هاي بنات
ودي اسافر انا وريلي سفره حلوه بعد العيد يعني بحدود من 5-7 ايام ...
بخاطري ديره فيها براد ..اشرايكم وين اروح ؟؟انا ابي طبيعه حلوه وتسوق بس عالخفيف رفيجتي تقول تركيا وشفت رحلاتكم لزلامسي اتشوق ؟؟؟
ياليت اتفيدوني برايكم والي تعطيني خيار تحاول تحددلي الميزانيه واحسن الفنادق والاماكن
وعساني مانحرم منكم :tek:
حبيبتي انا انصحج في تركيا روووعه طبيعه و سوق ما في ميزانيه محدده على حسب الفندق الي تختارينه و الرحلات انا سكنت في فندق ديدمان في اسطنبول حلو و امان و في بورصه فندق الميرا و ما اتذكر فندق ابانت
بالنسبه للاماكن في اسطنبول:
*السوق المسقف (جراند بازار) هذا السوق رخيص و يعتمد على المكاسر
*السوق المصري للبهارات و الحلويات انا حسيته انه ما يسوى
*مجمع جواهر
*اك مركز
*مجمع كانيون هذا المجمع كشخه وايد حلو و هذا الموقع شوفي الصور
http://www.kanyon.com.tr/
*مجمع مترو سيتي بجانب مجمه كانيون
*مجمع بروفيلو (فيه مطعم تركي عجيييب )
*شارع الاستقلال هذا يونس حلو بالليل كله محلات انا رحت له يوم عطلتهم طلعو الفقاره قامو يسوون عروض علشان الناس يقطون عليهم فلوس
*شارع عثمان بيك
*جزر الاميرات
*و قولو حق التاكسي يوديكم الاورتاكوي واااايد حلو هالمكان شكله جنه حي ايطالي و يبيعون بطاط وااايد حلو جربيه روعه و قعدي و شوفي الجسر يشب ليتات بالليل عشان جذي انصحج تروحين بالليل
اما بالنسبه لبورصه اذا بتروحون لها لا تقعدون فيها وايد لان ما فيها شي و الاماكن السياحيه في بورصه:
*زفر بلازا هذا المجمع واايد كبير صاير على شكل ثلاث مباني بس متصله من داخل
*كينت ميدان هذا قريب على الفندق الي رحنا له (الميرا)
*و في بعد السوق المسقف نفس مال اسطنبول
*رحله الكهف
*رحله الشلالات هذي الرحله وايد حلوه فيه مطعم و الطاوله بوسط الشلال تاكلين و ريولج بالماي بااارد اصلا يبردون البيبسي بالشلال (عفيه الي يعرف اسم هذا الشلال يقولي لان ما اعرف اسمه)
و رحله سعيده
