وين احصل تلبيس القنفات

[جوري 2005]

خواتي اشلونكم وين احصل التلبيس مال القنفات علشان لا تتوصخ انا قنفاتي فخمه واللون مالها فاتح يعني ماابيها تتوصخ لان عندي يهال رحت حق دريم مول بس اللي عندهم مو شي بس خام مافي حركات ساده ابي شي حلو وين احصله

 

[سفرجل]

انا بعد ابي بعد بس للاسف توصخوا من اعيالي وهم قنفاتي فخمه والوانه فاتحه
دريم مول وين بالضبط

 

[SILVER ROSE]

بالاسواق الشعبية شايفتهم بالمحاميد

 

[حبيبي سهلي]

حياتي امس شفتة في ستي ستار اللي بالشويخ بجانب دريم مول او بالاسواق الشعبية

 

[جوري 2005]

ماادري بس جنه اللي بالاسواق الاشعبيه اللي يكون لونهم ساده وفيهم مطاط شريتهم مو عاجبيني صج انهم يحفظون القنفات بس انا ابي الشكل ابي خامتهم مثل الجاكار الثقيل المشير

 

[Om Hayoon]

رد : وين احصل تلبيس القنفات

حبيبتي تلقينهم بمحل تروفاليو مكودين و جميع الاحجام

وادعي لي حبوبة لي شريتيهم

و نصيحة اذا قنفه ام ثنتيم اشتريلها بو ثلاث عشان تصير راهية

و في طريقة تحطين ( جست ثرو ) على القنفة يا انتي تسونه يا اما تلقين بايكيا وايد عملين و كل ما توصخ و الا انهرا اشتري يديد انا مسويه جذي ...لا اليهال اسم الله عليهم ما تقدرين عليهم

 

[أم عبودي الغالي]

اذا تبين يكون فيهم حركات لازم تفصال لان اكثر اللي نشوفهم سادة

 

[جوري 2005]

مشكورين عالرد حبيابي بس بقيت اعرف اللي بتروفاليوا اشلون صايرين نفس اللي انلاقيهم بالاسواق الشعبيه خامتهم قطن

 

[don-3]

ترفاليو عندهم خام عادي بس شكله مرتب وعندهم مخمل شكله حلو بس غالي جنه الثلاثيه ب6 شوفي عاد انتي كم وحده بتشترين
بس مشكله المخمل يتوصخ بسرعه

 

[F.L.O.N.A]

رد : وين احصل تلبيس القنفات

حبوووبة ترا انا شايفه بستي ستار اللي بشويخ قطن بس مو ساده صاير جنه رخامي ..

وفي منه لون احمر عنابي ولون بنفسجي ..

بس ترا ما تلاقين غير الساده غالبا ... اذا تبين مشجر والا في شغل لازم تفصال ..

بس ليش ما تاخذين الساده وتزينينهم بالكوشيات الملونة ترا يطلع حلو