وين رحتي اول يوم ملجه ؟؟؟؟ تعااااااالي استرجعي ذكرياتج

[Pinky -cat]

اب اب بنات نبي نسمع مواقفكم اكثر


متابعة عن بعد

 

[tolay]

ياحلاتها من ايام والله
انا رحت معاه طراد ببحر سوق شرق وبعدها تمشيتا بسوق شرق لان قبل هذا المجنع الونيس
واخر شي تعشينا بيتزاهت لان تاخر الوقت وهذا اللي فاتح يم بيتنا
ياحلاتها من ذكريات بس حسبي الله على من خرب بينا

الله يعوضج يارب

 

[tolay]

انا بيوم الملجة عقب ما رح الملاج قعدنا نتصور ولبسني خاتم حلو حيل ، واستانسنا وطلعنا بروحنا بسيارة واهلنا ورانا
ورحنا كلنا ميس الغانم ،و احنا بالطريج يسولف ويا اخوه يقوله انا ويا مرتي مستانس على الكلمة حيل مرتي لوووول
وانا يما يما قلبي يدق ولا اكلم اخوه واقوله اي ويا زوجي ويقولي اخوه ايوااااااااااا اقعد هههههه يضحك علينا


واي احلى ايام صج وناسة كانت الله يتمم علينا الفرحة ويوخر عنا العين ويكمل لللكل فرحتهم

ماشاءالله حاسه بالشعور حلووووو ان شي يديد عليكم مرتي ريلي

وهم حركه حلوه كلهم بمطعم تروحون

الله يهنيكم

 

[مـهـاآ]

يوووم الملججججججججه




















































كنت قاعده بالبيت مارحت مكان ههههههههههههههههههه

 

[عاشقة هواك]

انا عيل ملجت اول ما ردينا البيت ولا االاهل متيمعين طبعا زواج تقليدي بحت وعلى ما راحوا وخلصنا كان الساعة 12 ويوعانه ما اكلت شي ولا ياخذني عشان نتعشى وكل شي مسكر ما كان مفتوح غير البطريق الي على البحر وصار البطريق ذكرى زواجنا هههههههه

 

[tolay]

هههههههه حلووو المهم ذكرى حلوه البطريق ولا غيره

 

[خجل~]

ههههههههه حلوه مواقفكم ♥

الله يهنيكم







اما انا عن نفسي كنت انطرهم يملجون بسسسرعه عشآن
















الحق على امتحآن الانقلش كآن السآعه 6:30 اختباري < مصطفى لوووووووووول

بس رآح اقولكم إن شاء الله عن اول طلعه بالزواج بعد شهرين

 

[لوولوو_88]

انا عن نفسي فتره الخطبه كنت اكلم ريلي قريب الشهر لين الملجه

طبعا لمن طلعنا اهوا تكلم و قالي مبروك عليج انا ههههههههه

عادي كنت مستحيه شوي بس اهوا ساعدني بالغشمره و الضحك

وداني مطعم يم سلايدر قالو ابطل طول الليل يوم رحنا @@

ولا الوضع دوانيه هههه مصبناااااا و شباب يمكن واحد معاه اهله و ثاني بعد معاه زوجتاه و اعياله

و مشينا ههههه وين نروح تمشى و سوالف قال المطار قتله اوكي

قعدنا اب مطعم بيتزا اكسبرس .. و بدت محاوره بيني و بينه بالتثاوب

ههههههههههه والله يا بنات يتثاوب و انا وراه

هلكانين حفله و لويه و قعده مبجر حتى اكل ما اكلنا

يمكن ردينا 3 تقريبا

و دعواتكم لي عرسي اليمعه هههههه

و الله يوفق الجميع ♥

 

[زهرة التولب]

كانت احلى ايام عمري

ملجتي كانت الصبح عقب ماخلصنا الحفله والتصوير وداني مطعم ماكي الياباني في برج جاسم بعدين قطني بيتنا ومرني بليل ووداني بيت امه ووراني شقتي عقبها رحنا تعشينا بمطعم لينوتر كان حاجز كبيييه ولاا اروع ومزينها بالورد والشموع ومارديت البيت الا الفير

كانت احلى ايام اياام الملجه

الله يخليلي زوجي ويسخره لي

 

[tolay]

خجل


هههههههه حلوووه مصطفى بس خوش ذكرى مصطفى





لولو زهره التولب 0

موقفكم عجيب ويحسسني ان صج ملجه هههههعه

االه يوفقكم

لولو باجر عرسج الله يهنيج

 

[مؤمنه بربي]

وناااسه والله مواقفكم حلوة شوقتوني
يارب الله يرزقني بزوج صالح
وبعدها عاد اكتب لكم تجربتي وشصار معاي

 

[مشتاقه لعيونه ~]

يوم ملچتي كنت قاعدة على سريري اقرا رواية خايسة ، بس اجبر نفسي اكملها عشان متحسفة فلوسها هههههاي
وجاني اخوي عطاني ظرف وورقة فيها نصايح زوجية من المطوع اللي ملج لنا
قال مبروك ان شاءالله وراح .. حطيتهم يمي جني مادري وكملت الرواية السكة اللي بايدي ..
هذا من شهرين الحين ما باقي شي ع العرس
وما شفت وجه المعرس ليومكم .. هههههههه

ادعولي بالتوفيق ويطلع خوش واحد

 

[Miss305]

ولامكان

 

[عزوتي خمس صقور]

طموشه ادعولي اتزوج

 

[F6oom.f]

ونااسة الله يتمم عليكم ادعولي اتزوج الي احبه:eh_s(11):

 

[عروسة اكتوبر]

انا بملجتي ما طلعت ولا مكان قاعدة بالبيت

بس أول مكان طلعت معاه كان عيادة الاسنان ظرسي وارم ومو قادرة أبطل حلجي هههههههههههههههه وهذي كانت أول طلعة وآخرها لان احنا مو من عوايدنا نطلع قبل الزواج

وعرسي قريب دعواتكم لي

 

[tolay]

عروسة

هههههه خوش ذكرى طبيب أسنان

 

[نورة حسام 2]

رحنا المطعم تعشينا و رحنا السينما وبس

 

[مآيكبرني نك]

غريبة عآدآتكم ؟ كيف بعد تطلعؤن يؤم الملجة ؟

عندنآ عيب ، ماتطلع ويآه الآ عقب العرس =)

 

[tolay]

غريبة عآدآتكم ؟ كيف بعد تطلعؤن يؤم الملجة ؟

عندنآ عيب ، ماتطلع ويآه الآ عقب العرس =)

شالغريب بالموضوع !! صار زوجج حلالج !! انتو الغريب اللي تحرمون شي يحلله ربي

لا احنا الحمدلله موتفكيرنا جذي عادي اهم شي حلله ربي العيب بالشي الحرام موالحلال