وين أودي ويهي من خطيبي واهله وأهلي ميته خوف ساعدوني

[FeShinGoOo]

انتي مالجه ولا بس خطبه ؟؟

اذا مالجه فهذا زوجج لازم تحاجينها مايصير تخشين عليه هالسوالف واساسا المفروض من قبل تكونين ملمحتله مدام انكم تكلمون بعض ..

 

[ماحب اتدلع]

احس لو انا مكانج بقولة بكل صراحة واحسة بيموت ضحك علي قولي له عادي بس بأسلوب يدري منج ولا من الناس اذا عرف من غيرج صج صج بيزعل وبيعصب

 

[دلوعة أبوهآ]

اللي صار شي مو بيدك ..
قوليله الصراحه و توكلي ع الله ..
لاتكذبين عليهم وتورطين نفسك بأمور أكبر ..


خلاص اللي صار صار ..
ويمكن انها خيره لكِ ..

 

[اهواه يا ناسي]

قوليله الصج
ولا تجذبين عليه
مهما كانت الصراحه مره
بس اهون من الجذب

واللي فشلتي فيه دراستج
مو شي ثاني

صارحيه وخلاص

بترتاحين

انا معاها صح كلامها

 

[زهـراء]

انا مو بظروفج بس جنج مكبرة الموضوع اهلج واهل ريلج شكو بموضوع دراستج وحتى ريلج هذا شي خاص فيج نجحتي مانجحتي شي راجعلج
انا ٥سنين متزوجة وللحين ماخلصت الثنوية سنة ادرس سنة مادرس وسنة ما امتحن شي راجعلي على مزاجي اهلي ولا اهل ريلي يسألوني اقولهم مابي ادرس هالسنة
لاتعطين ريلج ويه زايد بهالموضوع قوليله سقطت وبس وان شالله اقدر اعوض وكت ثاني وعطيه بوسة وروحي اشتري نفنوف عرسج والله سبحانه يوفقج

 

[(كويتيه عسل)]

نصيحه سمعي كلامي لا تقولينله فصلوج بيقعد يعايرج في كل هوشه

عاد رياييل الكويت كلا معاير واذا وصلت السالفه لاهله في بعض الحريم يستلمونج نغزات في الزواره


انتي روحي كلية ثانيه ولما يقبلونج وتعينين من الله خير

قوليله حولت كلية ثانيه لان كليتج القديمه موادها صعبه بس وانتهى الموضوع

 

[مسك حياتي]

بعد عمري بطوطه هونيها و تهون ...

كثري من الاستغفار و بتنحل ان شاء الله ...

 

[بطوطة @]

عسا الله يوفقكم دنيا واخره قولو امين
والله ردودكم تريح القلب واتشجعني
وان شاءالله كل خير يصير وابلغكم يارب بالخير

 

[بطوطة @]

اب اب اب اب اب اب
اب اب اب اب اب
اب اب اب اب
اب اب اب
اب اب
اب

 

[يبقى الوله]

الله يعينج

حبيبتي مالج غير المواجهه وقولي الصج !​

 

[اشرااق]

الصراحه راحه ليمته بتخشين استخيري ربج ونشاالله يسرامورج

 

[لولوه الحربي]

ما ادري انزين انتي بأي كليه انا فاصليني بعد احس الموضوع انتي مكبرته ولا يسوا خليج شطوره وتكلمي مع اهلج وخلي يدبرولج صرفه ولا ادخلين خطيبج ولا تقولين شي حقه واذا غسلتي ايدج من الرجوع للكليه قولي انا شفت اني اميل لكليه غير اللي انا فيها ولا تحسسينه انج فشلتي

 

[زين الوصايا]

وااااسطه حاولي تدورينها وبعدين لا تقوليله مداامه عصبي

 

[*الهنوف*]

اذا مافي طريقه تقدمين عذر التماس وتردين
شوفي مشكلتج مالها حل غير الصراحه لان لو بترقعينها ماترقع
واذا خطيبج عصب قولي له انت تبيني انا كشخصيتي وادبي واخلاقي ولا شهادتي
قولي له الشهاده اقدر اخذ من دورات او جامعه خاصه لكن احنا اذا خسرنا بعض على هالسالفه معناتها انت مو حابني لشخصي

يمكن يفهم كلامج

 

[على الطيب تربيت]

الحمدلله يابنت لاتعقدين نفسج خير ان شاء الله فشلتي مره عااادي دراسه مو شي ثاني

وهو يبيج شاريج لاخلاقج وسمعتج الطيبه مو عشان دراستج
اصلا خيره عشان تشوفين معدنه

لافشله ولاشي يعني مانسقط ماننفصل

لاهو عيب ولاحرام حاولتي ماقدرتي لاتخافين ولاتحاتين الامر سهالات

 

[ملكه 2012]

عادي صارحيه بس بالهداوة لازم تتعودين عالمواجهة لان الحياة جدامكم وتصير شغلاااااات لازم تواجهونها

 

[أإلع ـشق دلع ـهـأإ]

.


















مآلومج بصرآآآآآحه ..

أنآ أذآ سقطت بالمآده أتضآيق وأستحي أقول لآمي ..

شوفي قولي لآمج الصج عآدي ..

أم أهل زوجج خلي أمج تقول بنتي سحبت أورآقهآ مآتبي التخصص هذآ لأنهآ مو مرتآحه فيه لهآ سنه متضآيقه وجتهآنفس من التخصص هذآ ..

خليهآ’ تقول أن بنتي حآولت تتحمل وتكمل بس مآقدرت ..

وأنتي قوليله نفس كلآم أمج أنه جتج نفس ومآقدرتي تكملين قولي مو بيدي أتضآيق ؟..

ودشي كليه ثآنيه والله يوفقج فيهآ ..















.

 

[brstej]

ماعليه حبيبتي مافيها شي

قوليله ماجوف نفسي بالهتخصص وغيرته خو ماله حق يتحكم بدراستج وميولج

وسوي فلم هندي عليه

وكلهم قوليلهم نفس الحجي

بس اهلج ماتقدرين تجذبين عليهم خو يعرفونج قوليلهم الصج

وربي يكون بعونج ويسخرلج ريلج ياارب

 

[حكاية شهرزاد]

خلج قوية ,, قولي له ماقدرت ,, وصيحي عليه وتدلعي ..

 

[متى اشوف الفرح؟]

يا بنت انا من رايي ما تجذبين وتحاولين تفتحين معاه الموضوع بهدوء

وتقولين له الصج ويمكن يعجل الرجال ويتزوجج بسرعه هههههههههههههه احسن يعني ما تتاخرون

وبعدها دشي اي جامعه وكملي وربج كريم