{ونـــــــــــــــاستنا في رشــــــــــــاقتنا }(تمديد الى 17-7)

[FuLL.MooN]

انزين بقولكم منو جربت الكمون مع الأكل وحسيت انه يساعد في نزول الوزن ؟

 

[ام فجور 2008]

فل مون انا قول اشتري الاعشاب من الحواي ملوت الرجيم وشربيهم

 

[FuLL.MooN]

اييييه بشتري بس حايشني كسل بس مليت من الأشياء اللي ازققهم ... ليمون وكيوي واناناس اوه جريب فروت احس معدتي فقيرة تبي شي ايونسها بيبسي حليب ككاو شاني ...

 

[ام فجور 2008]

فل مون يمكن انتي قصدج مغلي الكمون
تحطين كمون مع ماي وتشربينه انا كنت بسويها بس لاعت جبدي جان اقط الكوب

 

[~ MhMh ~]

ريجيم العطلات ل~MhMh~



أول ماتقعدين من النوم
سندويش أي نوع = شريحتين توست بالجبن أو البيض أو اللبنه+سلطه = سندويش امريكانا الجاهز


بعد ساعه
حبة فاكهه أي نوع

بعدساعه
كوب حليب= كوب روب = كوب لبن <<< يعني تقدرين تختارين كل يوم نوع أو اللي تشتهيه نفسج


وجبه رئيسيه
أي نوع مشوي + سلطه أي نوع


بعدها بساعتين
3تمرات = قطعه ماكنتوش = ميني كاكاو <<< طبي و تخيري بس شي واحد موتخربطين

بعدها بساعه
حبة فاكهه أي نوع

آخر وجبه
حبتين فاكهه


ملاحظات
الجاي و القهوه و النسكافيه عادي بأي وقت مع سكر سبلندا
المشي يفضل يوميا


وأدعولي التزم أبي أِشوف التسعينات من زمان موشايفتها

 

[ام فجور 2008]

فل مون انتي لو تنسين البيبسي جان انتي بخير :dddds:

 

[FuLL.MooN]

لالالا ما اشربه .... احطخ مطحون مع الأكل مثل الروب او شي ثاني ...
انشاء الله اتشوفين التسيعنات وانا وياج ياربي يا منمن ... وانا ما عندي عطلة ما اسوي الريجيم
يالله انا رادة البيت بروح اشتري ميزان قبل وتالي الغدا اخ يالغدى

 

[ام فجور 2008]

حلو رجيمه بس انا ما دري شفيني اشتهيت كوورن فليكس

 

[~ MhMh ~]

فل مون معروف الكمون زين ينحط مع السلطات عشان الغازات و الكرش


أم فجور ترا محمد ربيعه دايما يوصي قبل الغدا خس و تعصرين عليه ليمون و ترشينه بكمون مطحون

 

[mn.mn]

مهمها واااااااااااااااااي اكره هالحركة لما تصير بعد عمري اذيناج والرجيم حلو بس ما فيه عشا !!!

فل مون انا جربت الزنجبيل الطري مع الجاي الاخضر بس الكمون لا وعندي بعد اعشاب رجيم ملوت الحواي بس من زمان ما شربتهم

ام فجور شربيه حار احلى انا لو شنو ما اشربه بارد واذا تحبينه مع الكورن فليكس سوي رجيم يكون الريوق كورن فليكس

 

[~ MhMh ~]

فل مون أنا سميته العطلات علشان أونس نفسي<<<حركاااااااااااات


بس يصير تطبقينه بالدوام فيه ريوق و غدا و عشا و سناكات شكثر

 

[~ MhMh ~]

من من شوفيه ^^^^^ حطيته فوق

و لو عادي مافيها أذيه
تعبكم راحه يارفيجات الرشاقه

 

[mn.mn]

انشاء الله اتشوفين التسيعنات وانا وياج ياربي يا منمن ... وانا ما عندي عطلة ما اسوي الريجيم

اكيد ما تقصديني لان انا مت على ما افتكيت منها الحين حلمي اشوف الستينــــــــــــــــــــــــــات

:krkrkr::krkrkr::krkrkr::krkrkr:

 

[mn.mn]

مهمها بعد عمري شفته بس كله فاكهه وانا الفواكة اتيوعني زيادة

مادري انا رجيمات المطوع عندي احسن بكمل عليهم لي رمضان

وعقب رمضان مفكرة ابدي برجيم الكربوهيدرات مدته 9 اسابيع او يمكن اخليه بعد عيد الاضحى عشان ما اقطعه

 

[~ MhMh ~]

من من اسم الله عليج من التسعينات يعلج ماتشوفينهم مره ثانية إن شاء الله ،، شكل فل مون تقصدني


من من ريجيمه صح ما فيه عشا ...بس ... حبتين فاكهه<<<< يعني زوين نتقزر فيهم أنا قلت بخليهم رقي أو بطيخ عشان أشبع لوووووووووول

 

[mn.mn]

آمين يارب وان شاء الله كلكم تفتكون منها للابد

وانا الرجيم اللي ما فيه عشا يأزمني ويمللني واكيد راح اخربط

فراح اكمل على المطوع على الاقل التزم هالشهر وانزل لو 3 كيلوات راااااااااااااااضية

الحين اخليكم بروح اشوف الياهال

 

[~ MhMh ~]

أنا الحين ودي أسكر الشتر و أكبر المخده للمغرب



أشوفكم على خير بليل ... ياحلوووووو العطله

 

[مس يو]

مسااااااااااااء الخيرررررررر

انا شابكه من الساعة 12 ونص بس ماسويت تسجيل دخول قلت خل اقرا واخلص بعدين اسجل دخول... لووووووول

 

[pop corn]

قوة بنات شلونكم شخباركم ؟
وحشتوني سامحوني صار لي جم يوم مادشيت وماشاركت بميزان أمس لما أرجع من السفر إن شاءالله يالله أشوفكم على خير بس حبيت أسلم عليكم

 

[مس يو]

روووووووعه ... عظم الله اجركم واحسن الله عزائكم

عساه في الفردوس الأعلى ياااااارب...

مهمها ... الرجيم اللي حاطته يهههههبل بس فيه عيب واحد العشا فواكه انا اهم شي عندي وجبة العشا مشبعة لوووول

بس هم حلو لانه كل ساعتين تقريبا اكل يعني مافيه يوووع كلش..

وأأأأأأأأأأأالف مبروووووووووووووك يارشيقة الأسبوع...

من من الحمدلله ان ولدج احسن وان شاء الله كلها جم يوووم ويخف الألم ياااارب.. عسى الله يهون عليه

والله يبارك فيج <<< رد على الرسالة لووول...

ام فجووور .. شلووووونج شخباررررج من زمان ما سولفت معاج ...

وبااااااااااقي البنات بالعافيه عليكم وجباتكم وألف مبروووك للي انزلوا واولهم فنكيه وأخيراااااا... الحمدلله تحرك الميزان

واللي ما انزلوا او زادوا يالله هاردلك الأسبوع الياي عووووضووووها وشدووووا على نفسكم شووووي.... علشان تشوفون نتيجه مرررضيه...