الله يخليهم لكم

بس على طاري ان قبل التحرير بأسبوع يو قاموا العراقيين يخمون عيالنا من الشوارع
ترا وايد من عيال منطقتنا ما ردوا وراحوا بدون ذنب حسبي الله عليهم

واشكرج من كل قلبي على هالشرح الموجز للي صار معاكم
وعسى الله لا يعودها يارب

 

[حناينq8]

انا بعد صامده بس وقتها كان عمري 6 سنين فما كنت فاهمه عدل شنو يصير حوالي ومنطقتنا كانت تقريبا هاديه معنه وايد من ييرانا كانو عايشين عندنا ابسردابنا وصارت مواقف تضحط اذكر امي تخيط الذهب والالماسات بالدراريع من داخل وتمشي و احنا نقولها اذا في صوت ولا لا .. يعني بتخشهم عشان محد يبوقهم ..وواحد من عيال ييرانا كان بالجيش ويو يفتشونا اهلي قالو انه بطاقته ضايعه نادو مرته ولا تقول لا بطاقته عنده واهيا مو فاهمه شي بس اشوا عدت السافه على خير .. الفو قصه انها احترقت بسياره . امي صارتلها وايد مواقف لانها ماتسكت عن الحق ووايد كانت تهاوش مع العراقيين .. مره امي الا بتعلم عراقي انه ماشي عكس السير .. اشرتله انه لازم يلف .. وقفها وقالها انتي ليش تكمين عليا ! قالتله ماكميت بس اعلمك الطريج الصح .. قالها لا انتي كميتي عليا وانتي جذي تكمين على القائد الاعلي صدام (مالت عليه) المهم خذها نادي كاظمة علما اعتقد وكان معتقل امي تقول الشباب بذوبون القلب مربطين على الارض بالقايلة ومربطين عيونهم والعراقي الله لا يبوفقه يطقهم بجوتيه
وبعدين خذا مكان التحقيق ويقول حق رفيجه حضر الاربع حريم اللي بنقص ريولهم ... الله لا يوفقهم دنيا واخره انا مو قادره انسا الموقف ... الله ستر امي وصارت اذكي منه وقدرت تفاهم معاه

بس تصورو في جنود لما امي كانت تقولهم انتو ليش غزيتونا يقولون احنا رايحين نحرر فلسطين ... يعني حتى مايدرون وين الله قاطهم
المهم انه عدت هالايام على خير .. انا بعد ما انسى يوم التحرير كلنا طلعين بفريجنا نطالع السما معنها رماديه بس كانت حلوة لانه احنا مو مصدقين ... وانا هم لاني صغير ماكنت فاهمه عدل بس انه ماراح ننحبس مثل قبل وانه اقدر اطلع والعب على كيفي

عقب الغزو بفتره كان عندنا كتاب عن جرايم العراقيين كنت ماقدر اشوف الغلاف وكله اخشه ويمكن قبل 5 سنين بس قريته الكتاب يشرح شلون جرايم العراقيين تعتبر اسوأ جرايم عالميه ..
معنه تحررنا بس صراحه انا ماقدر انسى ولا اقدر افتح صفحا بيضا 100% وانتو فهموني

والله يا دكتوره المستقبل شي طبيعي ما نقدر نفتح صفحه يديده
تبقى بالقلب غصه
اللي شفناه مو شويه
واتذكر بالتلفزيون يحطون مقابلات مع جنودهم اللي رايحيين يحررون فلسطين يالله من فضلك مرورا بالكويت

اهم شي الحمدلله على سلامه امج

والله لا يعودها من ايام

ومشكوره يقلبي على المشاركه