وووووووودي اعرف كيف طريقة اللثمة الكويتية ..علموني عفيه عليكم

[شـهد]

لو ماطلعت الصور سوو تحديث = رفرش= اضغطو زر f5

رح نكون مستخدمين ملفع طويل ..وتتحجبين عادي

شفتي مكان السهم الاحمر

تكملين تتلطمين به (يعني نفس طريقة اللفه العاديه بس تكون على الخشم )

وترجعين تثبتينه

ويبقى ..الجزء الزايد من الملفع

اللي يكون مكان السهم الاحمر ..تحطينه مثل مايحط الرجال شماغه >>مالقيت غير هالتشبيه :dddds:

 

[سيدة الذوق]

مافهمت كل الطرف الطويل وصغير نفس الاتجاه

 

[شـهد]

أول ماتبدين : تخلين من اليسار قصير , واليمين كله طوييييييييييييل

 

[قطورتي]

متابعينكم

 

[سعودية!!!]

قلبي انت ياشهد حستي البنات معك اممم في طريقة اسهل تحجبي عادي بالشيلة بعدين شفتي الجزء اللي مغطي رقبتك ارفعية برفق لووول برفق تحتها طعش خط عشان لاتخرب لفتك وحطية ع خشمك والطرف الزايد من الشيله حطي ع راسك هد

يعني 1...تحجبي عادي

2...الجزء اللي يغطي رقبتك ارفعيه لخشمك بشويش ونعومة

3...الجزء الزايد يوم انك تحجبتي وزاد هدي هد ع راسك من فوق

وصلت...

تراه صعبه طريقتك اسرع وعملية اكثر طريقتنا يبي لها شغل ووقت لين ماااتضبطينها وماتقزر معك ربع ساعه وتفك لووول

 

[فيونكا فوشيهـ]

حياتي ان شاء الله على يوم تزورين الكويت و تروحين حق اييي مكان بس تقولين ابي نقاب راح يعطيج اللي حطته الاخت بالصوره و هذا اللي يحطونه اغلب الكويتيات

و عندنا بعد واحد ثاني نفس اول صوره حطيتيها في بعض الحريم يلبسونه لأن يغطي الوجه بالكاامل (( بس قليل اللي يلبسونه مو حييل و اغلبيتهم يكونون حريم كبار يعني طقت الاربعينات او اللي متشددين بالدين ))

و طبعا في البرقع اللي يصير خط بالنص يلبسونه الجدات بس اللي كبار يعني اللي توهم يصيرون جدات مايلبسونه لأن اهوا من العادات القديمه ان يغطون الوجه بس مايكونون متحجبين ليش مادري لوووول

و اللي بمكه تشوفينهم يمكن قصدج سوو مثلي بما ان اغلب بنات الكويت مو متنقبات فلما يروحون مكه ياخذون الشيله و يحطونها طرف صغير و طرف طويل الطرف الطويل يلفونه اول شي على خشومهم و بعدين يلفونه على راسهم بس مو يقربونه من قمة الرأس لا يخلونه رااجع لي ورا حييل هالطريقه انا سويتها بمكه و طلعت حلووه بس ماشفت واايد مسوين نفسي لأن الكويتيات مناك مايغطون الوجه مثل امي كانت تغطي الراس بالكامل كله كله بس لأن تعرفين احتراما لكم و احنا عندنا ان النقاب مو لازم بس المتشددين يلبسونه بناتهم او اللي حيل متأذيه من حلاوت وييها و زوجها غطاها غصب لوول جني طلعت بره الموضوع هههههه بس عشان بعيشج الجو عدل و تعرفين شنو الانواع اللي موجوده بالكويت



الحين بشرح الطريقه الاولى و اللي اعتقد هاذي اللي تقصدينها

اول شي تلفين الشيله في اكثر من طريقه على راحتج بس الاغلبيه يلفونها اللفه العاديه أي
اول شي تلبسين النقاب على شعرج على طول لأن اهوا يكون سير و بعدين تحطين الشيله على راسج بالتساوي يعني الطرف الاول نفس الطرف الثاني بالطول

و بعدين تاخذين واحد منهم و تلفينه على كاااامل رقبتج و تدخلينه بملابسج طبعا راح يختفي

الحين تاخذين الطرف الثاني و تلفينه على راسج عاادي و بس




اتمنى فهمتي و هااذي كل النقابات اللي عندنا يعني مااعتقد شفتي شي غيرهم

 

[مطيريه ماركه]

هذا نقاب سير دوروا الستر خلو عنكم اللثمات !

 

[gzlan]

اول شي

تسلمين انج اخترتي طريقتنا

اولاً
لبسي النقاب يكون بوسير

دخلي السير بشعرج كأنه شباصه ولفي شعرج

وحطي النقاب من جدام على خشمج ومسكي خشمج مننن فوق شوي ويتعدل بروحه

وربطي شعرج عادي

الحين لبستي النقاب

لبسي الشيله

حطي طرف يكون اقصر من الثاني بوااايد
قربي الشيله من جدام لي حاجبج خشيهم شوي

وجفسي صوب الحاجب جفستين

وحطي جلاب من صوب الرقبه

ولفي الشيله عادي

ودخليها على الجوانب


وسلامتج

 

[" أضـــــوى "]

هذا نقاب سير دوروا الستر خلو عنكم اللثمات !

اي والله ياقلبي ..عز الله صدقتي