وين احصل الحمره السحريه ؟!!!

[أميرة طفولتي]

مساكم / صبحكم الله بالخير :ggdw:


شلونكم بنات ؟


ما عليكم امر من وين احصل الحمره السحريه
الي لونها من برا نفس لون هالفيس >>
اكيد كلكم تعرفونها
بس ابي مكان مضموون واكيد احصلها مابي اتعنى واروح وما القاها :eh_s(16):
وبجم ؟ ههههههههه

ناطرتكم :eh_s(9):

 

[جوري!]

كل الحواويج
بنص دينار وتجيب السلال

 

[عهد الغرام]

حبيبتي احلا شي الي من مكة بصراحة شكلهاا طبيعي حيل
دايم اوصي عليهاا واخذ كمية من اخر مرة رحت مكة اخذت كرتون وباقي 2 بس بخليهم للعرس واذا من الكويت جربيهاا عند الحواي لان بعضهاا شوي ويقلب فوشي مو حلوو

 

[**BESTGIRL**]

عند العطار( الحواي) بس حلوه لمن تحطينها و تحطين حمرا فوقها وتتثبت الحمراا وهم جنا تلقينها عند ابو ١٠٠ ع ما اعتقدد

 

[كويتيه فرنسيه]

بكل مكان عند بوميه وعند العطارين

 

[أميرة طفولتي]

مشكورين بنات ماقصرتوا

بس شلون اعرف الزينه من الي تقلب على فوشي ؟!!!

 

[Tom ♥ Jerry]

>3

bl 7waay 7yaty

 

[دانه الشطوره]

انا كلا اسمع عنها بالمنتدى
ومراا شفتها عند بو 100 بالمباركيه
خذتها يوم ييت البيت حطيتها كانت حلوه بس شوي وصارت فوشيه
عطيتها حق اختي الصغيره ههه
ان شاء الله البنات يفيدونج حبيبتي

 

[بنت شتره]

هذي الحمره صديقتي الصدوقه
هههههههاي

اخذها من الحواج بس انتبهي اخذي اللي حتا غطاها اخضر

لا تاخذين ام غطي شفاف

ولما تجين تحطين الحمره بس مسحه وحده ع شفايفج

عشان ماتطلع فوشي صارخ ومبهذله

وتقبلي مروري

 

[سروي]

بنات اي حمره قصدكم اول مره اعرفها هذي

شلون زين من الحواج اخاف فيها مواد سامه ومو زينه؟

حرام تغامرون بالجهال الي حطت حق اختها

زين شسمها اهيه بالظبط وشنو لونها امانه صار فيني فضول

وليش جذي انتو حابينها وعاجبتكم شنو الي فيها زود يعني؟

غريبه حمره من عطار

 

[ASOMA]

بنات اي حمره قصدكم اول مره اعرفها هذي

شلون زين من الحواج اخاف فيها مواد سامه ومو زينه؟

حرام تغامرون بالجهال الي حطت حق اختها

زين شسمها اهيه بالظبط وشنو لونها امانه صار فيني فضول

وليش جذي انتو حابينها وعاجبتكم شنو الي فيها زود يعني؟

غريبه حمره من عطار

حبيبتي الحمرا هاذي لما تحطينها كأنج مو حاطه شي بعد فتره يصير لونها وردي طبيعي اذا ما كثرتي

اذا كثرتي يصير لونها احمر غامج او فوشي وتبقى ما ترووووووح​

 

[شهرزاد77]

حبيبتي الحمره السحريه لونين اللى على وردى واللى احمر وطبعا الوردى احلى تلقينها عند الحواج فيه اصلى وتقليد الاصلى اغلى واللى عند ابو 100 تقليد وتشقق الشفايف .............بس تبين نصيحتى اخذى الحمره السحريه مالت محل نكتار فيها فيتامين cوماتشقق ولونها حلو الحمره من برا كلها لون ابيض ومالها تقليد وبس نكتار اللى يبعها

 

[الـ ج ــوري]

وين صاير نكتار شهرزاد ؟

 

[أميرة طفولتي]

سروي

والله انا حالي من حالج عرفت هالحمره من البنات بالمنتدى
ومن خلال خبرتي البسيطه فيها ههههههههه
في بنات يحطونها على الوجنات
وفي تحت الحمره يثبتها
وتنحط حمره عاديه تورد الشفايف

اي معلومه زايده فيدونا


وماقصرتوا بنات لا خلا ولا عدم

باجر ادورها بالحوايات << جمع حواي لوووووول

 

[قاهره عذالي]

نكتار في محلهم بمجمع المنار مول
فوق
قبال محل زهور الريف
بالجهرا

 

[أميرة طفولتي]

حبيبتي شهرزاد وين صاير نكتار ؟؟
هذا محل نكتار ولا حواي ؟؟ << امبي افشل غشيمه لوووووووول

 

[أميرة طفولتي]

يؤيؤيؤيؤيؤيؤ بالجهرا
واااااااايد بعيد علي

ماله فرع ثاني؟

 

[الـ ج ــوري]

ماكو نكتار غير بالجهرا بعيده حيل

 

[سروي]

يامعوده انا اغشم منج



وما فهمت شي للحين

الحمره تعطي لون ولا لونها ابض شنو هذي

غريبه

 

[دلوعه ناعمه]

الوووورديه الطبيعيه يكوون لونها اخضر فاااااااااااتح الغاامجه اهي اللي تقلب