وين كنتي وقت الغزو ...صامده والا بره الديره ؟؟

[حناينq8]

صاااااااااااامدة للنهاية وكان عمري 8 سنين واتذكر ليلة 1-8-90 زوج خالتي كان بالتجنيد اتصل على خالتي وقالها ان العراقيين راح يغزون الكويت وان قاعد يشوفهم من بعيد عاد احنا سألنا والكل طمنا وقالو لنا لا تخافون ما كو شي انشاالله
اتذكر اني قعدت الصبح على صوت الضرب ورحت صالة بيتنا وشفت امي واختي قاعدين يبجون وقالولي ان العراق غزت الكويت وابوي قال لنا يلا تزهبو بنروح السعودية بس امي ما رضت وحلفت انها ما راح تطلع من الكويت وقالت روح انت واخذ بناتك معاك بس اختي الكبيرة ما رضت وضليت انا معاهم وابوي طلع من الكويت مع عماتي راحو السعودية
عاد ثاني يوم رحنا بيت يدتي وقعدنا هناك والعصر رحنا نشتري خبز انا وامي ويدتي وخالي ويدتي الله يهداها قامت اتطول لسانها عالعراقيين لان طلبو هوياتنا ويدتي قالت له بديرتنا وتطلب هويتنا انت الغريب الي تحمل هوية مو احنا ولا يعصب العراقي وقالها اذا ما تحجيتي عدل بأسر ولدج الي اهو خالي عاد يدتي اسكتت
وهم بعد ثالث يوم غزو كنت مع خالتي بالسيارة ولا نوقف بالجسر على شان التفتيش ولا العراقي يقول حق خالتي شفتي جابر اخذ كل الاكل الي بالجمعية وانحاش ولا تقوله انتو الي بقتو الاكل يالبواوقه ولا يصرخ عليها بصرخة والا ابجي عاد يوم شافني ابجي قال حق خالتي انا راح اخليج تمشين عشان الياهل الي معاج والحمدلله طوفنا
وفي بعد يوم من ايام الغزو لو شيصير ما راح انساه ولد جيران يدتي صادوه وهو يكتب عالطوف وشفت بعيني شلون يروه مثل الخروف و طقوه طق الي دمامينا غرقت الارض وهم بعد ما انسى يوم اشوف العراقيين يأسرون بعض الشباب الي بالشارع وهم بعد من المواقف الي ما انساها يوم شفت امي و يدتي بيطلعون مع المظاهرات وقلت حق نفسي خلاص ما راح اشوف امي مرة ثانية وكنت قاعد ابجي بجي بس الحمدلله خالي ما رضا انهم يطلعون مع المظاهرات
بس بصراحة في ايام بالغزو حلوه منها الايام الي كبرنا فوق السطح وايام القصف الجوي(تكفووووون لا تفهموني غلط) وبصراحة احلى يوم بحياتي اهو يوم التحرير

حياج الله اختي - بالغزو كان في ايام حلوه وهو الايام اللي شفنا فيها الكويتيين شلون صاروا ايد وحده
وعسى الله يحفظ لنا الكويت

 

[^q8ia^]

اي والله كنت صامدة

ايام سوده الله لا يعودها

والله يحفظ الكويت من كل مكروه

قولوا امين

 

[بـ البدور ـدر]

صامدين
ولا جدام بيتنا معسكر
ما اذكر شي كنت صغيره
بس اذكر الدبابات لما يدخلون المدرسة
واذكر امي تعصب على اذا بطلت الدريشه وطليت

 

[جولينار]

انا كنت بالرياض واذكر كنا ننام بالمخزن ): انا وامي واخوي الكبير

وعلى طول الرادو شغال واذا اشتغلت صفارات الانذار رحنا تحت الدرج واذكر شرينا كمامات وامي حطت لزقات على الدرايش ):

ومدرسة اخوي هدموها ):

كان عمري خمس سنين واذكر كل هالتفاصيل ,,

عم امي كويتي جا للسعووديه وهو واهله ويقولون شاافو الويل على ماطلو من الحدود ,, وهو اغلب ذريته بنات ):

واذكر جدتي استقبلت عايله كويتيه مانعرفهم بس جو عندها فترة الغزو وراحو عقبها ):

العراق شعب شقاق ونفاق من ايام العصر الحجري ):

اسفه ياشعب العراق مو كلكم بس الأغلبيه ):

 

[أم أحلى البنات.]

طلعنا من الكويت ورحنا السعودية...
و اذكر ان ضيعنا عمامي وغرزنا عند خزان نفط ,,, والله مادري وين كنا بالضبط؟؟؟ كان عمري 10 سنين ...
وجتنا دبابة كنها تركض ياعلهم الماحي :ada:...ويالله طلعونا وخلوتا نمشي .. بس اللي اذكر ان طلعتنا كانت معاناة الله لا يعودها ...
وسكنا بالشرقية بالقطيف تحديدا...
كنا بنروح الامارات بس حسافة مادري شاللي غير راي الشياب بآخر لحظة ...:0bee2e8d89:
وبس

 

[سـارهـ]

انا ما كنت مولوده بس لاقفه داخله
ههههههههههههه
بس الحمدلله والشكر رجعت الكويت لنا واحسن بعد http://www.shbab1.com/2minutes.htm

 

[جولينار]

تنبيه:

اي اساءة لشعب وحكومة الكويت مخالفة لقوانين المنتدى يرجى الالتزام واحترام المنتدى

 

[حناينq8]

اي والله كنت صامدة

ايام سوده الله لا يعودها

والله يحفظ الكويت من كل مكروه

قولوا امين

آآمين ومشكوره على مرورج يقلبي

 

[حناينq8]

صامدين
ولا جدام بيتنا معسكر
ما اذكر شي كنت صغيره
بس اذكر الدبابات لما يدخلون المدرسة
واذكر امي تعصب على اذا بطلت الدريشه وطليت

اي والله انحكرنا بالبيت حتى الدرايش ممنوع نطل منها

ومشكووره يقلبي

 

[حناينq8]

انا كنت بالرياض واذكر كنا ننام بالمخزن ): انا وامي واخوي الكبير

وعلى طول الرادو شغال واذا اشتغلت صفارات الانذار رحنا تحت الدرج واذكر شرينا كمامات وامي حطت لزقات على الدرايش ):

ومدرسة اخوي هدموها ):

كان عمري خمس سنين واذكر كل هالتفاصيل ,,

عم امي كويتي جا للسعووديه وهو واهله ويقولون شاافو الويل على ماطلو من الحدود ,, وهو اغلب ذريته بنات ):

واذكر جدتي استقبلت عايله كويتيه مانعرفهم بس جو عندها فترة الغزو وراحو عقبها ):

العراق شعب شقاق ونفاق من ايام العصر الحجري ):

اسفه ياشعب العراق مو كلكم بس الأغلبيه ):

ماقصرتوا يا اهل السعوديه
حكومه وشعب

اطيب تحياتي لكم

 

[حناينq8]

طلعنا من الكويت ورحنا السعودية...
و اذكر ان ضيعنا عمامي وغرزنا عند خزان نفط ,,, والله مادري وين كنا بالضبط؟؟؟ كان عمري 10 سنين ...
وجتنا دبابة كنها تركض ياعلهم الماحي :ada:...ويالله طلعونا وخلوتا نمشي .. بس اللي اذكر ان طلعتنا كانت معاناة الله لا يعودها ...
وسكنا بالشرقية بالقطيف تحديدا...
كنا بنروح الامارات بس حسافة مادري شاللي غير راي الشياب بآخر لحظة ...:0bee2e8d89:
وبس

مشكوره على مشاركتج حبيبتي

 

[حناينq8]

انا ما كنت مولوده بس لاقفه داخله
ههههههههههههه
بس الحمدلله والشكر رجعت الكويت لنا واحسن بعد http://www.shbab1.com/2minutes.htm

حياج الله يقلبي

 

[!! غزل !!]

الله لايرد ايام الغزو ويحفظ الكويت ...
انا كنت صغيره كان عمري سنتين قعدنا جم يوم بعدين طلعنا كلنا خوالي وعمامي رحنا السعوديه..

 

[PinKiSHo]

كنا صامدين بالكويت
وااي ياحبي لهالمواضيع صج ان وقت الغزو كان عمري بالأشهر وما اذكر شي بس شكثر تمنيت لو كنت اكبر شوي وافهم بهالفترة

ودي اشوف شنو صار وشلون الناس عاشوا كل ما احد يتكلم عن الغزو اقعد اسمع ابي اعرف اكثر الله لايعيد هالأيام السوده

وبيوم الغزو كان الفير وانا كنت قاعده ابجيي قعدت امي من النوم واهي ماتدري شفيني ابجي وطلت من الدريشه حست في شي غريب صوت طيارات وقعدت ابوي من النوم تقوله قوم في شي يقولها ماكو شي نامي انتي وبنتج اذيتوني لووول بعدين عرفوا ان صار الغزوو

 

[حناينq8]

الله لايرد ايام الغزو ويحفظ الكويت ...
انا كنت صغيره كان عمري سنتين قعدنا جم يوم بعدين طلعنا كلنا خوالي وعمامي رحنا السعوديه..

حياج الله يقلبي

 

[حناينq8]

كنا صامدين بالكويت
وااي ياحبي لهالمواضيع صج ان وقت الغزو كان عمري بالأشهر وما اذكر شي بس شكثر تمنيت لو كنت اكبر شوي وافهم بهالفترة

ودي اشوف شنو صار وشلون الناس عاشوا كل ما احد يتكلم عن الغزو اقعد اسمع ابي اعرف اكثر الله لايعيد هالأيام السوده

وبيوم الغزو كان الفير وانا كنت قاعده ابجيي قعدت امي من النوم واهي ماتدري شفيني ابجي وطلت من الدريشه حست في شي غريب صوت طيارات وقعدت ابوي من النوم تقوله قوم في شي يقولها ماكو شي نامي انتي وبنتج اذيتوني لووول بعدين عرفوا ان صار الغزوو

سبحان الله
حتى الياهل مارضا فيهم

يقلبي مشكوره على مرورج الغالي

 

[الفراشة_البيضاء]

كنا صامدين هههههههههه يدي ويدتي (الحين توفوا الله يرحمهم) و عمي وعياله قعدوا عندنا
كان عمري 9 سنين بس ساحره اذكر كل شي عدل خخخخخخخخخ و اذكر كلينا تونه لما قلنا بس ههههههههه
الله لايرد ذيك الايام

 

[رشيديه كووول]

الله لايعيد الشرررر

انا صامدة

انا كان عمري 6 سنين بس اذكر كل شي , لا اكل لا ماي لا كهربا صج كان عذاب لدرجة مرت علينا ايام ناكل خبز معفن من الجوع الديرة

مافيهااااااااا اكل نهائيآ , ولي يبي يسبح فينا نغلي جدر ماي علي الجوله ونسبح كانت صج صج معانات .

 

[حناينq8]

كنا صامدين هههههههههه يدي ويدتي (الحين توفوا الله يرحمهم) و عمي وعياله قعدوا عندنا
كان عمري 9 سنين بس ساحره اذكر كل شي عدل خخخخخخخخخ و اذكر كلينا تونه لما قلنا بس ههههههههه
الله لايرد ذيك الايام

لووووووووووووول يحليلج يالفراشه

التونه وكل المعلبات قام سوقهم بالغزو

ومشكوره على المرور يقلبي

 

[حناينq8]

الله لايعيد الشرررر

انا صامدة

انا كان عمري 6 سنين بس اذكر كل شي , لا اكل لا ماي لا كهربا صج كان عذاب لدرجة مرت علينا ايام ناكل خبز معفن من الجوع الديرة

مافيهااااااااا اكل نهائيآ , ولي يبي يسبح فينا نغلي جدر ماي علي الجوله ونسبح كانت صج صج معانات .

الله لا يعيدها من ايام

وكل الشكر على مشاركتج حبيبتي