وناستنا في رشاقتنا ((الجزء الثاني)) تم التمديد الى تاريخ 18-9

[teenaa]

رد: وناستنا في رشاقتنا ((الجزء الثاني))

هاي بنوتات

اليوم ماكو عشا الله وكيلكم على غدا اليوم الشوربه

وشربت لاتيه وبس
بنام لوول

 

[مس يو]

رد: وناستنا في رشاقتنا ((الجزء الثاني))

مس يو شلونج ؟

هلا والله من من انا بخير دامج بخير....



تابع يومياتي:

على التسع وشي كليت 2 توست مع 2جبن سلايس لايت وطماط بالشواية وقلاص عصير برتقال فررررش

والله ماكليت من اليوع كليت من الصداع اللي براسي :0bee2e8d89: قلت يمكن يخف لما اكل ... والحمدلله خف شوي مو وااايد

 

[ضحى الكويت]

رد: وناستنا في رشاقتنا ((الجزء الثاني))

صافية يا قلبي ما تشوووفين شرررر

و بالعافية اللي اكلتيه

الشر ما يييج يا قلبى مشكوره والله يعافيج يا حبيبتى تسلمين لى روعه

teenaa

بالعافيه الشوربه البروكلى حبيبتى ...ويومج وايد خفيف الانج ما تعشيتى انا انصحج تروحين تنامين مبجر لا تخربطين الان الليل يوع ... روحى انحاشى بفراشج وتغطى .... باجر تكونين نازله وتنسين اليوع

full.moon

وعليكم السلام ورحمه الله وبركاته .... اخبارنا بخير يا عساج تكونين بالف خير ان شاء الله

mn.mn

مساء الخير .... ان شاء الله اصير احسن بس اليوم راحت مفعول الابره والله لا يوريج يالله ارفع الحجيه علشان اقوم الآآآآآآم فضيعه العظام الله لا يووواريج بيوم ..... ورحت من غير وعى المستوصف وغزونى ابرتين والحجيه متخدره الحين الله يعينها باجيلى 4 ايام

مس يو

مساء الخيرات يا قلبى وبالعافيه خوش ريوق واحلى اللبنه الدايت ورشه الزعتر والخمس زيتونات بالف عافيه عليج​

 

[مس يو]

رد: وناستنا في رشاقتنا ((الجزء الثاني))

الله يعافيج صفووووي..

واجر وعافيه ياقلبي ان شاء الله تقومين بالسلامة

 

[FuLL.MooN]

رد: وناستنا في رشاقتنا ((الجزء الثاني))

السلام عليكم مساء الخير شلونكم بنات انا اليوم صرت من السهارية معاكم عيال اختي عندي وما فيهم نووم

 

[ضحى الكويت]

رد: وناستنا في رشاقتنا ((الجزء الثاني))

صديقاتى الصدوقات اعلاان هاااااااااااااام


صافية قريبا بتصير سيده اعمال تحت نكها الحلوه بتصير هالكلمه


طبعااا كل وحده تفكر الحين صافيه شنو بتبيع عليناااا


طبعااا راح ابتدى معاكم ...... بالطيب اللى اهواااا البخور والعود والورد


البخور عندى مميز ولا راح اتكلم فيه وامدحه وايد وانا متاكده ان راح يعجبكم عندى 3 تولات تساوى 36 دينار


والدهن العود التوله تساوى 20 دينار


والورد التوله تساوى 20 دينار


واللى ما يعجبها البخور ولا الدهن العود والورد مستعده ترده وتستلم فلوسها .....



وسلامتكم ​

 

[mn.mn]

رد: وناستنا في رشاقتنا ((الجزء الثاني))

تينا بالعافية والله يعينج على اليوع

مس يو سلامات وبالعافية

فل مون يا الله اليوم عطلة وحلو السهر مع اليمعة

صفصف ان شاء الله تصيرين احسن شوي شوي يا قلبي والله يوسع لج باب الرزق يارب

 

[ضحى الكويت]

رد: وناستنا في رشاقتنا ((الجزء الثاني))

من من .... ان شاء الله ربى يسمع منج ان شاء الله ويفتح علينا كلنا يا من من ان شاء الله مشكوره كلج ذوق

 

[mn.mn]

رد: وناستنا في رشاقتنا ((الجزء الثاني))

العفو حبيبتي

اليوم اختي نايمة عندي وقاعدين صباحي لي الفير الله يستر

بدينا بككاو وقهوة تركية

 

[ضحى الكويت]

رد: وناستنا في رشاقتنا ((الجزء الثاني))

يومياتى اليوم كانت كالتالى ....


تريقت كوب حليب و3 شابورات والحمد الله والساعه 4 كليت بولة عيش مع فخذ ديايه مشويه وسلطه واقلاص لبن المراعى خالى الدسم


والسناك عباره عن جوز 6 حبات مع خمطة حب شمسى الرفاعى بدون ملح محمصته بالمقلى وصاير شزينه مع شاى بالمرميه قلاص واحد بس


العشى كانت تفاحه خضرااا بس


والحين قاعدع اشرب شاى بالمرميه بعد ما ادرى شفينى عليها



وسلامتكم

 

[ضحى الكويت]

رد: وناستنا في رشاقتنا ((الجزء الثاني))

من من ... الله يونسكم بالعافيه وناسه اكيد اهيا لاب توب وانتى مجابلتها بلاب توب وله توقعاتى خاطئه


ماعندج كاندريل الكاكاو الرجيم حلووو واخف من غيره



بالعافيه مقدمااااا


بس ما قلتيلنا منو اضعف صج انتى وله اختج

 

[مس يو]

رد: وناستنا في رشاقتنا ((الجزء الثاني))

تينا بالعافية والله يعينج على اليوع

مس يو سلامات وبالعافية

الله يسلمج من من ويعافيج ..


صافيه موفقه ياقلبي ببضاعتج والله يرزقج الرزق الحلال من اوسع ابوابه

 

[teenaa]

رد: وناستنا في رشاقتنا ((الجزء الثاني))

عواااافي ولا تخربطوووووووووون

 

[mn.mn]

رد: وناستنا في رشاقتنا ((الجزء الثاني))

صفصف لا والله اهي مجابلة التلفزيون وانا مجابلة اللابتوب

واهي عصقوووووووووووووووووووووولة وزنها 45 لوووووووول

اهي تدور المتن وانا ادور الضعف :0bee2e8d89:

 

[ضحى الكويت]

رد: وناستنا في رشاقتنا ((الجزء الثاني))

مس يو .... تسلمين يا قلبى ومشكوره على الدعاء يا حبيبتى


اشلونج شخبارج ؟؟؟

 

[FuLL.MooN]

رد: وناستنا في رشاقتنا ((الجزء الثاني))

صافية موفقة انشاء الله
بالعوافي الكاو واللقهوة ترى كثرة القهوة مو زينة بس الككاو عادي بسرعة ينحرق ويغسل الجبد ويرح النفس ويعدل المزاج ويعطي حيوية لوووول
لالا شكلي بواصل مواعدة بنات خالتي الصبح بتريق عندهم وبنلعب وي

 

[الغاليه نونو]

رد: وناستنا في رشاقتنا ((الجزء الثاني))

مس يووووووو اشلونج يمه شخبارج

اليوم كالورياتي مطشرييييييييييييييييييين بالزواره الحلوووووو والخبز عروق واللقيمات مسوين بروفات خواتي قبل رمضان وانا اليوم مااغير امشييييييي واعلف


يصير من باجر اصك حلجي يمه اشتنصحيني فيه للعلم من باجر بروح امشي ريااضه بالافنيووز اليوم ولدي شرالي جوتي اكرمكم الله مال رياضه خوووووووووش شي مريح بس موصيني قال لي يمه مو تستانسين بالجوتي وتنسين البيت علبو مريح ومانشوفج الا تالي الليل هههههههههههههههههههههههههههه قوليلي من باجر بإذن الله شنو ريوقي وغداي وعشاي فديتج

 

[teenaa]

رد: وناستنا في رشاقتنا ((الجزء الثاني))

فل مون

محد ريوق

سكري حلجج

 

[FuLL.MooN]

رد: وناستنا في رشاقتنا ((الجزء الثاني))

هلا والله الفاليو بالعافية اللي كليتيه
تينا لا تحاتين انشاء الله امل ضمن سعراتي ترى من مخي ريجيمي احلى شي اشوف السعرات وامشي عليها انشاء الله
انشاء الله باجر إذا الأموركلها زينة وامب ما تبي فيني شي بروح شتري جهاز الوي اللي تدري وين ايبيعونه اقل خل اتقولي ولا عليها امر

 

[مس يو]

رد: وناستنا في رشاقتنا ((الجزء الثاني))

مس يو .... تسلمين يا قلبى ومشكوره على الدعاء يا حبيبتى


اشلونج شخبارج ؟؟؟

انا الحمدلله بخير دامج بخير بس ما اقدر اسولف صاكه حلجي لووول كل ماتكلمت يعورني راسي

مس يووووووو اشلونج يمه شخبارج

اليوم كالورياتي مطشرييييييييييييييييييين بالزواره الحلوووووو والخبز عروق واللقيمات مسوين بروفات خواتي قبل رمضان وانا اليوم مااغير امشييييييي واعلف


يصير من باجر اصك حلجي يمه اشتنصحيني فيه للعلم من باجر بروح امشي ريااضه بالافنيووز اليوم ولدي شرالي جوتي اكرمكم الله مال رياضه خوووووووووش شي مريح بس موصيني قال لي يمه مو تستانسين بالجوتي وتنسين البيت علبو مريح ومانشوفج الا تالي الليل هههههههههههههههههههههههههههه قوليلي من باجر بإذن الله شنو ريوقي وغداي وعشاي فديتج

بعد عمري انا الحمدلله بخير عساج بخير..
الله يسلمج الحين احطللج نظام 1200 سعره باليوم وطبقيه اذا عجبج...