وين كنتي وقت الغزو ...صامده والا بره الديره ؟؟

[Q8yaaaa]

انا كنت صغييره ابوي كان موجود بالكويت بس احنا طلعنا

 

[om yousefany]

احنا كنا صامدين وكان عمري 6 وكملت السبعة بالغزو الله لايرجع هالايام بس كنت احبها تدرون ليش لان كنت اشوف كنا كلنا على قلب واحد والله وفي اشياء كانت تزعل توفى خالي كان بالمقاومة الله يرحمة

 

[jod.q8]

بالغزو ما انولدت بس شكثر اسأل اهلي عن الغزو

و خوالي تقريبا قعدوا بالكويت اسبوعين و راحوا السعوديه و خلوهم يقعدون

بمدارس مؤقت بعدين عطوهم بيوت بالقطيف و امي اتقول انشوف الصواريخ تمر من فوقنا !

و ابوي خذوه العراقيين و ما ادري جنه رد مع اول دفعه او فلت منهم بس ما اذكر

 

[حناينq8]

انا كنت صغييره ابوي كان موجود بالكويت بس احنا طلعنا

مشكوره حبيبتي على المشاركه

 

[حناينq8]

احنا كنا صامدين وكان عمري 6 وكملت السبعة بالغزو الله لايرجع هالايام بس كنت احبها تدرون ليش لان كنت اشوف كنا كلنا على قلب واحد والله وفي اشياء كانت تزعل توفى خالي كان بالمقاومة الله يرحمة

صاجه الشي الحلو بالغزو انه كنا كلنا على قلب واحد
ومشكوره حبيبتي على المرور

 

[حناينq8]

بالغزو ما انولدت بس شكثر اسأل اهلي عن الغزو

و خوالي تقريبا قعدوا بالكويت اسبوعين و راحوا السعوديه و خلوهم يقعدون

بمدارس مؤقت بعدين عطوهم بيوت بالقطيف و امي اتقول انشوف الصواريخ تمر من فوقنا !

و ابوي خذوه العراقيين و ما ادري جنه رد مع اول دفعه او فلت منهم بس ما اذكر

الحمدلله اللي رد لكم ابوكم بالسلامه
ومشكوره حبيبتي على المرور

 

[راعية الطويلة]

صامدة

 

[حناينq8]

حياج الله حبيبتي

 

[om...al3ess]

غاااااااااااااااااااااااااااااابة .....
كنت منحااااشة مع يدي ويدتي الله يرحمهم .....الامااارات .......معني كنت صغيرة بس كنت ما اقدر افارقهم ولا كنت ادري شالسالفة..........

 

[حناينq8]

الله يرحمهم يدج ويدتج ومشكوره على المرور حبيبتي

 

[حناينq8]

الله يرحمهم يدج ويدتج ومشكوره على المرور حبيبتي

 

[Čut!e Quèéи]

ياربي والله عوار قلب

الحمدلله صامدين وقتها كنت صغيره كان عمري 5 سنوات شهر 11 سنة 90 دخلت 6 سنوات

بس اذكر كل شي اكثر من اسمي كنت اشوف وافهم سبحان الله الغزو وقتها كبر عقولنا خلانا نفهم الي يصير حوالينا

صج مرات نمارس طفولتنا كنت العب مع اليهال في بيت يدي بالسرداب ومرات نلعب بالسكه عند باب البيت

بس بعد احياناً وقت الانفجارات والرمي نفهم انه غزو

شقول لج بس والله في كلام وايد يعور القلب مابي اقوله مرينا في مواقف الله لا يعودها ابسطها بقول لج شي واعذروني على الجرأه

والله السرداب ما كان فيه حمام وانتوا بكرامه كان ما عندنا الا ريال واحد خال ابوي اما ابوي وعمامي كانوا بالمقاومه مانشوفهم وايد

كان خال ابوي يجمع اليهال يقول لنا يلا الي يبي يروح الحمام اوديه فوق طبعا ماكو كهربا كنا نمشي على ضو الشموع

اذكر لما رحت ماقدر اسوي شي من الخرعه من اصوات التفجير كل شي بالقطاره

ياربي مالي خلق اكمل بس خلاص هالموضوع ما اسكت اذا فتحته مشكوره اختي

 

[حناينq8]

ياربي والله عوار قلب

الحمدلله صامدين وقتها كنت صغيره كان عمري 5 سنوات شهر 11 سنة 90 دخلت 6 سنوات

بس اذكر كل شي اكثر من اسمي كنت اشوف وافهم سبحان الله الغزو وقتها كبر عقولنا خلانا نفهم الي يصير حوالينا

صج مرات نمارس طفولتنا كنت العب مع اليهال في بيت يدي بالسرداب ومرات نلعب بالسكه عند باب البيت

بس بعد احياناً وقت الانفجارات والرمي نفهم انه غزو

شقول لج بس والله في كلام وايد يعور القلب مابي اقوله مرينا في مواقف الله لا يعودها ابسطها بقول لج شي واعذروني على الجرأه

والله السرداب ما كان فيه حمام وانتوا بكرامه كان ما عندنا الا ريال واحد خال ابوي اما ابوي وعمامي كانوا بالمقاومه مانشوفهم وايد

كان خال ابوي يجمع اليهال يقول لنا يلا الي يبي يروح الحمام اوديه فوق طبعا ماكو كهربا كنا نمشي على ضو الشموع

اذكر لما رحت ماقدر اسوي شي من الخرعه من اصوات التفجير كل شي بالقطاره

ياربي مالي خلق اكمل بس خلاص هالموضوع ما اسكت اذا فتحته مشكوره اختي

يقلبي مع انج كنتي صغيره وايد بس شوفي شلون مأثر فيج هالغزو
حسبي الله عليهم
ومشكوره حبيبتي على المشاركه

 

[حناينq8]

رفع - ما بقى شي على الذكرى السنويه الاليمه 2/8
الله لا يعودها من ايام ويحفظ ديرتنا من كل مكروه

 

[الجــادل]

رد : وين كنتي وقت الغزو ...صامده والا بره الديره ؟؟

كنت بلندن مسافره من قبل الازمه

وكنت بـثانيه ابتدائي

والوجووووم على وجوه الكويتيين باجواروود والهايد بارك يخرررررررررررع

اذكره جنه امس

الله لا يعود الشر

 

[الاسطورة]

كنت صامده
ولو يرد في الزم هم اصمد
ياربي احبها احبها
لاتلوموني
اعشق ترابها

وكان عمري حول 13 سنه

 

[SanYorTa]

انا مواليد الغزو شهر 12
بس أهلي كانو صامدون
الله لا يعودها من اياام

 

[marimor]

كنت مو مولوده
والله لو كنت مولوده جان متتت من القهر
بس اهلي كلهمم كانواا صاااااامدين لي تحرير الكويت
وخذوا يدي وخوالي بعدين ردوهم عقب التحرير >>>> الحمدالله
والله لايعود هاللايام انشالله
ويحفظ ديرتنا الكويت من كل شر قولوا امييييين

 

[ام خالد الغلا]

كنت صامدة انا وزوجى وعيالى صغار وشفنا ايام سودةبس الحمداللة عدت علىخير واللة يحفظ ديرتنا من كل مكروه

 

[stop ana top™]

ما كنت مولوده بالغزو....
الله يحفظ الكويت و شعبها من كل مكرووه
و اخليلنا بلدنا الحبيبه ... و يحفظها من كل شر
و انشاء الله تكون دايما بسعااده و سلاام