وين كنتي وقت العاصفه الرملية/شاركونا

[أم عمر]

السلام عليكم

الحمدلله على السلامه للجميع ولكويتنا الحبيبه

كل وحده تقول لنا وين كانت وقت العاصفه وشنو الاحتياطات اللي اخذتوها



انا ببدى :

كنت بالبيت دخلت عيالي فيهم ربوا بغرفه وحطيت تحت الباب فوطه فيها مااي وبنت خالتي بالسوق مع اليهال وقفت بالطريج غصب بعد انعدام الرؤيه
وزوجي مسكين كان بالبر قعد بالسيارهـ مع ربعه يقول اندفنا من الرمل ) بس الحمدلله ماتحركوا من مكانهم لين خفت العاصفه


يالله كل وحده تقول لنا وين كانت

 

[أم عمر]

اب


!

 

[meera15]

الحمدلله كنت بالبيت وعندنا زوارة وحبست نفسي بغرفة مسكره
وصكيت اذني عن الاشاعات والاخبار السيئه
صليت ركعتين ولعبت جيمز

وصارت الساعه 12 نمت وصبحت الصبح كل شي انتهي

وحمدت ربي :yaaaaaarb:

 

[أنفاسي دخون]

كنت في بيت اهلي زوارة الجمعه والوالده ما قصرت كفت ووفت لا خلا ولا عدم

 

[one two 3]

كنا بالسطح نصور @@

 

[كرز حالي.]

كنت ناااويه اروح السووووق الساعه 6 جان اتي العاصفه الساعه 5 ونص
سمعت انها يت لمناطق ثانيه جان اصععععد فوق السطح واشوفها ياااااااااايه من بعيد كثيييييفه تخرعنا
والحمدللهعلى كل حال

 

[{هتًان}]

بالبيت



اللهم لك الحمد

 

[لولوة الكويتية]

كنا بالبيت زوراه وصلتنا المسجات والواتس اب طلعنا الحوووش ولا السالفه صجيه دخلنا وقفلنه الابواب عشان ما يطلعون اليهال بس صج تصروعت منها الحمدلله عدت على خير وما سمعنا خسائر لا بالممتلكات ولا بالارواح الحمدلله من طيب الكويت واهلها

 

[كويتيه برونزيه]

الحمدلله على كل حال

انا كنت راده من الافنيوز والحمدلله لحقت ووصلت قبلها بدقااائق




عدت على خير الحمدلله

الله يحفظنا يارب

 

[دلوعه دجــه]

انا واختي ببيت خالتي
وعيالنا في بيت اهلي
والمسافه بين البيتين تقريبا ربع ساعه
ومن الخرعه وخايفه حدي على عيالي رغم ان امي مطمنتني عليهم
ركبت انا واختي السياره وكان المنظر يخوووووف بشكل عجيب
والشوارع فاضيه وكل السيارات صافطين يمين الا حنا >>قويه بالسياقه
وحركنا موترنا ورحنا لبيت اهلي بس كنا نحبي مانمشي ههههههههههههههههههههههههه

وعلى ماوصلنا كااانت قلوبنا طايحه ببطونا

ربج ستر

 

[na3oomi]

امي واختي كانو بالمول وو امي تقول اشوف الناس من بعيد عليهم زي الضباب

ههههه ياحبي لها امي ولما رجعو مع السايق تقول مانشوف السيارات اللي قدامنا مافيه معالم حتى المولات والعماير مو واضحين من الغبره

بعدين انا كنت بالبيت نايمه صحيت على ريحة الغبار انكتمت

كانت الاصوات حيل تخرع

الحمدلله عدت على خير

الحمدلله على سلامة الجميع

 

[بشوررة]

والله احنا كنا بالبر شي مو طبيعي سبحان الله شفناها من بعيد
شي اسود مو غبار شي يخرع ويخوف عفوك يارب
وع بالنا يوم القيامة ... الكل قاعد يبجي وكان يوم الجمعه يعني كل شي انتهى اللي يستغفر ويدعي ويصلي بالسيارة تمنا من 6-9 واحنا بالسيارات صج عشنا شي اول مره نشوفه هذا تنبية من رب العالمين وبالراديو يقولون الصبر الصبر يالله لحظات تخوف
كنا اتمنى الكل يعيش هل اللحظة ... عشان الناس اللي ماخذتها الدنيا تحس بهل اللحظة ماحد ينفع لا مال ولآبنون .. كل واحد يقول يانفسي يانفسي ... الحمدالله اللهم اغفرلنا وارحمنا .... الحمدالله الحمدالله الحمدالله الحمدالله

 

[(دنيتي)]

انا وامي وخواتي كنا رايحين نزور خالتي بمستشفى الاحمدي وتونا طالعين بنروح السوق

وفجاه انقلبت الجو قعدنا شوي بالسياره بس بعدين نزلنا المستشفى والحمدلله تعالجو خواتي اللي فيهم ربو

ومشى الحال ظلينا قاعدين لين خف الجو وردينا البيت بالسلامه واهم شي الاستغفار بهاللحظات والدعاء​

دنيتي

 

[عاالية]

كنا بالبيت وعندنا ضيوف وانحاشوا

 

[بنت شرق]

بالبيت ونايمه

 

[silver_q8]

بشقة اخوي الغبار كله دش بويهنا :eh_s(14):

 

[ĎєνiL.ĞιRL]

كنت بالبيت مجابله اللاب ..

ماسمع الا ابوي يقول شووووفوا شوووفوووا الجو بره ..

انا شفت الجو بره تصرقعت .. اخوي ويه مرته كانوا يايين يزورونه وكانوا بالطريج ..

امي حدها اخترعت عليهم بس اشوه كانوا قريب ووصلولنا بالسلامه ..

وبعدين عادي الوضع صار نسولف ونضحك ولا جنه اكو شي بره ..

 

[شوارفسكيه :$]

هلا ياقلبي
بصراحه كنت بالبيت وقاعدنا بغرفة وسكنا الدرايش والبيبان وكل شئ
وكنت ادعي كل شوي وكنت خايفه طبعا وبس هذا اللي صار

 

[المطيريه 1982]

والله كنت بسياره بروح اهلي ما توقعت عبالي دخان لحمد الله علي سلامة الجميع

 

[نفهمها صح]

والله كان الووضع عادي كنت مع عيالي بندخل المطعم ولاشي الجوو شحلاته ولدي الكبيير يدق يقوول
يمه في عاصفه ..وانا اقووله مافيه شي انا واقفه برا تكذب علي انت
المهم دخلنا المطعم الا دنيا صارت متنشاف
عادي طلبت وتعشيت انا وعيالي بس ولدي بعد عمري مقصر جاء من دمام للخبر
علشان ياخذنا لانه الي مودينا ولدي صغيير وخاف انه ميصررف نفسه
وصرنا نمشي شوي شووي ليين وصلنا بسلامه ولحمدالله بس كانت لليله​