وين احصل هالشغلات هديه حق زوجى

[بطة رشيقة]

عيد زواجنا جريب وودى اشترى حق زوجى شى من هالاشياء ,,,,


مداليه
بوك
بزمات
قلم

وودى يكون شى ماركه وكشخه بس مانى عارفه وين احصل هالشغلات عند اى محل بالضبط ووودى تساعدونى واذا كان فى مكان مسوى تنزيلات ومشكورين يالغالين

 

[Athwaq]

حبيبتي اذا تبين طبق الاصل عندي جناط لاب توب و عندي ميداليات للسياره

و عندي نجمة شوارفسكي اصليه للسياره

اذا بتشوفينهم راسليني عالخاص

و اذا تبين شغلات اصليه روحي الصالحيه

موفقه

 

[AFRoDiT]

حبيبتي روحي الماسه الي بالمهلب تحت بالسرداب
شوفي ميدالياتهم وبواكتهم .. ماركات أصليه وسعرها زين , وادعيلي ..

انا اخذت حق ابوي من هناك بوك فالنتينوو بـ 40 , جلده مو طبيعي ايننن


وفي ميداليات وبزمات و اقلام و عطورات بعد ..

 

[عبق البنفسج]

عاد انا أحب الهدايا وأضبطج بأمكان سعرها رخيص وحلو ..

شوفي حبيبتي بعيد ميلاد ريلي الي طاف شريت له طقم كامل
بزمة وقلم وساعة ماركة ايقنر بــ 260 من روائع جنيف .. وفي منه وايد بكويت ماجيك بالسالمية وبالبحر سنتر .. وبشرق نسيت اسم المجمع الي فيه ماركات وفيه فندق جي دبليو ماريوت ..
تقدرين تركبين اطقم من نفس الماركة وماراح يطلع عليج أكثر من 300

ومرة شريتله من الصالحية .. رحت محل كورلف وقتله مابي أكثر من 350 وطلعلي طقم بــ 500 وشي وعطاني اياه بــ 330 وايد وايد حلوو

روحي الافنيوز الحين المحلات كلها مسوية تنزيلات واسعارها وايد حلوة ..

انا عيد ميلاد ريلي شهر 9 ومن الحين قاعدة ازهب شبشتري ...

واذا تبين عطور روحي سوق السلاح .. كلا اصلي وارخص من سعر السوق بوايد

وعلى فكرة انا دايماً اشتري اصلي بس بفترة تنزيلات .. أحسن من التقليد

وفي بعد On time أسعاره وايد وايد رخيصة وتقدرين تحصلين عنده الي تبينه ..

في محل بسوق الكويت "العمارة البيضة" يبيع بواكة ومداليات وساعات بأسعار رخيصة" بس نسيت اسم المحل بس تقدرين تفترين هناك المحلات اسعارهم رخيصة ما يتعدى الطقم 100

وصج انصحج تحجزين ليلة أو ليلتين بفندق وتفاجئين ريلج فيها خاصة انها فترة صيف واسعارهم رخيصة واقدر اضبطج بأكثر من فندق وسعره رخيص .. وتقدرين تسويله العيد ميلاد بمطعم وتخين احد من اهلج يودي الكيكة والهدية وعقب العشى تقوليلهم اييبونها بدون لا ريلج يعرف وتصير مفاجأة حقه .. أنا مسويتها اكثر من مرة .. ومرة فاجأته وعزمت أهله كلهم على المطعم وايد استانس

واذا عندج أي سؤال أنا حاضرة

 

[ريكاتو]

انا شريت حق ريلي من الصالحية عند اغنر قلم مع بزمة محطوطين بعلبة وايد حلوة وغلفوها لي بسعر 60 دينار

 

[بطة رشيقة]

اذواق مشكوره وايد وايد حبيبتى وماقصرتى ويعطيج الف عافيه وربى يوفقج ...



افرودت اى الماسه حلوه واشترى منها وادرى مسويت تنزيلات الحين بمرهم انشالله


عبق البنفسج مشكووووره وايد على هالافكار الخطيره صج انا ودى بشى غير ويديد هذى 3 سنه لنا معض الله يتمم علينا وودى اسوى اكشن ...


ريكااتومشكوره حبيبتى ووفكرتج وايد حلوه وسعره خياالى مشالله انزين ما تعروفون وين احصل محل اقنر بس مو بالصالحيه لانها بعيده على شوى ....



ومشكورين وما قصرتوا

 

[ام فجور 2008]

حبيبتي تبين اشياء اسعارهم حلوة ورخيصة روحي على محلات جوفيال ماركة الصراحة بضاعتهم وايد حلوة وذربة عندهم ابواكة ساعات عطر رجالي ماركة جوفيال

 

[ام فجور 2008]

وعندج بعد محلات الماسة في منهم بالمهلب ومجمع الشمالي

واذا تبين غالي تلاقين بالصالحية وفي محل بالمارينا يبيع جذي بزمات بس اسعارهم على 100

وجوفيال الحين مسوي عرض روحي لحقي

 

[جمال الورد]

عندج محل قطوف اللي بسوق شرق حلوة أشيائه وايد وبعد في جم محل بشرق شوفيهم

 

[رسلان]

فيه بالكوت بمحل تناغرا شغلات جذي وماركه حلوه

 

[أميرة الحزن:)]

روحي محل اقنر

 

[بطة رشيقة]

مشكوريين ماقصرتواااااا

رحت قطوف مسوى تنزيلات وودى اروح بعد اشوف تناغرا بس ما ادرى وين

وويعغد بسال وين مكان جوفيال ؟؟؟؟

 

[عبق البنفسج]

جوفيال عندهم وايد أفرع ..
الي ذاكرته الحين
بالمهلب وبسوق الكويت "العمارة البيضة"

 

[بطة رشيقة]

مشكوووره يا عبق البنفسج وماقصرتى عاد انشالله بمرهم

 

[Brounzeya]

ro7ay villa moda - tanagra - rawa2e3 jeneve- elmasa-

 

[بنت البحر]

روحي الصالخيه محل جفنشي حلو ورخيص او اخذيله ساعه من محل جنيف عند ه كل الماركات واسعاره حلوه

 

[بنت البحرين]

عندج روايع جنيف

 

[EL-lolo]

روحي محل غوتشي اللي بالفنار اختي دايما تشتري منه حق ريلها واسعارهم معقوله مو غالية البزمات والاقلام والبواكه والله يتمم عليكم وانشالله مو 3 سنين العمر كله انشالله واذا تبين افكار عشان تفاجئين ترى هذا تخصصي

 

[زوجة ناصر]

بالاسة تلقين حبيبتي و تناغرا شغلاتهم واااايد حلوة و ان شاالله تلقين و يخليلج زوجج يااااااارب