وين الكرشة؟؟؟

[miss_whitemocha]

السلام عليكم بنات..
انا قاعدة أحاتي شغلة..
انا بالأسبوع 15 و جم يوم..بعد أسبوعين أسكر الرابع و أمشي بالخامس..
المشكلة...
ماااااااااكو بطن..ماكو كرشة ما جني حامل..
البيبي بخير و عافية الحمدلله..بس بطني مو مبين..
أحاول أنفخها و أمشي مشية البطريق يعني حامل بس ماكو فايدة..
لما أقول حق وحدة إني حامل تطقها البوهة.. تقولي كرشتي أكبر من كرشتج..
أشوف الفيديوات باليوتيوب حق الحوامل اللي بنفس أسبوعي..بطونهم بارزة و واضحة ماشالله..
ملابسي نفسها ما غيرتها من بداية الحمل..ما ضاجت علي كلش اللهم صوب الحوض شوي صارت مو مريحة..
بنات ريحوني عادي جذي؟؟؟ و متى بطن الحامل يطلع؟؟ خصوصا إذا بجر؟؟
​

 

[ruby13]

لووول انا بالتاسع وولادتي الاسبوع الجاي وماكو بطن الكل اطقه البوهه اني حامل على بالهم عندي كرشه صغيره مو شايله بيبي والحمدلله ماكو الا العافيه و وايد بنات من اهلنا نفس الشي مايبين عليهم الحمل الحمدلله على كل حال

 

[om 7sony]

عادي حبيبتي لا تحاتين
طبيييعي
وكل وحده على حسب جسمها, وخاصه البجريه طبيعي ما يطلع لها بطن الا بالشهور الاخيره
وخاصه اذا كانت البنت اساسا ضعيفه و ما عندها كرشه
الله يسهل عليج يارب

 

[miss_whitemocha]

المشكلة إني مو ضعيفة ولا متينة..جسمي متوسط البنية..
اللي باليوتيوب عصاقل عصايات بطونهم شكبرها ماشالله
بس انا ماكو شي ماكووووووو
​

 

[om 7sony]

لا تحاتين حبيبتي
انا دشيت السادس وللحين ماكو بطن , بس كرشه خفيييفه ما تبين تحت الملابس
قبل اسبوع كان عندنا مناسبه , وكل شوي وحده تسالني انتي باي شهر.. ولي قلت لهم دخلت السادس قالوا: مومبيييين
قمت احاتي لم رحت موعدي وسويت سونار وسالت الدكتوره قالت كل شي طبيييعي الحمدلله
كل وحده وجسمها . لا تحاتين

 

[miss_whitemocha]

والله انا ما كنت أحاتي بس من كثر ما اللي حواليني يستغربون قمت أحاتي..​

 

[وتين قلبـي]

عااادي انانفسج كنت لما ادخل على الدكتور اساله تكفى شخبار البيبي وليس مالي بطن
يقول كل شي تمام والبطن راح يبين بالايام اليايه
ولما وصلت الشهر السااابع لرز البطن وبدا يكبر بس

فلاتحاااتين من الشهر الساابع يبزر

 

[جمالي خيالي]

شغلتين يخشون بطن الحامل

الشحم والطول

اذا كنتي متروسه شوي ماراح يطلع لج بطن

واذا كنتي طويله راح يضيع بطنج

لاحقه عالكرش ومشيه البطريق ااااااخ من الثقل بالسابع و الثامن والتاسع

 

[tbola]

عادي حبيبتي لا تحاتين انا نفسج بعد جم يوم اخلص الخامس ماعندي الا كرشه صغيره وانا اساسا كانت عندي قبل الحمل يعني مافرقت وااايد معاي مومبين اني حامل

 

[miss_whitemocha]

أشوا الكلام يطمن..عسى الله يطمن قلوبكم..:yaaaaaarb:

تبولة.. مو قادرة أركز بالموضوع..شهيتيني بالتبولة حامضة و مالحة و ترجخ ليمون :rerrerek:​

 

[ساكن الروح]

لا حبيتي عادي واحسن مالج بطن اشتبين بالكرش لاحقه انا كنت ها كنت مثلج مابين ولا كبر بطني الا بالتاسع وبعد الولادة راحت كرشتي بسرعه بس الله لايوريج حمالتي بالصبيان طلعتلي كرش عدل وسلامتج

 

[سويت فانيلا]

روحي راجعي

 

[shak!shoka]

يوووو من صجج و بجر بعد عااادي انا مهما اوصفلج شكلي ببجري ماراح تستوعبين والله دشيت الطوارئ ولاااده والله السستر تقولي شنو فيه ؟ اقولها حامل تقول سوري مدام ما يعرف !!
بس احلا شي بالموضوع بعد الاربعين ماكو كرش ابدااااا


بس حمالي الثاني لاااااااا مشالله بطني كبييييير الكل ملاااااحظ عاد الله يستر !



لا تخافين كلووو تمام انشالله

 

[مشتطـه]

كااااك آنـا بالخامس أبوي يقولي وين بطنج حامل بـ فار


أحسن شـ لج بالكررشه

عالاقل ماتتعبين بالاخير

 

[زوجة مقهورة]

لا تحاتين شي عادي ناس عن ناس تفرق مو كل الناس سوا.
ونصيييييييييييييييييييييحة صكري اذونج وامشي والله اذا بتسمعين من الناس ماراح تخلصين وكله تحاتين. شعند الناس غير قيل وقال. بتسمعين اشياء وااااااايد طووووووووووفي ​

 

[^_^يالي احبه^_^]

عادي

 

[beauty rose]

شتبين بالكرشه حق التشققات و الحكه لووول
دام ان كل شي فيج سليم حمدالله لا تخافين
الكرشه تستانسين عليها بالحمل مشدوده
و عقب الولاده بتدعين عليها لوول

 

[engnera]

وكل وحده على حسب جسمها

 

[تبطي عظم!]

حبيبتي انا طلع بطني بنهاية السادس

والحين بالثامن وبطني صغير ويدوب يبين ومحد يتوقع اني بالثامن

لاحقه ع الكرش وسألي الدكتوره اذا وزن البيبي طبيعي ماكو مشاكل خلاص ليش تفكرين

 

[tbola]

ههههههههه حبيبتي يلااا اسررررررررررع مطعم لبناني روحيييله وكليهااا وبالعافياااااااا