رد : (( ويجمعهم القدر بعد مر الزمن ,, احمــد ونـــور )) رواية بقلمي taboolaaaa
بارت (( 11 ))
وصل مسج حق نور .. يوم شافت المسج استغربت ؟؟
احمد : شفيج ؟؟ من منو المسج ؟؟
نور : من وحده معاي بالدوام !! تسألني شلونج وانا قاطعة وشلون الزواج معاي ؟؟!!
احمد : وشفيج مستغربة ؟؟ عادي
نور : لا .. هذي علاقتي معاها سطحية ؟؟ يعني سلام الدوام بس .. مو معاها وايد !!
احمد : والله مادري عنكم !! يمكن حبت ترافجج يعني تتعرف عليج اكثر !! بس يعني شسالفتها ؟؟ تدور ربع يعني ؟؟
نور : هههههه احمد شفيك ؟؟ يمكن صج تبي تتعرف اكثر .. وانا مو نوعي اقول لا .. يعني عادي
احمد : والله انتي ادرى بالبنات .. انزين ما ودج تطلعين ؟؟
نور : امبلا .. بس تو الناس !! توها الساعة 6 المغرب
احمد : اليوم ويك اند .. زحمة .. وعلى ما تلبسين صارت الساعة 7:30 .. وعلى ما نوصل بهالزحمة 8:30 وعلى ما نلقى مكان الا صارت الساعة 9 وشي !! قومي بابا قومي
نور : هههه انشالله .. بس ممكن حمادة حبيبي يوخر شوي عشان اقوم ؟؟
احمد : هاا !! لا خلاص تو الناس عالطلعة
نور : هههههه
.........................
ريم وصلت البيت .. قطتها فرح وردت بيتهم .. وصعدت على طول فوق .. سمعت تلفون البيت يرن .. خافت وحطت ايدها على قلبها .. ووقفت عالدري تسمع امها تكلم منو ؟؟
ام طلال : الو ..
ام فهد : الو السلام عليكم
ام طلال : وعليكم السلام يا هلا ام فهد ؟؟ شلونج وشلون فرح والعيال
ام فهد : والله تمام الحمدلله .. انتي طمنيني شلونكم شخباركم ؟؟ وشخبار ريومة من بعد اختها هههه
ام طلال : والله الحمدلله تمام .. ههه والله تحاتي منو يطلعها من عقب نور ...
ام فهد : والله يام طلال من غير لف ودوران انا ابي ريم عندي
ام طلال : شلون يعني يخيتي ؟؟
ام فهد : يعني ابي القرب منكم .. طالبة ايد ريومة حق ولدي العود فهد .. شقلتي ؟؟
ام طلال : والله فاجأتيني .. ولدكم ريال بمعنى الكلمة ما يعيبه شي بس تدرين اشاورها واشاور اختها واردلج خبر معنكم ما تنردون والله بس هذي الاصول
ام فهد : كلامج عين العقل والزواج هم قسمة ونصيب والراي راي البنت
ام طلال : والله انكم ذهبة يام فهد
ام فهد : تسلمين حبيبتي والله .. اخليج انا الحين .. تامريني على شي ؟؟
ام طلال : سلامتج حبيبيتي مع السلامة
ام فهد : مع السلامة حبيبتي
ريم سمعت كل شي ,, وقلبها بغى يوقف من الوناسة ,, بس هم خايفة ,,
بحكم عمرها صغيرة ,, واهيا مو متعودة عل فهد ,, ماتدري شتسوي
بس انا احبه ,, اي احبه ,, كل شي يثبت اني احبه ,, مو قادره اخش اللي بقلبي اكثر من جذي
احــــــــاول اخـــفـــي إحـــســـاســـي .. ولـــكــــن بــالـــعـــشــق مـــفـــضـــوح
دشت دارها ,, شافت فونها يرن ,, مسكت فونها ولا فهد قاعد يدق عليها ,,
حست بقلبها يرجف ,, ترددت ترد ولا لا ,, بس بالاخير قررت ترد .....
ريم : ................
فهد : الـــــــــــــــو !!
ريم ( ساكته ) : ..............
فهد : ريـــــــومـــــــــة ,,,
ريم ( بصوت غصب ينسمع ) : هـــــلا
فهد : هلا بهالصوت ,, اي جذي خلينا نسمع هالصوت الحنون اللي ادوره من زمان
ريم ( ساكته ومستحيه ) : .............
فهد : ريم اتوقع انج عرفتي بكل شي ,, ودريتي اني احبج ,, وتوى امي مكلمة امج اذا ما تدرين ,, ريم انا اموت فيج ,, ومن زمان ,, اعرف عنج كل شي ,, شتحبين شتكرهين ,, كل شي ,, اعرف اللي يونسج واللي يضايقج ,, بس مع هذا حتى لو رفضتيني بتّمين الاولى بقلبي ,, بتّمين اول وحده عشقها قلبي ,, وانا ابي الجواب منج الحين ,, ممكن ؟؟
ريم ( ساكته ) : ........
فهد : افهم سكوتج موافقه ولا لا ؟؟
ريم ( مستحيه ) : ........
فهد : خلاص يبا ,, الله يوفقج ,, وانا اسف اذا سببتلج احراج ,, اخليج الحين
ريم : فــــــــهـــــــــد !!
فهد : ياروح فهد ....
ريم ( تجرأت ) : احــــــبــــــك ....... ( وسدته )
ريم ( تكلم نفسها ) : اي احبه ,, خلاص انا ليش اخاف انه يقص علي ؟؟ اهو خطبني ,, يعني اكيد اللي يقوله صج ,, احبك فهد ,, توني ادري اني احبك بس كنت اعاند نفسي ,,,
احــــبــــك حـــب مــــــا أقـــــدر أعــــــانــــد فــــيـــه إحــــســـاســـي
..................
دلال دزت المسج واهيا وجاسم بادين اللعبة اللي بتكسر قلب اثنين يحبون بعض ....
ذنبهم انهم حبوا بعض حب شريف ونهايته كانت الزواج ...
نور واحمد كانو ضحية واحد ما يعرف معنى الرحمة .. تعود اللي يبيه يوصل له من غير مذله ...
تعود كل من يذله يعذبه .. مو اهو اللي ينذل ولا ينرد له طلب ....
جاسم : ما ردت عليج ؟؟ طولت جنها !!
دلال : مادري جاسم بس ماتوقع ترد الحين .. توها متزوجه البنت اكيد قاعده مع ريلها الحين ..
جاسم : هههه خليها مجابلته ما رده بيهدها .. بتصير قطتها قطة الجلب وحده
دلال : انت شناوي عليه حبيبي
جاسم ( يلمها ) : بعدين بتعرفين ياروح حبيبج ( ويبوسها )
دلال : بنشوف افكارك لي وين بتوصلنا
جاسم : هههههه بتشوفين ( ويرد يبوسها )
............................
كانت سرحانه .. مجابله البحر .. تغني بصوت مو مسموع .. تغني حق روحها ..
احـــــبك .. بــــس خـــــــايـــف تـــــمـــــل .. وتــــفــــل
تفكيرها فييه .. تكلم روحها ....
....... : احبه ,, وميته فيه بعد ,, بس مشاكلي وايد ,, مابي يتأذى معاي
...... : منو سعيد الحظ اللي تحبينه وتوتين فيه
لفت ويهها وابتسمت ابتسامه كلها حب وحنان ....
..... : حبيبي انت هني ؟؟
....... : سهى حبيبتي .. يا روحي انتي .. انا ابيج .. صج اني مادري عن مشاكلج بس انا ابيج .. والله اني احبج .. مو بهالسهوله اوخر عنج شفيج ؟؟ مو كل واحد صارت حق حبيبته مشاكل هدها او العكس .. بالعكس .. هذا اللي يثبت الحب .. المشاكل تثبت كل شي .. سوسو احبج !!
سهى : بس طــــلالـــــ ..... !!
طلال : بس انتي شيلي هالافكار من راسج .. بعدين وين مرت ابوج مو معاج ؟؟
سارة ( مرت الابو ) : شتسوون ؟؟ طحت عليكم ؟؟
طلال : الطيب عند ذكره .. ما نسوي شي ... بس ليش خليتيها بروحها خفت عليها وييت عندها .. اسف بســـ
سارة : طلال .. انا واثقه فيك .. سهى امانه برقبتي حتى لو ابوها موجود .. بس ما انسى انها يتيمه .. يعني لو مو واثقه فيك جان سويت سالفه كبيرة .. ويمعت الناس كلهم عليك ... بس انا ادري انك تحبها وناوي تتزوجها .. ولا انا غلطانه ؟؟؟
طلال : والله تسلمين .. ماني عارف شقولج .. حدي مستحي منج
سارة : قول انك تحبها بس
سهى ( استحت ) : ســــــــارة
طلال : احبهـــــــــــــــــــا .. احبـــــــــــج سهوو .. امــــــــوت فيـــــج والله
سهى انقلب ويهها ألوان وسارة تضحك عليهم .......
.......................
ام طلال دقت على نور وقالت لها السالفة .... ونور بدورها فهمت امها الموضوع ..
شاورت ام احمد .. وراحت عند ريم تكلمها بالموضوع .....
ام طلال : ريم يمه انتي مو ياهل وتعرفين مصلحتج عدل صح ولا انا غلطانه ؟؟
ريم : اي يمه صح !! بس ليش كل هذا شصاير ؟؟
ام طلال : هههههه تسوين روحج مو فاهمة يعني ؟؟ كلمتني ام فهد ؟؟
ريم ( استحت ) : اي فهد ؟؟
ام طلال : وي وخزياه .. قلنا ام فهد .. دامج استحيتي يعني تدرين ليش يايتج انا صح ؟؟
ريم ( مستحيه ) : .........
ام طلال : وي يمه على عيارتكم .... افهم من كلامج انج موافقه على عزيز ؟؟؟
ريم @@ : منو عزيز ؟؟؟
ام طلال : هههههههههه اضحك معاج يمه شفيج ؟؟
ريم ( انحرجت وسكتت ) : .......
ام طلال : يعني موافقه يمه ؟؟
ريم : اي يمه ( ونزلت راسها )
ام طلال : عيل مبروك حبيبتي ( وباستها )
......................
مرو اسبوعين ريم وفهد ملجو ,,, قرروا ما يسوون عرس ولا شي ,, لان كلش مالهم خلق عوار راس ,, وهم ريم ما تبي ,, اكتفوا ,, بحفلة صغيرة بين الاهل ,,
فهد : حبيبتي ريوم ..
ريم : ياعيون ريوم
فهد : احبج ,,
ريم ( استحت ) : وانا بعد احبك ( ونزلت راسها )
فهد ( حط صبعه تحت حنجها ورفع راسها ) : ريومتي طول مانا عايش راسها مرفوع ( وباس راسها )
مـــــــن لـــامنــــــي فـــــي حـــــبـــك ,,, اقـــــولــه اوصـــ
الـــقــلــب قـــلــبــي ,,, وشــــــ دخـــلـــك فــــيــــه
توقعاتكم ؟؟؟؟؟؟؟؟