وين اقدر اشتري القميص الابيض لاول ليلة زواج

[عبير العبورة]

السلام عليكم

بنات رفيجتي عروس وابي اشتري لها قميص اول يوم اللي يكون ابيض وطويل ولة روب

انا ما اعرف من وين اشتري لها ياااريت ادلوني وين اماكن بالكويت اقدر اشترية

ارجو المساعدة رفيجتي على اخر الشهر عرسها

 

[Dalo3a in Texas]

احلى شي انور والطاهر راااااااااااااااااااااقي

 

[^حبيبة الكل^]

بالمبارك على زواج رفيجتج

و الفالي لج اذا مو تزوجة

حبيبتي تلقينهم يا قلبي

انور و الطاهر و سوق الجميع عندهم شغلات حلوة وراقية تلاقينهم هناك غلاتي

و الله يوفق الجميع يارب

 

[يابختي]

الطاهر وانور...
بس حبيبتي انا اقول قميص اول ليلة يكون على ذوقها احلى.. ما ادري احسه شي خاص وايد... هذا رايي وانت ابخص.. والله يوفقها ويوفقج

 

[منورة الكويتية]

الطاهر
انور
الصباغ

 

[يابختي]

ايه والايوب بعد

 

[عبير العبورة]

مشكووورين على المرور الرائع

والله يبارك فيكم وانا صح مو متزوجة وتسلمون على هالدعوات الحلوة والله يرزق كل بنت

بس اي فرع لانوار واي فرع للطاهر احسن شي اللي القى فية احسن بضاعة

 

[dalprincess]

الطاهر وانور كل افرعهم نفس البضاعه روحي الي بالسالميه رايح راد طاهر وانور عند بعض

 

[شموخ عزي كويتيه]

الف مبروك على زواج صديقتج

و الفال لج ان شاء الله

احلى شي تلاقينه في مجمع الايوب الشرنقه و تاج العروس هالمحلين حلوين وراقي

و بعد في محلات ثانين جنان بس بالسرداب بنفس المجمع

و مثل بعد ما قالوا البنات انور و طاهر بعد في شغلات حلوه و انتي افتري و شوفي اي واحد احلى اشتري منه

و بالمبارك ان شاء الله

 

[سفيرة العشق]

الطاهر وأنور بس الأحلى الطاهر
انا قميصي مال العرس من عندة وصارله 7 سنين جنه يديد ماشالله

 

[@ دهن العود @]

مجمع الحمرا مول فووووووووق اول ما تصعدين السلم الكهربائى اخذى يمين تلاقينه على ايدج اليسار

عنده اشياااااااااااء قممممممممممممممممممممممه

 

[زهرة اللوتس]

الطاهر

 

[برونزيه نعومه كتكوته]

الشرنقــه بالايوب و الطـــاهر اللي بالسالميـــه شي مو طبيعي =)

 

[عبير العبورة]

تسلمون بنات وما قصرتوا يعطيكم الف عااافية

بس بغيت اسئلكم وين صاير مجمع الايوب

اللي اعرف بحولي بس وين بالضبط

 

[الغــــلا رنــــاد]

احلى شي انور والطاهر راااااااااااااااااااااقي

:ggdw::ggdw::ggdw:

 

[foozia_87]

حبيبتي الله يهنيها ويجمع بينها وبينه بالخير ................
الطاهر،انور،الايوب،الصباغ وغيره وغيره كلهم يتنافسون في الاسعار وتقريبا نفس الموديلات والالوان انا توني مجهزه بنت عمتي وحماتي الاسبوع اللي طاف خلصتهم واليوم رحنا الجميع نفس الموديلات ودرجات الالوان بس ارخص لانه مسوي تنزيلات حماتي شرة قميص مع الروم حق اول ليله 160دك لقيناه بالجميع على 55دك والله انها احترة وانتوا على راحتكم افتروا وشوفوا اللي يعجبكم

 

[شلااحيه مدلله]

مبرووك على زوااج رفيجتك الله يوووفقهاا ويوفق الجميع انشالله
الصرااحه انا شريتلي قميصين واااحد من امي شرته لي من الطااهر رااقي لوونه ذهبي بووردي وكان سعره 99 ديناار راااقي وااايد كله دانتيل
والثااني اختي طالبته لي من فكتوورياا سيكرت لونه ابيض موووطوويل وااايد نص الساااق هم راااقي
موو شرط تشتريلهاا لوون ابيض ..

 

[orangeya]

تسلمون بنات وما قصرتوا يعطيكم الف عااافية

بس بغيت اسئلكم وين صاير مجمع الايوب

اللي اعرف بحولي بس وين بالضبط

اول شي الف مبروك للعروس

وعسى ربي يتمم على خير يااااااااارب ...

حبوبة مجمع الايوب صاير يم حولي بلازا اذا تدلينه؟

مممم

عاد انا ماعرف اوصف بس بحاول

مممم... شفتي اذا كنتي يايه عالخط السريع في دخلتين حق حولي الاولى دخلة النقرة والثانيه تدخلج على شارع بن خلدون؟ اللي تسير عقب نادي المعاقين بالضبط؟

هذا كله عالخط السريع بس ماعرف اسمه... اكيد عرفتي قصدي؟

المهم لا تدخلين لا لفة النقرة ولا لفة ش. بن خلدون

صعدي الجسر بتشوفين اشارة بصعدة الجسر لا توقفين فيها اخذي فرعي يمين...

الحين حولي صارت على يمينج والقادسية على يسارج ....

كملي كله ســــــــــــــــــــيــــــــــده...

من تعدين لفة البنزين اللي عاليمين لفي اللفة اللي عقبها بتشوفين حولي بلازا عالشارع


اتمنى يكون وصفي عدل

بنات عدلولي اذا في شي غلط عشان ما اضيع البنت وتدعي علي لول

 

[ام جسومي]

الطاهر وانور...
بس حبيبتي انا اقول قميص اول ليلة يكون على ذوقها احلى.. ما ادري احسه شي خاص وايد... هذا رايي وانت ابخص.. والله يوفقها ويوفقج

:eh_s(15):

 

[عبير العبورة]

اول شي الف مبروك للعروس

وعسى ربي يتمم على خير يااااااااارب ...

حبوبة مجمع الايوب صاير يم حولي بلازا اذا تدلينه؟

مممم

عاد انا ماعرف اوصف بس بحاول

مممم... شفتي اذا كنتي يايه عالخط السريع في دخلتين حق حولي الاولى دخلة النقرة والثانيه تدخلج على شارع بن خلدون؟ اللي تسير عقب نادي المعاقين بالضبط؟

هذا كله عالخط السريع بس ماعرف اسمه... اكيد عرفتي قصدي؟

المهم لا تدخلين لا لفة النقرة ولا لفة ش. بن خلدون

صعدي الجسر بتشوفين اشارة بصعدة الجسر لا توقفين فيها اخذي فرعي يمين...

الحين حولي صارت على يمينج والقادسية على يسارج ....

كملي كله ســــــــــــــــــــيــــــــــده...

من تعدين لفة البنزين اللي عاليمين لفي اللفة اللي عقبها بتشوفين حولي بلازا عالشارع


اتمنى يكون وصفي عدل

بنات عدلولي اذا في شي غلط عشان ما اضيع البنت وتدعي علي لول

تسلمين حبيبتي على الوصف

بس انا الحين بقولج شنو اللي فهمتة اكو دخلة يمين تكون فيها اشارة وعلى الصوب الثاني المحاميد وموجع سنام ما ادش هالفتحة ادش الفتحة اللي بعدها اللي على الخط السريع

صح جذي اللي فهمتة ولا اكو غلط

وتسلمين والله ادري تعبتج وياي

والله ينويلج اللي ببالج يااارب ويحققلج كل اللي تبينة