وين اروح ؟؟

[أم عواشي]

السلام ودس اسافر شهر ثلاثه بس ماادري وين اروح
ودي اروح اوربا بس قالولي وايد غاليه و ميزانيتي محدوده لا اتقلون لي تايلند او ماليزيا او استراليا مليت منهم :|

ابي شيء فيه سوق و سباحه و وناسه

 

[MyLittleBerry]

روحي ساندييغو

كاليفورنيا

 

[أم عواشي]

kuwaitybutterfly v كم اتكلف تقريبا السفر الى امريكا ؟؟؟؟؟؟
غاليه مثل اوروبا

 

[خبيرة اعشاب]

مرحبا

حبيبتي السفر لاوربا مو شرط يكون غالي او مكلف اذا عرفتي اتحددين ميزانيتج عدل ..بس عموما اوربا في ها الوقت بالذات بررد و اصلا جاي الكرسمس فرح تلقين كل الفنادق محجوزة ...
اسبانيا ترى رخيصة مو غالية و هم بعد فرنسا حييييل رخيصة ان بعدتي من باريس و المدن الرئيسية ...

و دول شرق اسيا للامانة انا ما ادانيهم ..

زين ليش ما اتسافرين دول عربية مثلا انا رحت المغرب شهر 3 الي طااف حدده وناسة شوفي مراكش فنادق فخمة اتهبببل و خدمات رووعة ..
عندج بعد تونس ونااسة بس الحين يقولون فيها اعصارات

و عندج بعد اسكتلندا مو طبيعية فظييييييييييييييييييييعة ..بس نفس ما قلت لج كلله برد و ثلج و ضباب ..و انتي تبين مناطق دافية الحين

 

[أم عواشي]

انا بسافر شهر 3 او 4 مو الحين
ابي شيء فيه سوق و وناسه وبحر و جتات و جذي سوالف و اهم شي السوق

 

[um hamad]

امريكا غاليه حبيبتي اهلي توهم رادين من هناك حسبي حساب التذاكر السكن تاجير السيارة والتسوق !!!
هولندا والمانيا حلوين وفيهم الرخيص والكويس بس ماراح يعجبونج لان ماكو بحر كله خضره وطبيعه اسبانيا يمدحونها عجيبه حق التان بعد

 

[خبيرة اعشاب]

مرحبا

اجل حبيبتي مادام سفرتج بشهر 3 ترى حتى اوربا اتكون مو حلوة و امريكا للامانة ما رحت لها بس اختي راحت و ما تمدح واجد

ليش ما اتجربين اليونان ..؟؟ اسعار التذاكر رخيصة بالمقارنة مع الدول الثانية ..و هم بعد فيها كل المميزات الي تبينها ..الطبيعة / البحر و التسوق ..و الاسعار مقبولة

اثينا مو طبيعية بس غالية شوي و حتى كريت زينة و في جزيرة بعد هادية و رووعة اسمها لوفوس يعني اليونان كلها جزر و فيها اسواق وااجد و مطاعم عربية ..و اسعارها مناسبة جدااا
و هم بعد ترى اليونان فيها امان اكثر من باقي دول اوربا ...

و تلقين حتى متاحف و اثار و شغلات وااجد اتشوفينهم يعني يمكن شهر ما يكفيج باليونان ..

انا رحت من زمان ب 96 جذي بس اذكر الطبيعة فوووق الرووعة و الحين يمكن تطوروا اكثر من قبل

سوي سيرج قوقل عن اليونان و شوفي بنفسج

 

[إستبرق]

حبيبتي انا خالي قالي على المالديف خالي يسافر وايد مع زوجته وقالي على المالديف وانشاءالله ناويه اروح لها اول شهر اربعه اذا الله كتب يقولي شي مو طبيعي يقول جزيره تهبل تحسين انج بالجنه ووناسه على قولته يقول تنسين امج وابوج وحتى زوجج خخخخخخخخخخخخ وقالي على جزيره نسيت اسمها بالي او شي باندونيسيا بس هونت منها لان فيها تفجيرات وارهاب قلت ماتسوى علي خخخخخخخ