وين بتشركون اعيالكم بالصيف

[مــ_ــا مــ_ــي]

حبيبة احمد امبلا فيه .. انا مسجله ولدي فيه من بداية السنه وتوهم خلصو .. بس ما سألت متى يبدون النشاط الصيفي .. السنه اللي فاتت سجلت بنتي واختي وولدي .. يوم قرآن ويوم تفسير وكل خميس رحله ووناسه .. ورسوم النشاط الصيفي 10 مدري 20 ناسيه والله بس السيراج المنير من شهر 9 الى شهر 5 بلاش وهم يعطون ولدج تقريبا 60 دينار اذا كان حافظ معاهم. هذا رقمهم 24552687



بس انا اللي ابيه نادي كراتيه لولدي عمره 8 سنين .. واذا فيه للبنات بعد احسن ... خل ينمون مهارات اجسامهم وعضلاتهم .. فاللي تعرف نوادي كراتيه تقولي ..

 

[جلكسيه اس 3]

هذا الاعلان شفت بالجريده
وقلت افيدكم فيه

اذا كنت من عشاق الاثاره و التشويق
انظم الى النخبه
_احدث واضخم مدرسه لتعليم الغوص بالمعدات
_قاعات محااظرات مجهزه باحدث وسائل الغوص
_رحلات بحريه مثيره لجميع الجزر الكويتيه
_دورات انقاذ واسعاف اوليه
_شهادات و رخص دوليه
_حوض سباحه اولمبي
_دورات الغوص الحر للاطفال

تعليم السباحه خلال 12 ساعه
_ممارسة السباحه الحره
_تعليم فنون الدفاع عن النفس
_مدربون ومدربات دوليون
_التدريب للجنسين ابتداء من السنه الثانيه

المركز الكويتي للغوص والانشطه المائيه
السالميه _نادي السالميه الرياضي _شارع الخنساء
25755355
اشرايكم فيه واذا في احد مجربه يريت اتقولنا عنه
يصلح حق الاطفال ولالا

و بعد بسالكم في حق الحريم ولالا
انا دقيت بس محد رد على التيلفون

 

[نيو اورجينال]

سامحوني حبيباتي انا اعرف بس النادي العلمي اودي ولدي كل سنه وماشاء الله تقريبا قرب يخلص دوراتهم كلهم اما بالنسبه عندي بنتين وبما اني من سكان الاندلس اوديهم حضانة توب كيدز فيها صبح وعصر وانا اوديهم بس العصر,,

 

[أحلى عقربة]

بنات النادي العلمي من عمر جم ياخذون وشنو دوراتهم

 

[ام مضاوي]

مس ميشو

حبيبتي المعهد البريطاني وين عنوانهم وجم رقمهم لو تكرمتي؟؟

 

[جلكسيه اس 3]

النادي العلمي من اي عمر ياخذون
و جم رسوم التسجيل
و شنو انشطتهم بالضبط

 

[داريني]

نادي العلمي فتحو باب التسجيل
ابي حق ولدي ست سنوات سباحه
وبناتي اربع سنوات

 

[غلا الروح79]

والله نفسكم محتاااره بس شكلى بوديه لنااادى سميه وااايد حلووو

 

[جلكسيه اس 3]

والله نفسكم محتاااره بس شكلى بوديه لنااادى سميه وااايد حلووو

نادي سميه هذا وين صاير
و من اي عمر ياخذون

 

[الياسمين]

انا ساكنه بالسلام وودي اودي ولدي مكان قريب و كويس خلا يستفيد اشوي

 

[ام احلى خلودى]

بنات شرايكم بحضانه بلاى قروب فيها نادى صيفى بس سمعتو فيها اذا زينه ولالا ؟؟

 

[بناتي حلوين]

The champion
اللي بالجابريه عندهم
170 دينار بالشهر
كل يوم 3 ساعات ماعدا الجمعه
سباحه وكراتيه ورياضه
والبنات سباحه وباليه ورياضه وايرو دانس
حلو أنا كنت مسجله بناتي وايد استانسو
كانو مسوين عرض شهر 5
أسبوعين ب 60 دينار

 

[ام _خلودي]

انا امس سجلت عيالي بنادي التكامل ولدي عمره 4 سنين ب 99 دينار وبنتي 6 سنين ب105 طبعا النادي فيه انجليزي وفرنسي وقاعده حليبه وسباحه وكره ورحلات وموسيقي وايد اشياء من الساعه 4 الي ساعه 8.30 لمده شهر

 

[7bebta bs]

السلاااام عليكم
قاعد ادور على نادي صيفي حق بناتي وحده 4 سنين و الثانيه 6 سنين
ام خلودي وين التكامل الي ب صباح السالم

 

[bedour18]

up up up

 

[دمثة]

==============================
جم اشتراك فلكس؟؟

90 دينار

 

[غير كل الناس]

حضانه الورود الصغيره باشبيليه مسوين نادي العصر من 4 الي 8