وين كنتي وقت الغزو ...صامده والا بره الديره ؟؟

[miss-sponga]

كان عمري سنه ومااذكر شي

بس كنا صامدين وماطلعنا

 

[توته وااااااااو]

والله اذا تبين الصرااااااحه
































































































ما انولدت وامي وابوي كانوا مسافرين لسويسرا حدهم كانوا فاااااااااااااااااااااضيييييييييييييين

 

[غلاتي ♥ الكويت]

انا كان عمري بالشهور كنت صغيرة ما شفت شي
بس كنا صامدين

 

[نورة على]

كان عمرى 10 سنين
وكنا فى مصر من شهر 7 والمفروض نرجع 10 -8
وقعدنا الى التحرير بمصر
ايام الله لا يعودها
الغربة مره

 

[CoCoa Pr!nceSS]

احنا ماكنا صامدين رحنا السعودية كان عمري 6 سنوات

واذكر طلعنا من طريج بري لان الطريج مسكر بالدبابات والعراقيين وكنا من كثر غبار زحمة السيارات

في البر مانشوف الا ليتات السيارة اللي جدامنا ونلحقها واذكر الكمامات وانذار التلفزيون اذا صار خطر الشاشة تصير حمرا

واذكر بوليانا رسوم متحركة كنت اتابعها هههههههههههههه صج فاضية



بس ايام تنذكر ماتنعاد

 

[om reem 86]

انا كنت صامده

 

[حناينq8]

حبيباتي يعطيكم العافيه وكل الشكر على المرور والمشاركه

 

[-:|Fdaitney|:-]

احنا كنا صامدين
وكان عمري 5 سنين
اذكر بالغزو طحت وانبط راسي
وودوني المستشفى العراقيين ما رضو يخلوني ادش
على بالهم رصاصة
وبالاخير شباب المقاومة ما قصرو دخلوني وخيطو راسي مادري جم غرزة

 

[a3andho0om]

كان عمري سنه صامده و كانو كل اهلي صامدين

 

[PinkY Dreams]

رحنا السعوديه الخبر ويزاهم الله خير السعودين وأهل الخبر بالذات عطونا فلوس والسكن في عماره ابلاش كل شي ابلااش

 

[mamanoonaa]

صــــــــــــــــــــامـــــــــــــــــــــــــــده
وكان عمري 16

 

[حناينq8]

-:|Fdaitney|:-
a3andho0om
PinkY Dreams
mamanoonaa


حياكم يقلبي وشكرا على المشاركه

 

[قلـــ طفلة ـــب]

انآ وأهلي سافرنآ للسعودية
بس أبوي كان أسير وقت الغزو
يعني ابوي اللي كان صامد مو انا ككككك

 

[بلسم جروح]

احنا رحنا قطر
وماقصروا ماحسينا بغربه ابد

 

[قطرية 83]

الله لا يردها من ايام


اذا احنا متنا والله كانت ايام مره كنا عايشين بذعر وخوف

والله للحين اذكر بالشاشات صفارات الانذار وعقب تجي زال الخطر زال الخطر

كنت افرح اذا زال الخطر

والله والا كل شوي سكرناا الليتات يجينا امر باغلاقها وطيارات وازعاج والله يكرهه صاروخ صدام ضرب منطقة عندنا في قطر

والله شي مؤلم جداً فاجعه كانت بالنسبة للخليج هذي حرب الخليج مو حرب الكويت بروحها

والله واذكر ماتم شي مالصقناه وسديناه المكيفات و الفتحات المراوح وكل شي

ههههههههه واذكر سالفة التموين اللي صارت ! لما قالولنا يالله اشتروا اكل وخزنوه بالبيت ولا تطلعون

والله والله ايام مره هذا واحنا في قطر شلون انتوا !!!

عسى كل ايامكم سعيدة و يحفظ الخليج والكويت اللهم امين

 

[حناينq8]

قلب طفله
بلسم جروح

كل الشكر حبيباتي على المشاركه

قطريه83

اسعدني مرورج ومشاركتج بالموضوع واللي جرا علينا اكيد مس اهل الخليج كلهم ومن كل قلبي اقول انشالله ماتشوفون ربع اللي شفناه ديرتنا من رعب

وحياج الله يقلبي

 

[رونـق]

الله لا يرد هالايام

انا الحمدالله صامدة

واخوي مانعرف للحين اسير ولا شهيد
و خالي و يدي شهداء

 

[رفاعية19]

انا كان عمري سنة ونص يعني ما اذكر ولاااااااااااااااااااااا شي!!!

بس طبعا كنت احتمي بديرتي حبيبتي يعني ما طلعت من حبيبتي الكويت

 

[حلزونه]

احب المواضيع الي تتكلم عن الغزو
دايماا اسأل يدتي وعماتي وخالاتي عن الغزو وين كانو وشنو سوو

انا امي كانت حامل فيني بالغزو وكانت مسافره تركيا واهما هناك يالهم خبر من العراقين الي بتركيا فراحوو الدمام عند اهلنا وبعدين راحو جده وامي ماكانت تدري عن اهلها بس اهل ابوي صامدين بالكويت

واهما بجده عرفو من ناس ان اهل امي بمكه فراحوو مكه وقعدوو وولدتني هناك

تقول امي يوم ولدتني كانو توهم بادين بتحرير الكويت امريكا وبريطانيه ودول الخليج وكان القصف الجوي
فا بالمستشفى مغطين الدرايش بالكنابل لانه كانو خايفين من الصواريخ لي هل درجه حتى مكه ماسلمت من صواريخهم حسبي لله عليهم

وبعد التحرير بجم شهر رجعو الكويت

عاد اليوم الصبح قاعد اسولف مع امي عن الغزوو :eh_s(2):

الله لايعودها من ايام صج اني ماعشتها بس كثر مااسمع احسهاا ايام صعبه ومو حلوه

الله يحفظ الكويت واهلها :eh_s(21):

:e3:

 

[كيكه توفي]

كنت ابطن أمي لووول انولدت شهر 12 قبل التحرير بشهرين