{ونـــــــــــــــاستنا في رشــــــــــــاقتنا }(تمديد الى 17-7)

[ضحى الكويت]

منمن .... مشكوووووووووووووووره يا قلبي والله حلووو رجيمه شحلااته

 

[mn.mn]

الله يسلمج ام فجور عاد انا ما صور القرقيعان بس ترى اول كنت اسوي شي بسيط بس لما يبت بنتي بديت اتفنن

اول قرقيعان شريت من بياع الورد والعام من سنتر بوينت وهالسنة مادري من وين لي عطلت بروح اخلص واشتري

صفصف هذا رجيم طالب اللي انا مسويته وبتم عليه لي الحين ما مليت منه لان الريوق حلو حق ايام الدوام

قبل الريوق جاي + حليب او كابتشينو

الريوق : من 1 الي 3 توست + جبن 1 - 2 ( مع خس + طماط + خيار ) مع جاي او قهوه

الغدا :
شوربه كوب الي كوبيين او همبورجر من 1 الي 3 مشوي او كباب من 1 الي 3 + سلطه + بيبسي دايت ..

العشا :

يا عكس الغدا مثلا اذا انا كليت همبورجر اشرب شوربه وجذي ..
انا قتله ما احب آكل بلييل شي دسم فقالي خلاص
اكلي رقي مفتوح او برتقال من 1 الي 2 او 4 الي 6 شرايح اناناس

وعفواااااااااا ما سويت شي اصلا انا حافظتهم بلابتوبي الحين احط لكم غيرهم

 

[ضحى الكويت]

والله انا اشترى من الشويخ جياااااس كبار واشترى منهم الجياس لرخاص واخلى الخدم يوزعونهم ويطلع وااااااااااااايد بس يطق الباب اعطيهم كل واحد جيس انظف واحسن


واشترى زاهب حق امى وابوى وخواتى واخوانى وام ريلي بس وخلصناااا ما يهمنى القرقيعان وايد ولا اشيل هماااا قبل القرقيعان بيومين رايحه ساعتين وخالصه كل شى

 

[ام فجور 2008]

انا السنة الي طافت كان اول قرقيعان احس فيه حق فجورة
لاعت جبدي وانا ادور في بياع الورد

 

[mn.mn]

ريحتي عمرج صفصف زين تسوين وعلى التجمع اي والله ما نبي نهد بعض انا شكلي مطووووووووولة على ما اوصل 60

هذا رجيم طالب مال رمضان جنه احلى من المطوع


الافطار

1-5 تمرات
كوب لبن/روب + كوب ماء

بعد الصلاه
5-20 ملعقه مشكل ( مثلا 5 ملاعق هريس +10 ملاعق تشريبه + 5 ملاعق رز)
+سلطه او شووربه خضار اي نوع ماعدا العدس


او 1-10 ملاعق مشكل + مقليات من 1-4 (سمبوسه او كبه) او لحمه /دجاج/سمك
+سلطه او شوربه خضار

بعد صلاه العشاء
1-4 قطع حلو مع قهوه او شاي

السحور:
2 توست + جبنه/لبنه/بيضه+خس + خيار + طماط +شاي او دايت
او : كوب حليب /روب/ جبن ابيض 1-2 _ سلطه + فاكهه (برتقال او كيوي حسب الرغبه)

 

[ضحى الكويت]

منمن .... وايد حلوووو رجيمه والله بس مشكلتى ما احب التزم احب اكل على كيفى وبراحتى وهم انزل


شفتى يوم قلتلج بسوى رجيمى والله قاعده اشوف نتيجه حلوه منه اذا تميت انزل بستمر عليه قاعده اكل كل شى والله

 

[mn.mn]

صفصف اذا انتي مرتاحة على اللي تسوينه وشفتي روحج قاعدة تنزلين كملي

انا من النوع اللي ما التزم الا اذا مشيت على رجيم اعرف روحي

 

[ضحى الكويت]

منمن .... انا افضل مطوع عن طالب شغله نفسيه سبحان الله


ومشكوره على الانظمه يعطيج العافيه

 

[mn.mn]

الله يعافيج وعسى بس التزم بواحد منهم على الأقل ما ابي وزني يزيد برمضان

 

[ضحى الكويت]

منمن اى والله صح كلامج بس اخاف اخوره وابى احاول امشى على نظام بس ما ادرى مو حابه سبحان الله


ام فجوره وين رحتى هااااااااااااااااع

 

[ام فجور 2008]

موجودة كنت اكلم خواتي نطلع نروح السوق ودي اروح فاشن ميل

 

[ام فجور 2008]

اي والله على الاقل يوقف وزنا برمضان ولا انه يزيد

 

[ضحى الكويت]

ام فجووووووره ...... ملزمه تطلعين اليوم مافيج حيله هههههههههههههههههه ... الله يونسج بالعافيه

 

[mn.mn]

لووووووول ام فجور ما بإذنج ماي تبين تطلعين اذا ماله روحي شوي وردي

صفصف ما عليه البداية صعبة تالي تتعودين بس انتي على رجيمج قاعدة تنزلين

كملي ولي حسيتي بدى يثبت على طول شوفي رجيم حلو امشي عليه

 

[ام فجور 2008]

والله قاعدة اسبوع مع فجورة تعبانة لاعت جبدي من المستشفيات

 

[ضحى الكويت]

منمن ... اى شفتى خلاااص هالمره بتطلع بتطلع معزمه اى مكان ..... اى والله انا قاعده انزل برجيمى هذااا وعلى رايج بس اثبت على طووول بخليج تسدحين لى رجيم حلووو عن تجربه لج الله يكون بعونج منى

 

[mn.mn]

ام فجور عيل روحي غيري جو بس المشكلة هالطلعات هالحزة تشيش على عشا من بره

ديري بالج لاتخربطين صج ساعات الواحد يدور الطلعة دوارة انا كلش ما احب حكرة البيت

صفصف افا عليج عزيزة وغالية طبي وتخيري عندي رجيمات تكفينا خمس سنين لوووووول

بس الله لايقول ونطووووووول على ما نضعف انا عندي ااااااااااااااااااااااااامل على نهاية 2009 اوصل

لوزن ما بين 60 و65 وان شاء الله كلكم توصلون معاي

 

[ام فجور 2008]

سؤااااااااااااااااااااااااااااااال ثقاااااااااااااافي

ابي امسح كل شي بالجهاز خصوصا الي address
تبطل لي موقع بالبغلط استغفر الله
وموجود بالaddress
كنت قاعدة اشوف ازياء وطلع لي موقع

 

[ام فجور 2008]

من من انا عادي بالطلعه ماخربها على عشا
وانا طالعه لازم اشتهي بوضة بكداش خصوصا اذا كنت رايحه حولي بس بحاول الهي نفسي وما امر بكداش ياحلات بوضتهم

 

[ضحى الكويت]

ام فجوره ... ما فهمت شنو تبين للاسف


الحين اخليكم برب للصلاة وراجعه ماعندى اليوم الا انتوا قاعدتلكم بييبلى حب وشاى اخضر واضبطه واتربع


فاصل ونواصل بعد قليل