وين كان شهر العسل (( دعوه للاستفاده ))

[هدوء المشاعر]

هلاوالله

خواتي حبيت اسالكم وين قضيتوا شهر العسل

وشنو احسن دوله تنصحونا فيها

وكل وحده تقول تجربتها بشهر العسل :eh_s(22):

 

[شمع تحترق]

و ناسه اول ملقوفه

حبيبتي انا ما رحت شهر عسل بس بنصحج بمكان و الله اللي ما شافه ما يتخيله

شفتي الكروت اللي عليهم صور طبيعه و ضباب و شغلات جذي انا بقولج وين و و الله سافرت دول اوربا و ما شفت طبيعه مثلها

ماني مطوله عليج

تايلند بس مو بانكوك لا حبيبتي روحي شنغ ماي او بوكيت و اذا ميزانيتج تسمح الثنتين تري و الله روعه و مناظر فضيعه و نظيفه لان الدوس عليها قليل و اذا عزمتي راسليني على الخاص بعطيج تفاصيل و اماكن سياحية و انشاء الله بتدعين لي

 

[رنين]

بصراحه أنا عقب ماشفت صور سفرة كيرلا -الهند و سوالف اللي راحوا عشقت ها الأرض.....

شي فظيييييييييييييييييييع ما عمري شفت ها الجمال و لا تخيلته.

وحده تقول أجروا مثل لنج -قارب ..المهم فندق عائم
مو فندق اهو بالأصح شقه عائمه بس من وصفها مرتبه و حلوه و الأهم السايق بعيد عنهم و منعزل....يعني قاعدين بها الفندق و يمشي فيهم بالنهر و أحلى مناظر الطبيعه حولهم....
الشي الوحيد اللي طفرهم البق...فلازم الواحد يحسب حسابه بالرحلات النهريه.



و الأحلى بكيرلا ان لي الحين ماداسوها العرب سياحه ها الكثر ...غالب منتجعاتها و فنادقها جديده و سياح أجانب.


يعني باختصار اذا من النوع اللي تبين سياحتج طبيعه ماكو على كييييييييييرلا.

 

[الجــادل]

انا بنظري اذا عروس مافي احلا من اوربا لشهر العسل

 

[هدوء المشاعر]

هلاوالله اختي شمع تايلند حلوه بس صارت موضه وراحت
رنين حلوه الهند بس مو حلوه لشهر العسل ههههه
الجادل شنو افضل بلد اوربي

 

[الجــادل]

شوفي لندن حلوه بس مو حق شهر عسل

وجنيف حلوه بس كئيبه


احلا شي فرنسا والنمسا

 

[هدوء المشاعر]

لندن ماحبها
جنيف وايد راحوا لها
فرنسا مااقدر لاني متنقبه وبسافر في نقابي
النمسا مارحت لها وابي معلومات عنها
مشكوووووووووووووووووووره الجادل

 

[supermarket]

زل ام سي


وانتي مغممممممضة لشهر العسل

 

[رنين]

هدوء المشاعر روحي منتدى العرب المسافرون و تصفحي الدول هناك يعطونج أفكار اكثر من هني....

و على ماقالت supermarketو زلمسي حلوه وايد مدحوها.,,,

و بالمره طلي بس طله عالتقرير المصور لمنتجعات و سياحه كيرلا.....

ما راااااح تصدقين.نظافه و جمال و فنادق راقيه انا طارت عيوني كل هذا بالهند!!
و أهم شي يمدحونه اللي راحوا هو اريحيه الشعب و قلة العرب
و سهولة انج تلاقين أكل حلال و لذيذ.

عموما بعد استخيري و انشالله يا رب تروحين المكان اللي ما تلاقين فيه الا السعاده و التوفيق و الراحه



و بارك الله لكم و بارك عليكما و جمع بينكما بخير

 

[dan]

النمسا وااااااااااااايد حلوه سوالف طبيعه و طلعات جبليه و طلعات بحريه قوارب وصيد
ألمانيا ميونخ سوووووووووووق

 

[dan]

النمسا وااااااااااااايد حلوه سوالف طبيعه و طلعات جبليه و طلعات بحريه قوارب وصيد
ألمانيا ميونخ سوووووووووووق

 

[ضحـاوي]

سوينا حفله صغيرونه وعقب يومين رحت شهر العسل

9 ايام باريس _ 7 ايام لندن _ 10 ايام القاهره

وبصراحه بالبدايه استانست وايد لكن مع نهاية اول اسبوع حسيت بملل

واشتقت لاهلي وايد و دايما افكر متى ارجع

انصحج لا تطولين بشهر العسل اكثر من 12 يوم ,,,,,,,,,,,,,,

 

[ام كرز]

زل ام سي


وانتي مغممممممضة لشهر العسل

:eh_s(15): انا رحت لها ثلاث مرات وما افكر اروح مكان غيره

اولا انا رحت لندن وجنيف وباريس وديزني واسبانيا..أله اوربا تقريبا معظم الدول بس مثل النمسا ماشفت

طبييييييييييييييييعه ساحره وخصوصا زلمسي وسالزبورج وعندج المانيا قارمش قريبه من زلمسي ساعتين او اقل وفيه رحلات يودونج حق فينيسيا 6 ساعات بالباص وبالسياره اكيد اقل بس اذا بتروحين فينيسيا لاتروحين الصيف مووووووووووووووووت بقعه وريحه الله لا يوريج بس حلوه وايد

انصحج حييل تروحين زلمسي وسالزبورج وكابرون كلهم بالنمسا وقراب من بعض كابرون عن زلمسي 5 او 10 دقايق وسالزبورج ساعتين ونص

بس سوق ماكو مو اللي تبين سالزبورج حلو سوقه ولاتنسين تروحين شارع التورست السياح كل شي تذكاري اهناك وبعدل خيل وعربانه وناسه

واي سؤال دزيلي ع الخاص اقول لج الاماكن بس معلومات جدا بسيطه
والله يهنيج يارب

 

[rawona]

انا عن نفسي شهر العسل كان في هاوااااااااي .. روعه قعدنا بجزيرتين كواي .. وماوي .. وكل وحده احلى من الثانيه بس شنو نااااااااااااااااار وايد غاليه فاللي تبي شهر عسل بحري .. يعني بحر ومناظر وهدوء تروح بوكيت وشانغ ماي في تايلند .. صراحة انا قبل اكره شرق اسيا بس لما رحت هالمكانين صج روعه ووناسه .. بس اذا انتي مو راعيه سباحه وغوص ماراح تستانسين .. فاوروبا وايد احسن لج وروحي فرنسا او زي الم سي ..او روحي ايطاليا .. بس مو تقعدين بمكان واحد .. روحي فنيسيا وفلورنسا وتوسكانا ومري بالاخير على ميلانو وروما ..
والله يوفقج انشالله ويتمم عليج :eh_s(15): ​

 

[lolo77]

الله صج شوقتونا بالسفر

انا رحت استراليا
رحنا بقروب
سنغافورة
سدني
ملبورن
جولد كوست
تايلند

وايد وايد استانسنا واكثر شي بجولد كووست عجيبه
صج عجيبه ودي اروح اودي اليهال خل يستانسون
بس للحين الميزانيه ما تسمح

زل ام سي
وايد سمعت الناس يمدحونها ودي اروح
بس حلاتها صج حق شهر العسل

 

[مريومه الكويتيه]

انا بخاطري اروح شهر العسل
سويسرا

 

[قمر ضاوي33]

انا قضيت شهر العسل بين ماليزيا حلوة وبوكيت روعة

 

[kankona]

انا رحت scotland شهر العسل
و لا تفكرين اتروحين شهر عسل غير اوروبا

 

[Q8tya_GirL]

انا شهر العسل رحت زلمسي وميونخ وفيينا وسالزبورج و سويسرا
والله كانت ايااااااااام عجيبه والجوو والطبيعه خيال في اوربا

 

[ياشايل الظبى]

شهر عسلى سنتين فى امريكا