وين بنوصل مع اللغه الانجلزيه؟!!

[لفتة فرس]

لا فض فوك..

تأملي معي :
حفل سنوي في مدينة سعودية لأحدى الشركات الكبرى جدا ...جميع الحضور عرب وسعوديين..والوالد كان ضمن الحضور..
بدا الحفل الخطابي وانتهى بدون اي كملة عربية!

أمام طاولة الحساب في احدى المحلات:
المرأة تخاطب البائع بلغة انجليزية..ويرد عليها بنفس اللغة! وكلاهما عربيان للأسف!

في شركة مختصه في الرياض :
العقود والخطابات داخل الشركة بالغة الأنجليزية! ولا تكتب العربية بأي حال من الأحوال!

والمواقف لن تنتهي..


مع خالص احترامي ..من لا يتحدث بلغته الأم ويستخدمها في بلده وبين ابناء جنسه ..فهو عديم الثقة بانتماءه ..يعتريه احساس بالنقص والهوان ..ويحتاج إلى مزيد من الأعتزاز بلغة هي من اعظم اللغات وأشرفها !
لماذا يخجل البعض حينما لا يستطيع التحدث بالأنجليزية في مستشفى او محاضرة او مؤتمر! خاصة اذا ما كان في بلده!
اليس من الأجدر ان يتحدث بلغتنا من جاء إلى بلادنا!
ولماذا تقاس التحضر والمدنية في تعلم واستخدام الأنجليزية!

قلبي سيتوقف يوما لهذا السبب!

للاسف هذا اللي يحز بالخاطر

سعدت بمرورج واسلوبج الراقي

لا هنتي

 

[لفتة فرس]

صاجه

دايما اسأل نفسي هالسؤال

الدول الاوربيه بالتحديد تعتز بلغتها الالمان الفرنسيين بالذات لو تكلمينهم بالانجليزي مايردون عليج مو لانهم مايعرفون لا .. لانهم معتزين بلغتهم ومايبدلونها

فعلا هالنقطه نسيت اذكرها وبارك الله فيج وبالبنات اللي ذكروها

يسلمووو يا عسل

 

[لفتة فرس]

مانقدر ننكر انه اللغة الانجليزية مهمة ومحتاجينها بوقتنا هذا

بس انا ضد استخدام الانجليزية بموقف او وقت نقدر نستخدم لغتنا

يعني شفت مرات شكثر بالسوق وحده تدخل محل اللي يبيعون فيه فلبن يكلمونها عربي وترد عليهم انجليزي ويردون عربي وهي مصره تتكلم انجليزي

يمكن بعض الناس يحبون يتفلسفون او يستعرضون جدام الناس بالاماكن العامة يتكلمون انجليزي


انا ضد حتى المدارس الخاصة .. جيلنا هذا واحنا الأغلبية ماكانت بمدارس خاصة جذي شلون الجيل الجاي خريجين مدارس الإنجليزية

وأكثر شي يقهرني لما اشوف عيال صغار يعني بعمر طلبة مدارس بأماكن عامة الأم او الأبو يكلمونهم انجليزي والله وحده جدامي تكلم ولدها انجليزي رد عليها بكلمة عربية تقوله نو توووك ان انجليش

شنو هالتربية

فعلا شي يقهر وهالمواقف مرت علي وهي اللي خلتني اتطرق لكتابه الموضوع

اسعدني مرورج الكريم

 

[الصداقه]

لان اللغه الانجليزي هي سائده هالايام وصارت موضوه اذا ماتعرفين انجليزي انتي وين عايشه لازم نكون كول وننسى عاداتنا ولغتنا مااقول الا حسافه ع هالدنيا

 

[coralia]

صح عدل كلامج بس دايما اسال نفسى ليش العرب مايفتخرون بلغتهم مع انها بالاضافة انها لغتهم لغة القران وكثير من الناس تتمنى تتعلم لغتنا عشان بس تقرا القران . ماننكر اهمية اللغة الانجليزية وانها لغة العصر بس للاسف اللى اشوفه ان لغتنا حيل مهملينها ولا نحاول نقرا فيها ولا ادبها ولا فنونها للاسف... ندخل كلمات انجليزية اثناء حديثنا ونفتخر واللغة العربية غنية بالمفردات .

 

[blue lady]

صح كلامج المفروض نفتخر بلغتنا

 

[aṕriliå]

اي والله كلامج عدل

بفرنسا والمانيا لما نحاجيهم انجلش مااحد يرد عليج

 

[ودوده الحلوه]

اللغه الانجليزيه لغه العآآآلم...

 

[mriom]

لان الانجليزي لغه عالميه بكل الدول باحصائيه مره قاريه ان اللي يتكلمون باللغه الانجليزيه بالصين اكثر من اللي يتكلمون صيني يعني مو بس عندنا اهيا لغه مشتركه بكل العالم يبتي خدامه ولا سواق ما يعرفون شتسوين تطقطقين وياهم انجليش رحتي دول مثل فرنسا اغلب تعاملهم بالفرنسي لكن اذا بتتفاهمين وياهم شلون هم انجليش و اماكن الشغل وزارات ولا قطاعات خاصه و شركات اكيد يبون موظف يتكلم انجليزي عشان يقدر يتواصل ويا المراجعين و الجهات اللي تتعامل ويا الشركه ولا الوزاره و الانجليزي الحين بعد اللغه المعتمده بجامعه الكويت حق الشرح و التدريس و الامتحانات بالكليات العلميه و صج المواد العلميه اذا ييتي تدرسينها بالعربي تصير اصعب لان المصطلحات العلميه اذا اترجمت يصير جنا كلام هيروغليفي ما ينفهم منه شي

:eh_s(15):

 

[*جيفاريه كيوت*]

لي الفخر بلغتنا العربيه رحنا لندن وعلمت وحده من السسترات الكلام العربي بس للأسف ماقدرت تتكلمها بشكل صحيح كانت تتكلم كأنها معوقه وماتعرف تتكلم عدل قالت انتو احسن مننا انتو ملمين اكثر باللغات كفايه انكم تعرفون اصعب لغه بالعالم قالتلي انتو تملكون اصعب لغه بالعالم محد يقدر يتكلمها الا الي مولود بدوله عربيه عايش مع الناس ومتعايش معاهم وقالتلي مهما تكلمنا من لغات راح تضلون انتو الأحسن لأن لغتكم احسن لغه احنا نص الأحرف ما تتطلع من حلجنا مثلك قالتلي انتو لازم تفتخرووون بالهشي
استغربت يوم قالت جذي ونقت على كل وحده تتفشل من لغتنا العربيه وثااانكس على موضوعج ذكرني بأيااااااااام
تحياتي لج
جيـــــفاريه كيوت...&

 

[اللعبه]

والله من النقص كل وحده حسبالها كشخه اذا تكلمت انجليزي . وعن نفسي ما اتكلم الا عربي والانجليزي لغة امشي فيها اموري فقط وهذا معروف عني في الدوام مع اني دراستي ودوامي اللغة الاصليه الانجليزي

لان اكثر شئ يحزني ان الاهالي يحرصون على اللغة الانجليزيه والعربي طاف

 

[حلاها كويتي]

لا كلامج عدل ما يصير العربيه اختفت !!

 

[Lo0ol girl]

هي اللغه الرسميه

 

[Lo0ol girl]

اب اب

 

[جلكسيه اس 3]

تدرون انا ذيك المره تكلمت مع استاذنا
و قلت له ليش الاجانب ما يتكلمون لغتنا
وقلت له احنا احسن منهم احنا انعرف اكثر من لغه
بس على سوالي جاوبني وقال اهم مو محتاجينا
ولان اهم اقوا منا واحنا اللي محتاجينهم
وفعلا هذا الصج للاسف