وين تفضلين السكن ؟

[كاتو_كويتيه]

انا افضل اسكن في بيت اهل زوجي عند حمولتي

وانا ساكنه عندهم .. وايد اريح

 

[أم حسون]

انا ساكنه مع اهل ريلي ومن اول ماتزوجت قتله بسكن ويا اهلك بصراحه مرتاحه اخر راحه وجنهم اهلي الحمدلله

 

[sweety_love2]

نا افضل إذا كانت خالتج حليوه ومو من النوع إلي يتدخل بخصوصياتج انتي وريل تكونين معاهم بس تكونين بشقه معزوله عشان تاخذين راحتج وهم ياخذون راحتهم
وإذا شوي فيهم موقه لا خليج بروحج احسن وتكونين ييتج لهم عزيزه وتروحين عزيزه
انا صارلي 5 سنين عند حمولتي وشقتي معاهم نفس البيت بس الطابق الثالث بالعكس واااااااااااايد مرتاحه معاهم واحس بونس شوي وخاصه عندي احد اسولف معا لاني ريلي دوامه صبح وعصر وانا ما اشتغل

 

[أنفاسي دخون]

برووحج وايد احسن

حتى لو اهل ريلج كانوا احسن ناس

لعدة اسباب:

الاستقلاليه

يتعود الريال على تحمل المسئووليه

التزامه ابيته ويحط في باله ان لازم ما يسهر وايد براا البيت لان زوجته بروحها ومامعاه احد

والابتعاد عن المشاكل وكل ما بعدتي صرتي عزيزه اكثر

وسألي مجرب ولا تسألين طبيب بهالناحيه

يسلمو على هالدرر كلام صحيح 100% وبروحش احسن واريح

 

[-Gucci Girl-]

أنا تزوجت و سكنت بروحي مع ان خالتي وايد زينة.. و هي هم طلبت من كل عيالها لمن يتزوجون يطلعون بشقق بروحهم

أنا أقول جذي وايد أحسن.. مهما تكون الخالة و العروس زينين أكيد بيصير بينهم شي مع الحياة اليومية.. فخليني أحب خالتي و خالتي تحبني من بعيد أحسن
هذا غير الاستقلالية و الراحة اللي بتحسينها و ان صج محد مشاركج بحياتج.. خاصة إني من النوع اللي ما يحب احد يعطي رايه في خصوصياتي او طريقة حياتي

بس إذا اضطريتي تقعدين مع اهل ريلج.. طلبي ان يكون معزول و مدخلج بروح

و ربي يوفقج

 

[سكووون]

انتحر لو اسكن معاهم ’’

انا اروح لهم ساعة يرتفع ضغطي من النقزات اللي يقطوها علي ’’ كيف اسكن معهم ؟؟؟!!! ​

 

[ЗтhВňŸ 'ЗМơơDk]

اول الزواج افضل مع اهله ..

وبعدين اسكني بروحج

 

[p_ian_o]

اذا الحمولة كانت وايد زينه
وفي مكان راهي ينسكن فيه أسكن عندهم

اهم شي راحة الباااااال

 

[فيافي]

اكيد بمملكتي بشقتي عشان اخذ راحتي وادلع على كيفي بس الحين الخدامه صاكه علي كل ما البس واكشخ طاحت خز فيني خخخ

 

[ودي بطفل احضنه]

هو الافضل ام يكون لج بيتج واستقلاليتج

انا عن نفسي ساكنه عند اهل ريلي

وحيل مو متأقلمه.....


ودي بسكن ألحالي ...

 

[الاحساس كله]

بروووووووووووووووووووحج

 

[miss_Ba6oOo6a]

بروحج سكن خااص بدون تفكييييير اريحلكم دامكم توكم متزوجين وتبون الخصوصيه

 

[ScarletteO'Hara]

جربت السكن مع حمولتي, بس للاسف صارت مشاكل مالها اول ولا تالي
الموضوع مو موضوع خصوصية
انا بسكني معاهم صارت مشاكل تنيجتها اني الحين صارلي سنتين قاطعة عنهم و ما افكر اني ارجع لهم ابد
يعني لو احنا استقلينا بعمرنا جان ما صار الي صار و حسافة ان علاقتي مع خالتي انقطعت بس كرامتي قبل كل شي

انا اقول حتى لو خالتج حليوة و طيوبة احسنلج السكن بروحج, و اذا ما تطبخين, ما اعتقد ان امج راح تخليج, و لا خالتج
و اذا خالتج زينة انتي ما تضمنين حمواتج و حموانج
فانا اايد السكن المستقل

 

[توت عنكبوت]

كل ودة لما ميزة

اذا سكنتي بروحج استقلالية وحرية بس ها طبخ ومسئولية

اذا سكنتي مع اهله وناسة الجمعه وتاكلين وتنامين على راحتج ما تحاتين ما طبخت الغدا

 

[علاية الامارات]

شوفي حبيبتي اذا هيه بروحها يعني زوجها متوفي ومحد عندها ف البيت اسكني وياها اجر وتتونسين وعامليها مثل امج وبركة ف البيت وباجر بداري عيالج وبتشوفهم اذا عندج مشوار اوشي ....اما اذا عندها بنات كبار شباب او كذا عايلة ف اليت فلا والف لا حتى لو زينين وطيبين باجر مع الوقت اليهال اهم الي يسووون مشاكل ....مع خوانه او خواته او عيالهم وبيتصدع راسج لانها مابتنتهي مشاكلهم حتى لو اني طيبة واهم طيبين لازم بتصير مشاكل وهذا عيب البيت المشترك لازم تكيفين نفسج مع الموجودين ومشاكلهم ...واستخري ربج والله يوفقج

 

[انسانة لااكثر]

انا افضل بروحج مهما كانوا زينين معاج الاحسن تعيشين بروحج لتفادى الحجى والكلام اللى ماله داعى حتى لو حلوين وطيبين هم بصير حجى


واتمنالج حيات سعيده ومستقره

معها حق بروحج وايد احسن

 

[om_3azoz]

في فرق الصراحه

انا جان زين اهل ريلي عندهم بيت قاعدين بشقه واهما مو وايد بس 2 صبيان واحد عمره 17 واحد 12 وحدي مينانه معاهم ومعنه انا عمري 18 جني اختهم انا الحين قاعده في بيت اهلي ماخذه شقه لان امي وابوي مسافرين علاج واخوي الكبير معاهم فمافي احد بالبيت بس اختي واخواني الصغار بس الحين اخوي رجع ناطرين امي اترد بالسلامه واولد انا عشان بنطلع شقه بروحنا

وبعض المرات ريلي يكوون دوام 3 تيام اقعد في بيتنا اتملل لان اخواني ينامون مبجر
فأروح انام بيت خالتي يصير مصخرره لوول طايحه طق في اخوان ريلي ونااسه يعني جنه بيتنا صار

ييعني انا اروح انام بس عشان ريلي يكون دوامه جم يوم واخواني ينامون امبجر عشان جذي

بس الحين اخر جم مره ريلي يكون دوام مارحت نمت احس انه مليت يعني مادري احس تعودت على فراشي وجذي
وحتى خالتي قالت حتى لو عندي بيت مااخليكم تسكنون لان مايصير لازم الوحده تاخذ راحتها شنو 24 ساعه تلبس حجابهاا والوحده تبي تتكشخ حق ريلها
وبعدين بيصير حجي حتى لو اهل الريل زينين يعني اذا مثلا المره ماتبي تتغدا نايمه راح يقولون اي نايمه ومادري شنو يعني راح تتقيد واذا قعدت في غرفتها مانزلت لهم يوم بس قالو اي والله مانزلت شكلها مو مرتاحه يعني في حجي لو بسيط بس يحز في الخاطر

وانتي اصلا شوفي شنو اللي انتي راح ترتااحينله سويه

 

[Pettita]

ابوي بعد قلبي فديته اذكر اول مانخطبت ياني جان يقولي بابا نصيحه من ابوج حبيبج شرطي عليه السكن بروحكم ، أولا تكونين معززه مكرمه و انتي ملكة البيت وثانيا تتجنبين أي مشادات بالكلام او مشاكل مستقبليه ممكن تحصل مع أي احد من أهله وثالثا تملكين أغلى شي بهالدنيا واهي الحريه الشخصيه يعني رفيجاتج و اهلج اييونج الوقت اللي تبينه (فديت كلامه الدرر)

بس يوم تناقشنا بالموضوع انا و خطيبي اللي اهو ريلي حاليا وداني بيتهم وخلاني اشوف شقتنا وصج ما جنه عايشين مع أهله ببيت واحد يعني مدخلنا بروح و شقتنا كبيره فيها كل شي والحمدالله ببيتهم محد له شغل بالثاني وقالي هالحل مؤقت لين نشتري بيت لانه ناوي ومخطط يشتري بيت ونرتاح طول العمر بدال ما نقعد نحاتي بيت المستقبل​

 

[bintq8]

السكن مع الحموله أريح وبعدين على طبيعة شغل الريال

 

[ebtsam957]

شوفي حبيبتي انا في ابدايه حبيت اسكن مع اهل زوجي بس الحين بعد كم سنه ودي اسكن بروحي مع العلم والله خالتي وايد تهبل وحمولتي ماشفت منهم الا كل خير بس ودي الحين استغل بروحي ومفكره انا وزوجي نطلع الحين