وين كنتي وقت الغزو ...صامده والا بره الديره ؟؟

[البرق80]

احنا طلعنا خامس يوم من الغزو رحنا الرياض والله لايعودها من ايام

 

[الليدي ديانا]

ما كنت مولوده

يسلمو

 

[حناينq8]

مشكورين اللي بعدهم ما انولدوا بالغزو على المشاركه (الاسطوره , step up ، الليدي ديانا )

بسكوت مفتت تسلمين على مشاركتج يقلبي

 

[انا قلبي دليلي]

صااااااااااااااااامدة للنهاية وكان عمري 3 سنين وشي و اتذكر بليلة الغزو امي قعدتنا من النوم انا واخواني الاثنين وعلى طول ركبتنا السيارة وطرنا لبيت يدي الله يرحمه لان ابوي كان بالتجنيد واهو الي اتصل على امي وقال لها ان العراق غزت الكويت
وسبحان الله ترى في ايام بالغزو ليلحيني اذكرها عدل مع اني كنت حدي صغيرة وبيوم تحرير صار اطلاق نار من العراقيين الكلاب عزكم الله وخالتي الله يهداها قامت اطل من الدريشة تبي تشوف شصاير لان تدرون يوم ينسحبون الارض قامت تهتز بس الحمدلله ما حاشوها بس حاشو الجام وكسروه حسبي الله عليهم
بس صج شي يقهر شلون وزارة التربية ما اتدرس عيالنا عن الغزو تصدقون ولد خالتي عمره 9 سنين ولا يدري عن الغزو
ويبطون جبدي الي يقولون لازم ننسى
شلون ننسى الي غدرو فينا بعد ما ساعدناهم
شلون ننسى الشهداء والاسرى والمفقودين
شلون ننسى اعظم جريمة في التاريخ (ابار النفط الي حرقوها)
شلون ننسى 5700 كويتي تعرض للتعذيب

 

[يا بري حالي]

مـآ كـنـت مـولـوده

 

[الصعيريه]

صــامده
ووقتها كان عمري 4 سنين ..

 

[عيا زماني]

كان عمررري سنتين وطلعنا للسعوديه ..

الله يبعد كل شر عن كوويتنا والله مامثلهااا بلد ..

 

[غموض q8]

كان عمري 7 سنين ومرت ذيك الايام مثل الكابوس


طبعا كنت بحضن امي الكويت


الله لا يعودها من ايام حسيبي الله ونعم الوكيل

 

[أم حمد =)]

كنا بالكويت ما طلعنا ..

و ماتذكر شنو صار بالضبط كان عمري سنتين ..

 

[توته وااااااااو]

والله وقتها كان عمري سنه بس اشوى كنا مو بالكويت كنا مصيفيين بامريكا وكان ابوي عنده شغل بس امي العوده وخالاتي صمدوا

 

[عيال الكويت]

مو مولودة

 

[سمرة كويتية]

الله موضوع رجعني لذكريات لايمكن انساها ... بالغزو كنت صامدة وكنت بصباح الناصر ...

اتذكر جيراننا اللي كنا ما نكلمهم ردت علاقتنا فيهم وكانوا يوزعون علينا الأكل ويسئلون عنا

وكنا ناكل بصورة غير طبيعية لدرجة ان المرحوم ابوي كان يصك على الأكل مو بخل بس خايف ما نلاقي اكل باليام الجاية ...

ومن شوقي للككاو كليت كاو منتهية صلاحيه من 3 سنين ....

لي الحين اتذكر ايام الغزو وكانها حلم .. صج ايام صعبة بس فيها اكتسبت عادة القراءة بنهم ... لأن ماكان عندنا كهرباء للتلفزيون ...

الله لا يعيدها من ايام

 

[dnyay_mll]

صــــامـــده

كان عمـري وقتـها 6 سنيـن

واذكـر لي الحيـن كل شي صار بالغزو

الله لا يعودهـا من ايـام

 

[@جورية@]

طبعا طبعا طبعا
صاااااامدة:yaaaaaarb:

 

[سنعة وحبوبة]

صمدنا كم يوم بعدين طلعنا

أسوء شي الغربه ومن ديره لديره

الله يرحم حالنا ولايعيد الشر

الحمد لله على كل حال

 

[فـــخـــر]

بوقت الغزو امي وابوي ماتزوجوا ليلحين

 

[zahoooora]

كان عمري سنتين وكنا بالكويت بس ما اذكر ولا شي
الله يحفظ كويتنا
د

 

[حنان الكويتيه]

الله لايعودها من ايام
كنت صغنونه عمري وقتها 8 سنوات واتذكر اشياء كثيره
ركبنا السياراه قال بابا خلونا نروح لسعوديه وقالت امي خلاص افضل شئ نروح السعوديه وهناك عيال الخير ماراح يقصرون معنا
طلعنا على الطريق السريع والدباباات مسكرين الطريج وطلع ابوي من طريج بري مع ريال ثانى
إلين دشينا حدود السعوديه وشفنا حرس الحدود السعودي وشافونا كويتين واخذونا إلى الخفجي قالوا لنا لأن هنى المكان خطر عليكم
وجلسنا يوم في الخفجي وبعدها رحنا الدمام لأن بابا عنده رفيج سعودي ساكن بالدمام يسميه بو تركي
رحنا له وطقينا الباب وفتح لنا ولد صغير نفس عمري جذي اتوقع قال له بابا ابوك موجود قال اي قال له ناده
وطلع بوتركي وسلم على ابوي وقال تفضلوا وسكنا في بيته وماقصر معنا بكل شئ
هو مع زوجته وعياله كلهم البنات والأولاد وجلسنا بالسعوديه عند بوتركي إلى تحرير الكويت
وفي يوم تحرير الكويت سوى بوتركي حفله كبيره في مزرعته لنا وللكويتين اللى كانوا بالدمام بمناسبه تحرير الكويت
ورحنا للكويت وبسرعه وكانت الفرحه ماتوصف هذا كل اللى اتذكره
والله يحفظ لنا ديرتنا من كل شر يارب.

 

[Zezoshty]

الله لايعيدها أيام سودة

كنا مسافرين في إجازة الصيف من شهر 7 وسمعنا خبر الغزو بالاخبار يوم الخميس الأسود 2-8

وتخيلوا احساسنا :eh_s(2):

 

[مخدوشة الوريد]

كنت صغيره بالغزووو .. بس للحين اذكر كل شي ..
بصمه بالقلب ماتغيب ابد .. قعدنا اول 5 ايام بس بعدين طلعنااا


الله لايعيدها من ايام