وين تقدمون طعام الضيافة اذا كان المعازيم رجال ونسوان ؟

[فكرة]

وين يقعدون ياكلون المعازيم اذا كانوا رجال ونسوان ؟
هل انتوا راضين عن تصميم بيتكم في وقت العزايم ؟
يعني النسوان ماينكشفون على الرجال .. وياخذون راحتهم ولا لأ ؟

تجاربكم وافكاركم .. وشكراً .

 

[أنفولة الأمورة]

احنا بيوتنا مقسومه رجال لها مدخل خاص والحريم بالمثل ومافي احد يشوف احد الا المحارم

 

[amani]

بيتي مقسم في الديوانيه كبيره وصاله في السرداب للرجال ونفس الشي عندي صاله للحريم والصاله الكبيره في السرداب للحريم ومداخلهم غير عن بعض

 

[فكرة]

احنا بيوتنا مقسومه رجال لها مدخل خاص والحريم بالمثل ومافي احد يشوف احد الا المحارم

تصميم جميل ومريح .. الله يهنيكم ..


اماني .. واضح ان بيتكم كبير .. والي بيته كبير مو مشكلة عندهم اكيد مكان تقديم الضيافة عليك بالبيوت الصغيرة تصير شوية تلبكات مع العزيمة لنسوان ورجال .. الله يهنيكم ويطول بعماركم ..

احنا بيتنا في طور التشطيب وهدمنا غرفة طعام الضيوف في الصالة علشان تكون اوسع وفعلاً صارت رائعة الجمال .. بس جلست افكر اذا عزمنا رجال مع نسوان .. الرجال بيقعدون لتناول الطعام في الصالة .. والصالة فيها فتحة كبيرة من المطبخ على الصالة .. والمطبخ مفتوح على غرفة طعامنا الي هي مكان تقديم ضيافة النسوان .. فكرنا انا وزوجي وقررنا ان نركب ستارة تتسكر اذا جاو الضيوف نسوان ورجال ..
شرايكم بهالطريقة .. مافيها سلبيات .. احيانا ً افكر واقول عسى مايجي احد من الاطفال ويفتح الستارة وينكشفون النسوان على الرجال !!

عندكم حل .. الي عنده حل لايبخل الله يعافيكم .. وشكراً .

 

[om.googi]

والله احنا قعدة الأهل مخلوطة رياييل وحريم بنات وشباب .. والبوفيه واحد بصالة الاستقبال ..

ما نهتم للتصميم كثر ما نهتم لجمعة الأهل
( شي أكيد بيت اليد لأنه بيت العايلة )

اذا جوابي غلط قوليلي ( اخاف ما فهمت سؤالج عدل ) !! ​

 

[البرنسيسه77]

لا طبعا اكيد مكان الرياجيل مفصول عن الحريم الرياجيل لهم ديوانيتين وحده كبيره للقعده والاستقبال والثانيه تكون للقعدات اليوميه والعشا اما الحريم يكونون داخل بالبيت بالصاله هم فيه صالتين وحده للاستقبال والثانيه للاكل واعتقد ان كل البيوت الكويتيه جذي
ام جوجي بغيت اسالج انتي تقولين المكان مختلط للعائله اوكي اذا كانوا الرياجيل مو من العائله من ربع عيالكم وين تعشونهم هم بالصاله

 

[om.googi]

ام جوجي بغيت اسالج انتي تقولين المكان مختلط للعائله اوكي اذا كانوا الرياجيل مو من العائله من ربع عيالكم وين تعشونهم هم بالصاله

اي نعم دام انهم معرفة بالأهل مانعتبرهم غرب .. بالعكس مثل اخوانه وأكثر

بس اذا ( ربع عيالنا ) برووحهم بالبيت ماكان في تجمع عائلي يتصرفووون من أي مطعم هههههه .. مثلا كانو بالدوانية يعني .. ​

 

[Patcholli]

الريايل بالدوانيه والحريم داخل البيت ^_^ وهم في صالتين داخل البيت اذا حابين يغيرون الرياييل يقعدون بالصاله الثانيه وكل وحده معزله عن الثانيه وبينهم ممر

 

[عين السيح]

ارحمينا يالبريطانيه
شنو عادي ام جوجو الله يهداك
طيب الاقارب ومو مشكله
بس رجاجيل غرب تقولين عادي
اذا عادي عند رجالكم ترى مو عادي عند الله
وهالشي محرم تعرفين شلون يعني حراااااام وراح تحاسبون على هالشي

الله يهديكم ان شالله نار جهنم مو سهله
الله يجيرنا منها