وينكم ياخبيرات ... ماليزيا

[وين الوفاء]

وينكم ياخبيرات ... ماليزيا محتاج فزعتكم أول مره ارووووح لمليزيا ساعدووووووني
ودي اشتري بدل حق اليهال لاني راح ارد من السفره قبل رمضان بيوميين ودي اشتري بدل العيد وفتك من دوخه السوقه والفرفره وخلص ...اذا الله سهل ...تكفووووون ساعدوني
وأحسن الماركات والمجمعات :yaaaaaarb::yaaaaaarb::yaaaaaarb:

 

[وين الوفاء]

شدعوه مافي أحد رد علي عالعموم مشكورييين .....ياحبايبي

 

[دموع-الاصايل]

السلام حبيبتى

رحى مجمع سوقو رهييييب و كل شى فيه. عباره عن ادوار كل دورعباره عن قسم و لا تطوفج ملابس الاطفال تهبل و قسم الجناط راح تحتارين فه

و مجمع بافليون بشارع العرب كله ماركات بس فيه محل ملابس نسائيه حق مصممين ماليزيين اسمه تانقو هذا بتحصلين فيه لج للعيد ملابسه حلوه
و فيه مجمع توه فاج قبال البافليون اسمع فهرنهايت اسعاره ارخص من البافليون
و لا يطوفج محل باركسون عباره عن تجمع للماركات حوسى فيه بتصلين اشياء حلوه

 

[وين الوفاء]

مشكوره حبيبتي يا دموع-الأصايل جزاك الله
الله يوفقج
راح اروح ان الله شاءالله
.......................................​

 

[وين الوفاء]

ماعليج امر دموع -اصايل وين صايرمحل باركسون في اي مجمع ....ومحل تانقو في مجمع بافليون

مشكوره حبوبه​

 

[دموع-الاصايل]

هلاحبوبه اى محل تاقو بمجمع البافليون لونه احمر باسود
و باركسون تلقينه باكثر من مجمع فيه بالبافليون و فيه بمجمع سوريا اللى تحت التوين تور
و هم باكثر من مجمع بشارع العرب

بس انتى وين بتسكنين ؟؟؟؟؟ اذا بتسكين بالميلانيوم احسن لج يصير بافليون جمبج و فهرنهايت قبالج و بشارع العرب عند المطاعم و الاسواق و الفندق نفسه حيل حلو

 

[وين الوفاء]

مشكوره علي الرد ...متأخره علي طول من لويه اليهال ...شوي معاي لاب وشوي مع اليهال
المهم انا بسكن فندق ميلينوم رجنت سابقا .....والله خايفه من الفندق كل واحد يخوفني من صوب ... والله الفندق شوي غالي وتعرفيين ربع الديواينيه يحبطون زووجي يقولون غالي علي الفاضي ..... ضيق خلقي قبل ماأرووووح
مشكوووووووووووووووووووووره حبيبتي الله يوفقج وين ماتروووحين

 

[دموع-الاصايل]

لا بالعكس الفندق فخم و يستاهل و بوفيه ريوقهم مو طبيعى حيل حيل لذيذ .
بعدين الصراحه السكن حيل مهم يعنى اذا ما ارتحتى بالسكن احس سفرتج بتخترب
روحى وانتى مغمضه كل شى عندج المطاعم اللبنانيه و ماكدونلدز و طقتها و ستاربوكس
واذا تبين سكن نفس المستوى بس ارخص شوى لانه مو بشارع العرب اسكنى بفتدق امبيانا هذا انا سكنت فيه جمب التوين تاور اروح مشى للتوين تاور بس اذا تبين شارع العرب لازم تكسى تقريبا يبعد 5 دقايق بالتاكسى


اذا تبين حل وسط اسكنى امبيانا اول ما تطبين كوالا واذا سافرتى لنقاوى او بيبننق و رجعتى اسكنى بالميلييوم علشان التسوق

 

[وين الوفاء]

مشكوره حبيبتي يادموع -الاصايل اول سفرتي كولالمبور 3 أيام في فندق ميلينوم وبعدها ...جزيره بيتنق 6أيام ومحتاره وين اروح بعدها ؟؟؟؟؟؟؟ بين جزيره جنتج احتمال قعد فيها 3 ايام ...... أو لنكاوي واخر السفره كولالمبور مده سفرتي 20 يوم
ومشكووووووورره من قلبي والله عطتيني امل... الله يفرجها لج وين ماتروووحين تعرفين الزمن تغير محد يعلم إذافيه خيير

 

[دموع-الاصايل]

هلا حبيبتى
شوفى جنتنق ترا مو جزيره
جنتنق منطقه فوق الجبل بارده و عباره عن فندقين و مدينه ملاهى كبيره حييييييل بس ما فيها شى ثانى
وفنادقها ما يمدحونها بالصيف انظافه لج عليها
نا رحتلها وم كامل من الصبح و مارديت الا بليل و احس حيل كافى عليها
قريبه من كوالالمبور ساعه او اقل اذا مانى غلطانه نسيت والله جم المده بالضبط

انصحج تروحين لنقاوى عندى احسن من بيننق
او روحى بيننق جم يوم و من بينق للنقاوى
اقرى موضوع وحده من العضوات عنوانه (رايحه ماليزيا حياج ) كتبت فيه عن المناطق و الفنادق

 

[نسر ماليزيا]

بسم الله الرحمن الرحيم

اماكن التسويق ليست فقط بافليون يوجد ايضا اكبر مجمع تسويقى اسمه ميجا مول

واسعاره وسط وماركات ويوجد ايضا فى شارع العرب بيبى بلازا ويوجد ايضا

الصنواى بيرميد ولا تنسوا ان البافليون صاحبه من الكويت واغلب السياح العرب

الكويته قالو ان هذه الماركات كلها موجوده فى الكويت بنفس الترتيب فى المحلات

واما عن فندق جراند ملنيوم فهو 5 نجوم ويتميز بالخدمه الممتازه

واما عن مرتفعات جينتينج هايلاند فهى فعلا تبعد عن كوالالمبور بساعه

ويوجد بها 3 فنادق 4 نجوم والخدمه ضعيفه ويوجد 2 فندقين 5 نجوم

والخدمه بهم عاليه جدااا ويمكنكم زياره جينتينج هايلاند والعوده فى نفس اليوم

وذلك لانها لا تحتاج الى المبيت يمكنكم ان تتمتعوا بيومكم بالكامل لزياره اولا مزرعة الفراوله

وركوب الترفليك ومن ثم الالعاب وهى عباره عن العاب الكترونيه والعاب داخليه والعاب خارجيه

ويميز الالعاب الداخليه بيت الثلج وبيت الرعب ويوجد ايضا محلات للتسويق

 

[وين الوفاء]

مشكوووور............................ نسر ماليزيا
س سؤال ؟ مده سفرتي 23 يوم
3أيام في كوالالمبور ..... وبعدها 5 ايام في جزيره بينتق
ومحتاره بين جزيره لنقاوي أو جنتنج اي اقرب لي وانا في جزيره بنتق؟
تنصحني أي نوع استخدم في المواصلات علي فكرة معاي اليهال؟
مشكور ياخوي

 

[نسر ماليزيا]

الاقرب من جزيرة بينانج هى لنكاوى وجزيره لنكاوى عباره عن جزيره يحاوطها البحر من كل اتجاه وافضل طريقه للوصول

وطريقه ممتعه هى الفيرى ( العباره ) وتستغرق 3 ساعات و45 دقيقه وسعر التذكره ثابت 60 رنجت للشخص ويمكنكم حجز

التذاكر عن طريق الفندق ملحوظه : ميعاد العباره اما الساعه 8 صباحا او 8 ونصف صباحا وفى بعض الايام رحله زياده الساعه

9 صباحا

ويوجد ايضا الطيران من بينانج الى جزيره لنكاوى

اما من بينانج الى جينتينج هايلاند عن طريق الطيران من بينانج الى المطار الداخلى بكوالالمبور ثم بالسياره الى جينتينج هايلاند

او بالسياره من بينانج الى جينتينج هايلاند وتستغرق 5 ساعات ونصف

 

[وين الوفاء]

مشكور ... ياخوي نسر ماليزيا وكثر الله من أمثال