وين أسكن في دبي ؟

[أميرة-]

السلام عليكم

عندي سفرة سريعة عقب العيد لدبي وصراحه ماكنت مخططه لها فالميزانية مو ذاك الزود :eh_s(2):

بقعد 9 ليالي تقريبًا ودي بسكن زين وسعره معقول

شنو تنصحوني فيه

ودي بفندق عشان الريوق بس لو الشقق الفندقية تطلع ارخص مايمنع .. احنا 3 اشخاص

مممم انا خبري بدبي من قبل 10 سنين بس اتذكر رحنا مع الوالد وسكنا بالشارجه ماكانت بعيدة .. وبصراحة اذا شفت اسعار السكن ارخص احتمال اسكن بالشارجة

شنو رايكم :eh_s(10):

 

[((غلاي))]

الشارقه يم دبي عشر دقايق او ربع ساعه حلووووه

في بدبي شقق فندقيه وايد
شوفي العضوة ام مريووووم كانت رايحه دبي و حاطه اسم الشقق الي سكنتها و يم السوق ورخيصه
تروحين و تردين بالسلامه

 

[الباسمه]

انا سكنت بفنادق وغاليه شوي ومره سكنت رامادا دبي يطل عالنافوره بس همن غالي
اذكر البنات يمدحون الشقق الي يم الامارات مول رخيصه ونظيفه والمترو يمج ومول الامارات
بالتوفيق احبببب دبي

 

[om MaRyooM]

اذا تبين شقق رخيصة ونظيفة وشي محترم عندج منطقة البرشاء
يم مجمع امارات مول بس شووي بعيدة عن دبي مول وشارع الشيخ زايد

واذا شقة قريبة من كل شي وبالذات المطار ودبي مول عندج شقق تشيلسي تاور تهبل


وفي بعد شقق ستي سنتر رخيصة


وتروحون وتردون بالسلاامة

 

[شيخة الحلوة]

عندج فلورا بارك حلوة قريبه من سيتي سنتر
بس انا للامانة مجربتها قبل ٥ سنين ماادري عنها الحين
بس شقق فندقيه وراااقيه

 

[دخون ازرق]

أنا اسكن دائم بالمرسى الشقق هناك حلوة وراقية وعندك منطقة ألجي بي أر بس شققها غاليه شوي وفنادقها منتجعات عال بحر بس أنا ما ادري عن ميزانيتج وعندك دبي فيستفال سيتي فيها الإنتر كونتننتال حلو وفيها مركز تسوق ومقاهي وتمشي

 

[7oor-el3uoon]

انصح ب لوتس جراند
انا سكنت فيه ٥ ايام عجيييب
نظيف وكبير احنا ٣ حمامات و غرفتين ومطبخ كبير وصاله وبلوكنه ونظييف واي شي تبينه اييبونه لج
اهوا بدبي تحديدا بديرة
وهذا رابط شوفيه في الغرف عجيب
Lotus Grand Hotel Apartments Dubai United Arab Emirates - Best discount hotel rates
واتمنى فدتج

 

[رتبه دبلوماسيه]

عندج فندق كوبثورن يهبل ورااقي

 

[روز بآريس]

سسسسسسسسسسسيييييدآآآ روووووووحي ( فلورآ بـآرك )
رووووووووووووووووووووووعه وربي والصاله اكبر من الفندق يمكن ورآقي الفندق
وفي جآم كبيرة بالصاله تفتحين الستارة اطل على الشمس والعماير الطويله والحلوه ماشاءلله ولا تترددين بسس هآآآ.؟؟ ترآهوو غــآآآلي الليله ب 1000 يمكن وربي مايتطوف والاسستقبال ولا اروع
والله يوفجج

 

[لؤلؤة دبي]

الفنادق القريبة من دبي مول مثل فندق قمر الدين والمنزل
والفنادق القريبة من فاستيفال سيتي مردف سيتي سنتر كراون بلازا وانتركونتنتال
الفنادق القريبة من امارات مول بولمان وكمبنسكي