وين كنتي وقت العاصفه الرملية/شاركونا

[honey lust]

كنت بالبيت الحمدالله مع اهلي

 

[kuwait_queen82]

كنت في سابع نومه

 

[شيوختي]

انا وامي وخواتي وخالاتي وخوالي كنا بالجاخووووور وجتنا العاصفه وشفناها من بعيييييد وتخرعنا عبالنا يوم القياااااامه قعدنا انصلي ونستغفر بس كااااااااااااان يوووووووووووم مررررررررررررعببببببببببببب

 

[الغلاااااااكله]

الحمدلله ع سلامة الجميع

بصراحه مت خووف ..خالتي كانت عندنا واصرت تروح بيتها قبل العتمه خافت على عيالها يوم طلعت وقفت بالطريج تقول ما اشوف شي بالمرهـ بس الحمدلله مشت شوي شوي لين وصلت ع خير

اما بيتنا انترس غبااااااااااار الله يهداهم كل شوي فاتحين الباب بيشوفون الجوووووووووو !!!

كلش ولا الخدامااات : يقولون مدام فيه بحر قريب؟؟؟؟؟؟؟؟؟؟؟؟؟ قلت اعووووووووذ بالله فال الله ولافالكم .. خايفين من الفيضانات

الله يحمينا ويبعد عنا الكوارث والفتن

لكن هذي عبرهـ للقلوب الساهيه عن ذكر ربها

 

[ToOoTi]

كنتت بالافنيو

طبعا الحريم صراخ ويبجون خرعوا اليهال اشدعوة



وصبي صغير حول ال15 سنة مسكين انصرع ماقدر يتنفس وشايلنه ربعه تخيلي قطت الفانيلة من كثر ما ضاق النفس عنده


امبيه غصتني العبرة عليه

ليمن الحين احاتيه لان شكله يكسر الخاطر وخبرج بالفضولين اللي عندنا التموا حوله والمسكين يلقاها من الغبار ولا من الناس اللي صكت عليه

والحمدلله على كل حال

 

[توته شيطونه]

كنا راحين قبلها الكوووت ويم البحر والجووو كااان حلو وبعدهااا طلعنا ولا بالبيت يا سبحان الله !!! شفنهااا فتحنا البيبان وشفنهااا

بس الله ستر رجعنا قبل كل شي يصير

 

[::كيك وعسل::]

:: في شقتي ::

 

[ޢޢޢإيمانޢޢޢะۣۨ>]

آنا والوالدة كنا بالسوق وتونا بنطلع منه
نشوف شي غريب بالسما
ما كنا متوقعين إنه غبار
سبحان الله شكله غريب كأنه دخان كثيف
والناس صابها حالة ذعر
ركبنا السيارة وخلال دقايق بسيطة تحول النهار إلى ليل وما قمنا نشوف الطريج وخفت على أمي وايد
ووقفنا على يمين الشارع ومشينا شوي شوي ووصلنا أقرب مجمع ونزلنا وبعدين الوالد الله يحفظه مر وخذانا
بس اللي شفناه بالطبيعة ما ينوصف واللي يشوفه بالتصوير ما يحس فيه كثر الواقع

والحمدلله على كل حال
الله يحفظنا ويحفظكم

​

 

[[--FMK--]]

كنا بالبيت وعندنا ضيوف وانحاشوا

كــــآآآك :krkrkr:

احنا كنا بالكوت و طلعنا منه عالساعة 6 ماااااا قمنا نشووف ولا شي بالشارع ! عاد شوي ولا نشوف لافتــه فندق السفيــر الحمدلله دشينا و صلينا و بغينا نحجز غرفة بس Fullllllll قعدنا بالمسيد لووووووول لان انطف مكان لا غبار ولا شي

ساعتين 3 ساعات و خلاص خف الجو و ردينا البيت وانا طبعا طووول الوقت مطلعة الكام و اصور

 

[Tutti-Frutti]

احلى شي انه العموم قاعد يصور << اانا من ضمنهم لوووول

احنا كنا بالبيت ونطرنا لين خف الغبار وسيده على بيت يدتي
وبث

 

[ReeM ^ Style]

بالبيت الصراحه
وانا اول وحده شفت الموقف كان رعب

 

[خليجية11]

جالسة اكلم عمتي بالتليفون

 

[SILVER ROSE]

كنت بصلي واطلع بس الله ستر وتمينا بالبيت

 

[new woman]

كنت عند جمعية قرطبة مع عيالي رايحة الزواره عند أختي الحبيبة قصب وصلت وما طلعت إلأ لما خفت علا الساعة 11بالليل

 

[silver cat]

انا كنت بمكة المكرمة وعيالي بالكويت بس ما دريت عنها الا اليوم الثاني اشوا عشان ما احاتي

 

[سنجوبه]

وااااااااااي اللي صار شي ايخرع .... جنه فلم والله سبحان الله بس اشوه كنا بالبيت كلنا وحمدلله على سلامتكم :eh_s(17):

 

[كيكه توفي]

زواره

 

[westlife2219]

بكلكم شي الغبار الي شفتوة هذا يتكرر صارلة 7 سنين بل عراق والي ساكنين بغداد يعانون منة كل فترة والثانية وطاحتهم عاصفة رملية الله يستر بس

 

[شـمـوخ آنـثـى]

كنت ببيت خوالي بجنوب السره...

بس الحمد الله عدت ع خير

والله لايعوودها انشاءالله...

 

[عاشقة_الجمال]

كنت في بيتنا والحمدلله عدت على خير