وين أسافر؟ واشلون أحجز بالنت ؟

[حيوته]

السلام عليكم ورحمة الله وبركاته

خواتي العزيزات طلبتكم قولوا تممممممم :tek:

أنا في حيرة وقلت محد يخلصني من حيرتي غيركم وأدري ماراح تقصرون صحححححححححح ؟؟؟؟ :0bee2e8d89:

صار لي 7 سنين مو مسافرة كلللللللللللشششششششششش

هالسنة رضى ريلي نسافر ولله الحمد وفرنا جم بيزة على قدنا فشرايكم وين نروح عيالي الصبيان يبون مانشستر وأنا خاطري تركيا والبنات يبون مكان فيه ثلج وبراد وألعاب وريلي يقول واحد من ربعه مادحله النمسا يقول حلوه ورخيصة إنتوا خواتي اشرايكم ؟؟؟

أبي مكان مو غالي وايد وحلو ..

أنا ودي نسافر قروب ريلي مو راضي يقول يطلع أغلى مع القروب تصير تقريبا التذاكر على 800 دينار للشخص وانا اقول قروب أأمن اشرايكم ؟؟

سمعت إن الحجز بالنت أوفر منو تعرف مواقع وتعرف اشلون تحجز وتعلمني ؟؟

عفية بنات ردوا علي بسرعة الله يوفقكم قبل لا يهون ريلي والي بترد علي بدعيلها دعوة من كل قلبي ..

يعطيكم العافية مقدماً

 

[كويتية أصيله]

حبيبتتي القروب يطلع عليكم وايد غالي ........ الأحسن تحجزون بروحكم بس ما أفضل تروحون النمسا لأنها غاليه .....مو بالضروري الحجز بالأنترنت يكون أرخص لازم تقارنين بين مكتب السفريات و الأنترنت...... بالنسبه للأمان أوربا الحمد لله أمان إنشاء الله.....

 

[حيوته]

مشكورة حبيبتي ما قصرتي الله يعطيج كل الي تتمنينه ياكويتية أصيله صج انج اصيله رديتي علي وماقصرتي

 

[ام مهودي]

حبوبه القرووبات والسفرياات غاليه اذا تبين تحجزين منهم بس حجزي التذاكر وبالنسبه حق الفنادق عندج هالمواقع اسعارها معقوله انا مجربتها
www.booking.com
www.activehotle.com
www.expedia.com
وعندج سفريات الرابيه اسعارهم زينه ارخص من غيرهم

 

[afesa]

انا من رايي روحي ماليزيا حلوه وفيها اماكن حلوه حق اليهال واذا تبين تحجزين عالنت وايد يطلع لك ارخص بالنسبه للطيران دشي على موقع الشركه مالت الدوله اللي بتروحيلها يعني اذا بتروحين لندن حجزي عالبريتش ايرويز واذا ماليزيا روحي عالماليزيه وشوفي اسعارهم والقطريه زينه وحلوه واسعارها معقوله ....وبالنسبه للفنادق اذا انتو عايله كبيره اخذي شقق فندقيه عن طريق النت وراح يطلع لك ارخص
بالنسبه للجو ما فيه دول بارده بالصيف الا استراليا يكون عندهم شتا واستراليا وايد غاليه وبعيده واوروبا جوها حلو ومعقول بس وايد غاليه بالنسبه للمعيشه والمشتروات والنمسا حلوه وطبيعتها عجيبه بس لازم تروحين زلمسي بعد واذا تبين اي شي انا حاضره وعندي خبره بالسفر العام رحت ماليزيا واستراليا وقبلها رحت اوروبا وحاضرين

 

[Anestazya]

اختي منو تذاكرها ارخص الماليزيا والا تركيا ؟

وشلون احجز على النت جان زين تشوفيلي اسعارهم حق شهر 7 منو الاحسن ؟ واكوون شاكره لج

 

[أم صالح]

يالغاليه اولا ماانصحج بالقروبات ملل ومايعطون المكان اوالدوله حقها بالاضافه انا غاليه

ثاتيا انتبهي الحجز بالنت للتذاكر يمكن ارخص بس بشي بسيط لكن اذا صار اي طارئ مثل بتغيرين الحجز بتجدمين اوبتاخرين او تكنسلين افلوسج ماترجع وتدفعون مره ثانيه صج المكتب ياخذ زياده بس 10 دنانير بس اضمن انا مجربه حجزت عالقطريه بالنت وقبل لا ادفع رحت دناتا عطاني نفس السعر بس خذه عموله 10 على كل تذكره

ثالثا ماانصح بتركيا صج حلوه ويمكن تحصلين تذاكر رخيصه بس اهيا ديره غاليه نار وشعب نصاب مايحبون العرب وخصوصا الحين كلها اكراد يعني تكلفتها توديج احلى دوله باوروبا

النمسا حلوه بس تملين اذا زادت المده عن اسبوع انا مع لندن بارده وحلوه وممكن تتنقلين فيها روحي مانشستر ارخص شوي من لندن واسواقها نفس اسواق لندن واحلى ومافيها عرب وايد
واذا تبين تسكنين بشقه بلندن ممكن ادلج علي واحد مصري عايش هناك ياجر شقق اسعارها رخيصه بس ترى عاديه موفخمه اذا سامعه في بارك ويست هو مجمع سكني مافيه خدمة تنظيف بس الموقع ممتاز ماتحتاجين التكاسي وايد
كل شي يمكم

 

[حيوته]

السلام عليكم جميعا ورحمة الله وبركاته

الله يعطيكم العافيه يلي رديتوا علي مشكورين وما قصرتوا الله يرحم والدينكم .. :ggdw:

حبيبتي أم مهودي الله يخليه لج ياااااارب ويرزقه أخوان وخوات ويكونون من الذرية الصالحة يارب ما قصرتي حبيبتي عساج على القوة

الغالية عفيسة أنا رايحة مليزيا وفعلا روعة بغيت أغير الله يعطيج العافيه وينولج الي في بالج ياااااااااااااارب

أخخخخ يا أم صالح أخخخخخخخخخخخ لو كنت شايفه ردج قبل بس مالله كاتب لله الحمد على كل حال مشكورة يالغالية الله يعطيج العافيه ويخليلج صالح ويرزقه خوان وخوات ويبلغج فيهم يارب

للأسف آنا شفت الرد متأخر وصكت فيني الدنيا لأن ريلي حجز وما نطر بس إن شاءالله يارب خيرة بيودينا تركيا ويالله يارب تكون رحلتنا حلوة ادعولي الله يخليكم :0bee2e8d89:

رحلتنا عن طريق سفريات المستقبل يارب تكونون سامعين عنهم عشان تبشروني لأن صج صج ضاق خلقي .. :cxxxp:

أدري تعبتكم وياي بس ميخالف إنتوا طيبين وآنا استاهل .. :tek: .

 

[أم صالح]

يالله اللي ربج كاتبه يصير وان شاء الله المره اليايه لندن وكل شي قسمه وان شاء الله تكون رحاتكم حلوه وسهاله وتستانسون كلكم وتروحون وتردون بالسلامه