وين كنتي وقت الغزو ...صامده والا بره الديره ؟؟

[حناينq8]

رد: رد : وين كنتي وقت الغزو ...صامده والا بره الديره ؟؟

مشكوووووره حبيبتي تنايف على المشاركه

 

[miss$cute]

كنــت ببطــن مـــااامي

 

[بسمة السلطان]

صاااااااااااامده
والحمدلله امي شهيده واتشرف فيها:3lm1:

 

[حلآوهـ حمرهـ]

الله لايعووود هالايااام يااارب

مع اني اماراتيه وانولدت عقب شهرين وماذكر شي ~ بس اسمع خواتي يقولون كانوا بنات من الكويت يدرسون معاهم بالمدرسه

وكنت دوم اجوف واقرا عن الغزوو



بس في شي للحين مب قاادره انسااه ~ كانوا حاطين برنامج عن الغزو ويتكلموون اهالي الشهداء ~
طلع ريال كبيير يتكلم عن بنته ~ يقول بنته عمرها 20 سنه وقبل عرسها بيوم طلعت من البيت تشتريلها شغله ومن هذاك اليوم ماردت
وحاط صورتها بنيه اشحلااتها ~ وللحين تعوور قلبي واقوول وين راحت وشو صار فييها

وبعد لزقوا الدرايش والبيبان عن الكيماوي والاشعاعاات ~ واذكر مدرسه الكيميا تقول لنا انه الاطفال الي انولدوا مع الغزو اجسامهم كلها فيها اشعاعات مادري صدق او لا !!

 

[فـــخـــر]

صاااااااااااامده
والحمدلله امي شهيده واتشرف فيها:3lm1:

مشالله تشفع لكم يوم القيامه ان شالله

كلنا نفتخر بالشهدا وتفتخر فيهم الديره

 

[دبي العز]

الله يديم الامن والامان على جميع المسلمين ويرحم جميع موتاهم ويفك اسر جميع اسراهم ويحفظهم اجمعين

انا قريت قصة والله يمكن لمدة اسبوع اقراها وانا كل يوم اصيح خاصتاً ان الكاتبة ماشاء الله عليها كانت تصور الاحداث بدقة قطعت قلبي والله الي ما عاشها احترق قلبه وتأثر ويييين الي شاف بعينه شي يرتكز بالذاكره للابد اعتقد حتى الياهل الي ما يفهم من الصدمة وهول الي شافه ارتكزت بعض الصور في ذاكرته غصبن عنه

هذا وطن هذا بلد هذا امان هذا اهل الواحد يحاتي شو ولا شووو حياة تتوقف كييف الواحد يتحمل كيف الواحد ما يتأثر !!!!!!! كيف الواحد ينسسسسسسسسسسسسسى اصلاً
وغير الي يذوق مرارة الشي للحين الي تيتم الي فقد اعز ناسه الي يعاني اضرار الحرب للحين !!


هيييه اصلاً ربع ابويه الي يووو الامارات كلهم ويا اهاليهم الدولة سكنتهم في الفنادق والشقق بلاش حتى درسوا في المدارس ووفروا لهم كل شي

وطبعاً هالشي كان في جميع دول الخليج

الله يديم المحبة والتعاون شي نحسد عليه الصراحة دول بس حزة الشدة والفرح دولة وحدة

الله يجعله في موازين حسناتكم

 

[حناينq8]

نفنوفه j

حياج حبيبتي

بسمة السلطان

كل الكويت تفتخر فيها
وشكرا حبيبتي على مشاركتج

حلآوهـ حمرهـ

تسعدني مشاركتج حبيبتي ومنور الموضوع باهل الامارات حبايبنا
اذا تسالين عن التاثير الصحي والبيئي ترا كل الخليج تاثروا فيه
كفايه دخان النفط لمن احرقوه كان يغطي سما الكويت يخلي النهار ليل
وتخيلي ان هالدخان تنفسناه ودش باجسامنا
صج صج الله يحفظنا والله

 

[حناينq8]

الله يديم الامن والامان على جميع المسلمين ويرحم جميع موتاهم ويفك اسر جميع اسراهم ويحفظهم اجمعين

انا قريت قصة والله يمكن لمدة اسبوع اقراها وانا كل يوم اصيح خاصتاً ان الكاتبة ماشاء الله عليها كانت تصور الاحداث بدقة قطعت قلبي والله الي ما عاشها احترق قلبه وتأثر ويييين الي شاف بعينه شي يرتكز بالذاكره للابد اعتقد حتى الياهل الي ما يفهم من الصدمة وهول الي شافه ارتكزت بعض الصور في ذاكرته غصبن عنه

هذا وطن هذا بلد هذا امان هذا اهل الواحد يحاتي شو ولا شووو حياة تتوقف كييف الواحد يتحمل كيف الواحد ما يتأثر !!!!!!! كيف الواحد ينسسسسسسسسسسسسسى اصلاً
وغير الي يذوق مرارة الشي للحين الي تيتم الي فقد اعز ناسه الي يعاني اضرار الحرب للحين !!


هيييه اصلاً ربع ابويه الي يووو الامارات كلهم ويا اهاليهم الدولة سكنتهم في الفنادق والشقق بلاش حتى درسوا في المدارس ووفروا لهم كل شي

وطبعاً هالشي كان في جميع دول الخليج

الله يديم المحبة والتعاون شي نحسد عليه الصراحة دول بس حزة الشدة والفرح دولة وحدة

الله يجعله في موازين حسناتكم

اكيد حبيبتي الامارات ما قصرت مع الشعب الكويتي بستظافته
والله يرحم جابر وزايد
وانا عقب التحرير بشهر رحت دبي عند اختي واهلي اللي كانوا هناك مرتاحين والشعب الاماراتي يحبهم ومرحب فيهم
صج كنا ولازلنا ايد وحده والله لا يغير علينا

 

[$ بنت علمي $]

أناااااااااااا كنت






للحين مانولدت ولد بعد الغزو بخمس سنين هههه.... بس اسمع سوالف من امي وخالاتي وعن الغزو وامي كانت تقول الله لايعيدها من ايام وتسولف عن فرررحة التحرير وشلون اطلعوا من بيوتهم بالتحرير ويرقصون ...

 

[حناينq8]

التحرير كانت احلى فرحه بحياتنا
وما اظن اني بفرح كثر ما فرحت بهاليوم

وحياج الله حبيبتي

 

[cup-cacke]

صباااااااااااح الخييير بنااات

انا كنت ياهل..بس بقووول لكم شنو صار مع اهلي..طبعا كلهم ابتلشوا ف بعض

يعني يدي الله يرحمه..ما كان يبي يطلع..بس ابووي وحيده وعماتي مو متزووجات..ولا كان حالف حلف يمين انه مايطلع..كانت يدتي تبوووس ريووله انه يطلع معاهم عشان بناته..انا امي حطت ريل بالارض وريل بالسما..إلا تروووح لبيت يدي..الله يرحمه..يوم وداها ابوووي..إلا كل خاااالاتي عند ابوووهم@@

تقوول امي يدج انصدم منااا..يطالعنا كل وحده معاها ياهل تووها والدته..يطالع فينا وحده وحده..ويرد يطالعنا مره ثانيه ويطق فخووذه ويقول الحييييييين يوووومكم ييتوني ليييش ان شاءالله..انا اختكم ومبتلش فيها ابيها تطلع وانتوو ييتوا وقعدتووا

حتن يوم ابوي طلع مع عماتي وجذي..امي مارضت تطلع..قالت له مابي بقعد عند اهلي تبي اخذ بنتك وروح..ما راح ابوي الا لما حلف له يدي انهم راح يطلعون بعدهم..بس يدي سوا فيهم احلى مقلب

كانوا تقريبا ثلاث سيارات..ركبنا كلنا خالاتي وكان زوج خالتي واهله معانا

وكل ماشافه رياال..هاا يابو فلان منت راكب..يقول له بلا بلا بالسياره اللي وراك..امش انت حرك..ونفس الحركه سواها بالسيارات الثلاث

طبعا اهم حركوا وكل واحد يظن ان يدي معاهم..يووم وصلوا هناك اعرفوا انه مو موجود

خالي الصغير عصب وركب مع ولد خالته<<اللي غصبه انه يرد معاه الكويت..ولا هذاك كان يترجاه يرجعون

بس ماخلووه بالحدود يرد..وخذا فوق تحت ورد وشارك مع القوات<<هم مع ولد خالته اللي ماكان يبي يشارك

ويدي يمكن عقب جم شهر...طلع من الديره عقب بجي ونيااااااااح من الكل..رد مع ولد الجيران


بس لما نقعد ونسألهم عن الغزو احنا نضحك..لان جد صارت لهم شغلات تضحك..يقولون انتو الحين تضحكون علينا..بس جد قبل كان الوضع غير

 

[حناينq8]

يحليله يدج والله ضحكت على سالفتكم
عسى الله يخليكم حق بعض
ومشكوووره حياتي على المشاركه

 

[مرتاحه]

كنت من الصامدين
الله لا يعيدها من ايام
والله يرحم شهدائنا وكل من مات
لتحرير ارضنا الحبيبه

 

[بدوية موت read]

ههههههههه حنا رحنا الريااض

 

[مملوحة الخبر]

رد : وين كنتي وقت الغزو ...صامده والا بره الديره ؟؟

انا كنت ف الخبر بس كنت صغيره الله لايعيدها من ايام

 

[ضايعة بدنيتي]

رد : وين كنتي وقت الغزو ...صامده والا بره الديره ؟؟



آآآآه ياقلبي ... وربي لما اتذكر ذيك الايام احس برعشة من الخوف واحس اني رجعت عشرين سنة ورى

حسبنا الله ونعم الوكيل في الي كان السبب

مع اني مو كويتية .. بذاك الوقت كان عمري 5 سنوات . بس اذكر زين الاشيا الي كانت تحصل . وانا كنت بالبحرين ببيت جدي لان امي بحرينية . كان فيه حظر تجول وكانت صفارات الانذار وربي صوتها لو اسمعه احس قلبي بيوقف .. كنا نتسمر جدام التلفزيون ننطر الشاشة تصير خضرا .. يعني زاال الخطر . بس لما تصير حمرا ويحطون صوت الانذار وربي كانت لحظات قبيحة ربي لا يعيدها . كانت الدرايش ملصقة وكانوا ما يخلونا نطلع ابد .. وفي صاروخ طاح في البحرين صوب البر . والحمدلله محد تأذى منه . اذكر امي تقول لي ان كان في ناس كويتيين سكنوا جمبنا ببيت جدي لانه كان كبير ومقسم وجدي ربي يطول بعمره جلسهم بالقسم الثاني بس انا منمسح هالشي من ذاكرتي. حسبنا الله ونعم الوكيل .. الله يرحم شهدائنا شهداء الكويت والمسلمين .. الله يجعلهم من اهل جنة الخلد . وربي لا يعيدها من ايام يارب .. وربي وانا اقرى مواقفكم دموعي تنزل بدون ما احس .. قلبي يحترق اجل انتوا شحالكم ! ربي يعينكم ويقويكم ولا يعيدها عليكم من ايام شينة ويخلي لكم الكويت الغالية ويخليكم لها يارب .

 

[مليونيره مفلسه]

رد : وين كنتي وقت الغزو ...صامده والا بره الديره ؟؟

انا ماكنت مولوده انولدت بعد الغزو ب 6 سنين
ابوي قالي راح البنك وسحب 1000 دينار الا يدخل عراقي كان بيذبح ابوي حسبي الله قال عطني ال 1000 واخليك تروح وعطاه ابوي

وامي قالت كانو بيروحون السعوديه هي واهلها واخو جدي واهله لمن وصلو عند حدود السعوديه قالو ممنوع يسافرون خوالي لانهم من الجيش
وحلف جدي مايسافر الا معاهم ورجعو الكويت ماراحو السعوديه

 

[اكسبلانكا]

:q8: هذي الكوييييييييت صلوا عالنبي :q8:​

الحمدلله كنا صامدوووووووووووووون وعشنا الاوضاع كلها لحضه بلحضه الله لايعود هالايام وعسى الله يحظ ديرتنا من كل شر ​

 

[مرمووور]

رد : وين كنتي وقت الغزو ...صامده والا بره الديره ؟؟

اناا كنت بطن امي
بعد شهرين من الغزوو انوولدت بشهر 10

الللللللللللله يحفظ الكوووووووووووويت ياااااااااااااااااااااااااارب

 

[حناينq8]

مشكوريييين يحياتي على مشاركاتكم الغاليه