ووين ايماني الحقووني بنات قاعده اغرررق بذنوبي

[عاشقة هواك]

السلام عليكم و رحمة الله و بركاته


حبيبتي , ~


لا تخافين و لا تشيلين هم ~



كلنا سبحان الله نمر بمراحل نكون فيها ضعاف بالعبادة و ما نركز , و نزل و نخطيء و نقصر ~


بس هذا مو معناته اننا ( نستسلم )


على طول الحين وقفي اغاني , روحي صلي ركعتين ~ ..


كل ما تسوين ذنب , توضي و صلي ركعتين , اغصبي نفسج , كل ما سويتي ذنب , قومي توضي و صلي ركعتين ,

اسبوع وشوفي حالج اشلون يصير


الاغاني اتركيهم , الاناشيد الحين ياحلاتهم , لا موسيقى و لا ايقاعات و لا كلام فاضي ~


بس كلمات حلوه و اصوات و الله و الله احلى من اصوات المغنيين و المغنيات , اصوات صافيه و حلوه ما تحتاج ايقاع و خرابيط ~


هذا شيء


الشيء الثاني : انتي مو تقولين ودج تتزوجين بالزوج الصالح ؟؟


عيل ليش تتفصخين جدام المنظره , تبين يصير فيج ( مس عاشق ) ؟؟؟


المس العاشق اعوذ بالله منه : يوقف الزواج + يغتصبج بالليل + يترآءى لج بأوقات متعدده + يكره الخطاب فيح و يخليهم يشوفونج بمنظرقبيح


دشي النت و اكتبي عبارة (المس العاشق ) و شوفي البلاوي

و السبه مراقبه المنظره

تبين يصير فيج جذي ؟؟؟


عيل خلاص , من الحين , سالفه المنظره هذي انسيهااااااااااا الى الابد ~


و ان شاء الله ربي يتوب عليج و يوفقج ان شاء الله ~

ما قصرت

ترى انا نفس حالتج اعوذ بالله فجأة مادري شصار فيني اذا بتتغيرين لازم تغيرن نفسج من

داخل موفقة

 

[سديم الكون]

الحل

تبتعدين عن اي شي فيه سماع للاغاني امسحي اللي بفونج ولا تحطين على قنوات اغاني


حطيلج ورقه وكتبي فيه ((ومن اعرض عن ذكري فأن له معيشة ضنكا )) او اي ايه قرآنيه تحسين انها مناسبه لوضعج وتبعدج عن التغير هذا وحطيها ابرواز مال الصور وحطي على اي مكان بارز بغرفتج وشوفيها كل مره وتذكري وذكري نفسج ان لازم تردين مثل اول تنبذين الاغاني لانه تجيب ضيقه الخلق

 

[الغلا كله لبوي]

الله يهديج وينور قلبج بالايمان

 

[دلوعة أبوهآ]

الله يفرج همك ..

 

[D.manoor]

اللي افهمه انج تدرين وعارفه وين المشكله بالضبط وهي انج لما سمعتي اغاني اختل كل شيء بحياتج واولهم صلاتج صح
انزين انا عندي اقتراح انتي تبيين تقطعين الاغاني بس ما تقدرين او بالاصح مو عارفه الطريقه
اذا عندج احد بالبيت يعني مثلا اختج امج يعني وحدة على طول معاج خليها كل ما شافتج تسمعين تقولج فلانه صكي الاغنية
واذا كان عندج اشرطه احسن شيء انج تقطينهم عشان تبدين صح
طيب ما تقدرين تشتركين بنوادي دينيه تربويه لانه الايمان الحلو اللي فيج يبي من يرفع منه ويشجعه صح
فلما يكون عندج قروب بنات كلكم نفس التفكير والهمه صدقيني راح تنجحين
واشغلي وقتج اي اشغلي وقتج لانج اكيد انتي فاضيه
اشغليه باي شيء حلو وتحبينه مثلا حطي مكياج و سوي لج كيكه حلوة >>> عاد لا تسوين مثلي لما سويت كيك نحاسه مني ماعطيت خواتي بس عطيت امي وابوي ادري غلط بس عشان يحترموني مره ثانيه ولا يغلطون علي ( داشه عرض )
يكفي انج تشعرين بالذنب وهذي هي البدايه
انزين شرايج لو تاخذين ربع دينار او نص وتعطينه لخدامتكم بنيه انج تبين الله سبحانه وتعالى يرضى عنج والصدقه تطفي من غضب الرب سبحانه
انطرج بشوف شصار معاج
(( اخذي ورقه وقلم و حتى لو بمخج
شنو الشيء اللي خلاني اسمع اغاني بعدين قمت اتهاون بصلاتي)))
وابدي بالحل اللي يطلع من داخلج مو من كلامنا

((اللهم يامثبت القلوب ثبتي قلبي على طاعتك آآآآآمين))

 

[أمانيQ8]

مع هب العطر ...
الله يهديج

 

[قطرة من سحاب]

اسأل الله ان يهديج ويتوب عليج وانا وياج يارب

ما دامج تعاتبين نفسج وناقدتها فأنتي ان شاء الله ببداية طريق التوبة

استغفري وتوووبي واستبدلي الاغاني بأناشيد وقصايد بدون موسيقى

الله يوفقج ويثبتج على طريق الحق

 

[غداً القاك]

جددوا إيمانكم فإن الإيمان يبلى كما يبلى الثوب
عليك بمحاظرات الشيخ عبدالمحسن الاحمد وبترجعين نفس قبل واحسن ..
والله يوفقك ويستر عليك ..

 

[عسولة الدمام]

الله يفرج همج

 

[مسك الجنه]

الله يهديج ويثبتج يارب ​

 

[soso.]

الله يهدينا وياج لطاعته يارب صج الدنيا مافيها خير والآخره

اهيا الحياة الحقيقية واهيا الخلود حبيبتي انصحج تشتكين لرب

العالمين لانه سبحانه اعلم بمعاناتج ليش ما تدعين الله

وتستغفرينه ؟


قال تعالى : أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ


وقال تعالى : وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ



جربي تدعين ربج بدون ما تشتكين حق أحد لأن الله سبحانه

يسمع شكواج ويستجيب دعائج ويهديج للخير ترى الله سبحانه

يحب العبد اللي يندم على ذنوبه ويستغفره سبحانه فأنصحج بالإستغفار والدعاء شوفي هالحديث



لله أفرح بتوبة العبد من رجل نزل منزلا وبه مهلكه ، ومعه راحلته ، عليها طعامه وشرابه ، فوضع رأسه فنام نومة ، فاستيقظ ، وقد ذهبت راحلته ، فطلبها ، حتى إذا اشتد عليه الحر والعطش ، قال : أرجع إلى مكاني الذي كنت فيه ، فأنام حتى أموت ، ثم رفع رأسه ، فإذا راحلته عنده ، عليها زاده : طعامه وشرابه ! فالله أشد فرحا بتوبة العبد المؤمن من هذا براحلته وزاده


حديث صحيح


رحمة الله سبحانه مالها حدود ​

 

[سندس 90]

مشكووورات بنات حبايبي عسى ربي يوفقكم ابشركم الحمد لله قمت اسمع قران حيييل ارتحت خصوصا المعيقلي بسورة الاعراف وسمعت محاضرات العوضي والاحمد والاناشيد طحت على نشيده عجيييييبه اسمها هزتني فضييييعه وصلاتي ببداية الطريق يعني الظهر عااادي والمغرب ادعي بسجودي اما الفجرر فأخرررررها دموووع واااي بنات صج احساس حلو لما الواحد يرجع لربه بس ابي منكم الدعاء بالثبات ياااارب ومشكوووورين

 

[مسك حياتي]

بعد عمري توبي لله ...

اقطعي الاغاني تراها تقسي القلب ...

و قولي دووم ...

اللهم اعني على ذكرك و شكرك و حسن عبادتك ...

اللهم ثبتني على هذا الدين ...

 

[نور مغليها]

لآآ تكفييين إنتبهي لـ نفسج الحاله الي انتي فيها بدايه الانهيار
انتبهي لعمرج الا الصلآآآة أول مآ يحآسب عليها الانسان صلآآآته ..
اذا ما صليتيها بوقتها مآلها فآآيده
انتبهي لصلاتج ولربج ..
توبي لله والله يقبل توبة العبد
لا تخلين الشيطان يسيطر عليج
أول ما يأذن على طووول فزي وقومي صلي
واذا كنت نااايمه اول ما تقعدين ع طول صليها
وبس تخيلي إنج تموتييين بأأي وقت
يعني ممكن تموتييين وطايفتج صلاه او انتي مأخرتها رآح تكتب علللليج​

 

[! هُوْ وِينِه !]

لآآآآآآآآآآآآ
مو معقولة
حبيبتي توبي لله
تدرين أكثر شئ يعور قلبي لمى أشوف إنسآن ملتزم فجأة ينحرف عن إلتزآمه
لآ تخلين آلشيطآن يصير أشطر منج
قآومي حبي آلعبآدة
حبي آلصلآة
خليج مشتآقة لهآ من قبل يجي وقتهآ قومي أتوضي وغير هذآ تذكري آلموت هآدم آللذآت
الله يهديج كثري إستغفآر
وربي بيفرجهآ عليج
وأدعي بكل وقت
" ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب "
وكرري اللهم يآ مقلب آلقلوب ثبت قلبي على دينك
وعفية طمنيني إذآ إستجد شئ معآج

 

[اشلون يعني &]

الايمان يزيد ويقل
اذا قل ايمانج تذكري الاخره وانه هذا اخر يوم لج فلازم تتقنيين اعمالج لوجه الله

 

[last-moon]

يسلمووووووووووووووووووووووووووووووووووو

 

[مستغانميـة]

لا حول الله !!

حبيبتي بقولج كلام من قلبي اول شي انا كنت قبل نفسج الحين اغاني ذنوب تلفونات معاصي ويمكن بعض مرات للحين بس والله من قطعت الاغاني الحمدالله رجعت لربي رجوع عجيب وسرت احبه وااااااايد جوفي توقيعي حسيت اني بعد ماقطعت الاغاني تقربت لله احس علاقتي معاه قوت لدرجه اني احس واستشعر حبي له حبيبتي ترا المعاصي تقسي القلب وخصوصا الاغاني دماااااار هالاغاني تخليج طوف بدون احساس .. ديري بالج ياحبيبتي ترا والله مو وقته خراب عارفه احنا بأي زمن ؟ احنا بآخر الزمان !! مايسوى تتركين ايمانج الحين .. عارفه شراح يسير 1\7 ؟ كسوف شمس !! وقبل فتره ساير خسوف ! عارفه شنو هذا ؟؟ اقري عنه بكتاب عبدالرحمن العريفي هذا ياحبيبتي من علامات ظهور المسيح الدجال .. وعلامات ظهور المهدي ان الدول العربيه يمعها الصحوه وهذا نشوفه بالثورات وغير جذي من علامات ظهور المهدي ان الدول العربيه تكون من غير قائد فيظهر المهدي ويقود الامه العربيه والمهدي مايطلع الا بعد المسيح الدجال .. شايفه شكثر قريبه هالبلاوي اللي يايتلنا !! ديري بالج ياحبيبتي ورجعي لربج .. يارب نصحى من غفلتنا ياااارب

 

[laymona]

ما شاء الله عارفه المشكله و الاسباب

و بيدج الحل !!


قلتيها ,, (( الاغاني ))

تدرين انا كان لي جريب 7 سنوات المايك والله ما ينشال من اذني

تخيلي 7 سنوات ينشال بس وقت النوم !!!

و كنت اصلي بس شالفايده ؟

و احلفلج بهال7 سنوات شفت فيهم الظيم و هموم الدنيا على صدري

و قبل لاانام كنت اترس المخده دموع و شخصيتي انمسحت بالارض و ما اعرف اتحجى و لا عندي اسلوب

و اذا تبين اقولج شصار بعد اعطيج كل شي


والله اني ما كنت راضيه على نفسي بس كنت ابي انحاش من الواقع المر الي كنت فيه

بس القى المراره تتضاعف !!

شيوخ و ساده نصحوني محد قدر علي

الهدايه ياتني من رب العالمين لاني ما كنت راضيه على نفسي و اتقطع كل يوم اكثر عن قبل

و قالج سبحانه : ( لا يغير الله ما بقوم حتى يغيروا ما بأنفسهم )

و داخلي رغبه كبيره اني اقطع و سبحان الله بيوم و ليله قطعت والله لي يومج مستغربه !






والله لو اقعد معاج اليوم كله ما اعرف اوصفلج حياتي شلون تغيرت

يمكن مشاكلي زادت عن قبل بس والله يا جبل ما يهزك ريح

الثقه بالنفس صارت شكبرها

راحه نفسيه و خشووع

الحمدلله رب العاااالمين


نصيحه يا اختي لو الكل يعرف عمايل الاغاني محد سمع

انتي تسمعين و تستانسين و ما تدرين ان الشياطين قعد تترقص يمج


عسى الله يهديج الى صراط مستقيم و ترجعين احسن من قبل

و اسفه على الاطاله

 

[كويتيه مذهله 87]

الله يهديج ان شالله ماله شغل المس الشيطاني