وين تنصحوني اسوي عيدميلاد بنتي؟

[سيكولوجية]

السلام عليكم


بنات.هذا اول عيدميلاد لبنتي يعني بتكمل سنه

وبصراحه حابه احتفل فيه. مع ان امي تقول ماتفهم شي كافي كيكة


وانا بخاطري اسوي شي حق وافرحها وافرح فيها. خاصه اني يايبتها بعد علاج وتأخير

وين تنصحوني

كلمت بروي + ماجيك بلانيت+ ماكدونالز + كافيه هيلو كاتي

لحد الحين ك باكج احلى شي اقتنعت فيه ماجيك بلاني وماكدونالز

مشكله ماعندنا مساحه كبيره ابيتنا لان بيتنا نظام صالات استقبال
لو بسوي واعزم اهل ريلي وعيالهم حده لويه


لو بسوي بالبيت لازم يعني اسوي مرتين مره بيت اهلي ومره بيت اهل ابوها


احترت شنو تنصحوني :eh_s(2):

 

[opera]

كل عام واهيا بالف خير والله يبلغج فيها


بس بنتج بعدها صغيره ماراح تفهم ولا راح تتذكر انج سويتيلها عيد ميلاد

انا من رايي سوي كيكه يوم يمتعتكم وخلي اليهال يغنون لها وصوري وبس

لي كبرت وصارت بعمر الروضه وبدت تفهم سويلها عيد ميلاد كبير تعزم فيه رفيجاتها وتستانس

 

[مذهلة2013]

كل عام واهي بالف خير
رآي من رآي الاخت الي فوقي

 

[ام الحلوااات]

مــــايــجـــوز الاحـتــفال بــيـــوم الـمــيــلاد
اتـــركـــي هــاالــشـــي عــشــان ربــج يــبــارك لــج بـبـنـتــج
مــن تــركـ شـــيـئـآ للــــه عــووضـــه اللــه خــيــرآ مــنــــه

 

[# غنوجة بيبي #]

انا من رايي بالبيت افضل

تعلقين بالونات بالسقف و و تحطين سفره و كيكه و عصاير

و هدايا من بو ميه توزعينها عاليهال راح يستانسون

و حطي سماعات عاليه حطي اغاني عيد ميلاد


و كل عام و البنوته بالف خير

 

[أم حسوون]

السلام عليكم
مع أم الحلوات الله يجزاها خير ، وفعلا بنتج صغيرة حيل ، الله يخليها لج وتخاوينها .

 

[CuTe KuwaiTia]

بهالعمر ودي الزوارة كيكة معاج و احتفلي مع الاهل وصوروها ذكرى

وشوية بالونات وبس

توها صغيرة الله يحفظها لج