وين أبلات الانجليزي الحلوات

[مشغوله و محتاسه]

انا برابعه خلصت 19 و باقي revision بس ..

و لازم نخلص المنهج .. لان منهج رابعه مو مضغوط مثل ثالثه ..
و انتم كمعلمات سوو اللي عليكم ... شرحي ان شاء الله لواحد و خلصي ضميرج


الرهف حياتي .... بس حجي ... حزة الصجيه ان ما خلصتو ... بيسائلونكم !!

موجهتنا الاولى قالت هالحجي .... و بنفس الاجتماع قالت مالكم عذر ما تخلصون ...!!! ديرو بالكم

 

[فديتج يا كويت]

والله حاله



تدرون احنا المدرسه الاولى قالت لنا قبل شهر لا تستعجلون .. والحين قالت مشوا بالمنهج قد ما تقدرون والصبيان صايرين حوسه .. مو راضين يستقبلون اي معلومه

احنا بخامسه 13 ورابعه 15


ما يندرى نقدر نمشي ولا لا ..

 

[هوى الدار]

انا بعد معاكم احنا مشينا منهج ثالثه ركض الابلات ياخذون حصص اضافيه علشان ما نتاخر لان سمعنا كلام ان في استفسار راح يوصل للمدارس الي متاخرين بثالثه
احنا بثاثه الحين بنبدا 16 وباجي المراحل تقريبا باخر وحده
انا بمبارك الكبير

 

[tiny heart]

أنا مالي شغل في هالسوالف

 

[رومية]

انااااا ابلة انجليزي ابتدائي ....ادرس ثانية ورابعه ....و مو حابة وظيفتي كلش للاسف .

 

[مشغوله و محتاسه]

روميه ليش حبيبتي ؟؟

شنو اللي مضايقج بالضبط ؟؟
قولي خلينا نتناقش و نشوف الحل ... يمكن يكون مجرد احباط عاااابر مرينا فيه كلنا ...

 

[هوى الدار]

مشغوله ومحتاسه حتى انا والله كاهه التدريس وخاصه هالمادة ياربي صعبه على الجهال وما يفهمون بسهوله غير اولياء الامور يغثونج ماتدرين شتسوين
الله يعييييييييييييين

 

[ام المزايين]

هلا حبيباتي انا مدرسة انجليزي

ادرس ثانيه وثالثه

بس توبه ماراح ادرس ثالثه بعد تعب مو طبيعي

 

[ريفيل]

بنات بغيت اسالكم شرايكم بتوجيه الانجليزي بالفروانيه ..

 

[مشغوله و محتاسه]

هوى الدار .. حبيبتي نفس السؤال .. ليش ؟؟
خلونا نسولف عن اللي ما يعجبنا بمجالنا ... واذا ما لقينا الحل ... عالاقل نكون فضفضنا مع بعض ..


ام المزايين ... ترى منهج ثالثه السنه اليايه ... راح يكون مخفف وايد .. يعني لا تعلنين التوبه النصوح منه



و عندي نفس سؤال ريفيل ... من باب الاطلاع على احوال جيرانننا في المحافظات الاخرى

 

[هوى الدار]

مشغوله ومحتاسه اكيد انتي عارفه تعب التدريس وخاصه مادتنا لها صعوباتها وتعبها وانا كنت ادرس صبيان والحين انا قائمه باعمال وناجحه اشراف والمسؤوليه صعبه .

 

[الرهف]

الله يعينا يا مدرسات الانجليزي

 

[love^angel]

انا بالفروانية صراحه توجيهنا على حسب الموجه يعني في موجهين زينين وفي موجهين X
وتلقين موجهين يقولون شي واذا سويتيه يقولون ليش مسويه جذي
احنا موجهنا زين بس يبط الجبد يدقق عالتحضير بشكل مو طبيعي ياخذه منج ويقعد يحط خطوط وعلامات استفهام ومادري شنو
لدرجة ما يرضى تكتبين casette .. لازم C.C.sec
يعني class casette section .... عاد انتي تكتبين اي section انتي بتسمعينه

 

[مشغوله و محتاسه]

هوى الدار ..
قائمة باعمال المشرفه ؟؟ عيل خلي التحلطم لنا احنا موفقه يا رب و عقبال ما تصيرين مشرفه بشكل رسمي

الصبيان والله يبون طول بال بس .. و تنويع بالوسائل .. و تحضير جيد للحصه ... و تمشي الامور من افضل ما يمكن ..


انجل ...
شنو C.C.sec ؟؟! يا حسرتي توني اسمع عن هالمصطلح ... محد طلبه منا من قبل الحمدلله ... من وين يطلعون هالسوالف ؟؟ حتى بكتاب المعلم مو مكتوبه ... ولا انا غلطانه ؟:\

بعدين شكو يشخط على دفتر الابله ... يعطي ملاحظاته و بس .. لان مو حلوه بتضل الصفحه طول السنه بالدفتر ..


موجهنا احنا بس يدقق على التواريخ .. يعني مره انا كنت غايبه و "استعبطت" و ما عدت التحضير ... جان يجكني مع انه من شهرين كان ... بس رد رد رد وراا بالتحضير يجيك .. ماشاء الله عليه

 

[هوى الدار]

مشكوه محتاسه والله يوفق الكل

 

[سويدة]

انا بعد وياكم و انشاء الله بنساعد بعض في هالمادة

 

[مشغوله و محتاسه]

يا هلا سويدة ..

ان شاء الله نساعد بعض و ما نقصر عن بعض ..

درستي اى مرحله هالسنه ؟؟