ويـــــــن تلَعبون عيــــالكم؟

[Snow-White]

مرحبا امهات شلونكم

بغيت اعرف وين تودون عيالكم تلعبونهم يعني اماكن حلوة ومايكون فيها زحمه وايد ويكون فيها زحلاقيات ونطاطيات وكور..يعني ...ابي اماكن غير ديسكفري والأفنيوز" ماجيك بلانت"؟

او مثلا حدايق حلوة نظيفه يكون فيها ألعاب


شاركوني وعطوني اقتراحاتكم :eh_s(7):
​

 

[๓ίşś зśŏłả..!]

عندج حولي بارك
استانس عليها وهاديه بس احب اودي بنتي بأيام المدارس عشان تكون صج خفيفه
وعندج بعد حديقه الشعب فيها العاب وايد لليهال

 

[Snow-White]

مشكورة مس عسوووله بجرب هالاماكن

 

[أنفاسي دخون]

المقاهي الشعبيه يستانسون فيها حيل والشميمري وكويت ماجيك ويوم البحار والمدينه الترفيهيه يوم الجمعه فاضيه

 

[Snow-White]

مشكورة أنفاسي دخون. خوش اماكن ولله بس ما عرفت شنو الشميمري. يعطيج العافيه

 

[أحـلام * ورديـة]

للاسف ولدي ما يحب يلعب بس يبي يشوف اليهال شلون يلعبون يستانس لووول

 

[Snow-White]

احلام ورديه. يحلييييله ولدج خلاص وديه اي مكان ألعاب خل يتطمش علي اليهال ويستانس

 

[الأميرة جوري]

انا احب حولي بارك يستانسون عليها

 

[Q8tya_GirL]

مجمع المارينا الالعاب اللي فوق
ستي سنتر السالميه العاب طفل المستقبل
وندر لاند المنصوريه
كارتون نتورك اللي يم دوار دسمان

 

[moltencake]

مشكورة أنفاسي دخون. خوش اماكن ولله بس ما عرفت شنو الشميمري. يعطيج العافيه

القهو الشعبيه اللي في واجهة سوق شرق جدام مستشفى الاميري

 

[ريكاتو]

عندي التوب حولي بارك ونيس وشرح وصج صج يستانسون فيه اليهال وايد

 

[Snow-White]

[COLOR="Purple"[COLOR="black"]]الاميره جوري. حولي بارك حلوة بس زحمه وايد[/COLOR]

[/COLOR]Q8tya-Girl. يسلموو. بس كارتون نت وورك شنو فيه. ولا مره رحتله

Moltencake شكرا علي التوضيح

ريكاتو. يعطيج العافيه

 

[Fashion Falls]

حديقه الخالدية وايد حلوه اللي ورا الجامعه انصحج فيها
وحديقه جمال عبدالناصر توهم مجديدنها اللي بالروضة

 

[Snow-White]

يعطيكم العافيه

 

[بتبوتااا]

انا اوديهم كويت ماجك والحين حاطين مكان لليهال الصغار ومحاوطينه بسور وتخلين معاهم الخدم وايد عجبتني الطريقه وفيها نطاطايات وزحلاقيات وقواري وسيارات وكل شي حياتي وغير لالعاب الي بره وغير الي عالبحر ,,

وهم حولي بارك حلوو والشعب والقهوه الشعبيه

بالنسبه للحدايق ..

حديقه ابو حليفه بجانب ابل بيز + حديقه الفنطاس توها يديده طازه بجانب شاطئ العقيله

امم عندج مجمع اجيال + البيرق كلهم فيهم طفل المستقبل ,,

 

[مي الحلوة]

احب اوديهم حديقة ابو حليقة فيهااااا العاب وولدي يموت علي لعب الكورة..
وهم البيرق..والحين صار لنااااا فترة نحب نروح شاطيء العقيلة بس وقت الايام العادية
لان تلوع جبدي من الزحمه بالويك اند...

 

[حرم بدر]

شوفى القهوه الشعبيه مقهى الفروانيه وااااااااااااايد حلوه يم مستشفى الفروانيه


روحى قرية الطفل في نادى التضامن بالفروانيه


قهوه الشميمري جبال مستشفى الاميري


ارض الاطفال الي بالشرق وايد حلو وكبير يونس بصراحه

 

[أنفاسي دخون]

مشكورة أنفاسي دخون. خوش اماكن ولله بس ما عرفت شنو الشميمري. يعطيج العافيه

العفو حبيبتي الشميمري نفس المقهى الشعبي مكانه يم سوق شرق

ملوا عيالنا من ماجيك بلانت وديسكفري وطفل المستقبل خليهم يعيشون نفس طفولتنا

 

[Snow-White]

يعطيكم العافيه بنات ... ماتقصرون

 

[احساسي غريب]

بعد اذن الأخت صاحبة الموضوع انا داشه عرض
بنات وين مكان حديقة ابو حليفه بالضبط؟ اسمع فيها بس مادري وين صايره