ومنكم نستــفيد ..!!

[* لذة غرام *]

السلام عليكم والرحمه ...


شحالكم؟؟

ان شاء الله تكونون بخير ..

انا هالشهر عالجت علاج شعبي بالاعشاب ورحت عند حرمه امسدتني وعطتني علاج ..

بس انا استغربت من علاجها ..


عطتني حبوب زيت جنين القمح .. اكل حبيتين منها باليوم مرتين ..

وعسل معه اعشاب

واعشاب مطحونه اشربها مع حليب ..

وحبوب كلوميد

وحبوب اللى اكلها 21 يوم اذا ماصار حمل تنزل الدورة

وتحاميل .. الله يكرمكم ..


بس انا ابي اعرف شنو فايده زيت جنين القمح ..؟؟

وهل الكلوميد يضر اذا اكلته من دوون مااخذ ابر مفجرة ..

واسمحوا لي على الاطاله ولكم كل الشكر ..

 

[أمونة الحلوة]

انا نفسج رحت شهر 10 اللي طاف حق رداده وعطتني نفس اغراضج بس ماصار حمل وانزلت بعدين الدورة بموعدها

ان شاء الله البنات يفيدونج اكثر


ربي يرزقج ان شاء الله بالذريه الصالحه اللهم امين

 

[زنوبة الحلوة]

والله ماعندي فكرة كلللللللش عن هالموضوع

انشالله البنات يفيدونج
والله يرزقج انشالله

 

[كويتيه مذهله 87]

ما ادري عن القمح
بس اا الي اعرفه الكلوميد لازم ابره تفجييريه اذا ماوصلت للحجم المطلوب!

الله يرزقج هلالشهر يارب

 

[تمر حنا]

والله مادري بس ممكن سؤال حبوبه منو المره هذي الي رحتي لها.؟؟؟ اسمها ام عبدالله بالمنقف؟؟

 

[* لذة غرام *]

ايه هي ام عبدالله ..

تعرفينها ؟!
اذا تعرفين عنها شي افيدوني ..

ولاهنتوا على المرور وعسى ربي يرزق الجميع ..

 

[بمبرة]

:klhfl:حياتي لذة غرام
آنا رحت حق عشابة ( ام محمد اللي بمشرف) وعطتني عسل وتحاميل وحبوب زيت القمح وقالتلي الحبوب وايد مفيدة وتساعد على الحمل بإذن الله سبحانة واستمريت على دواها 3 شهور بس ما حملت:0bee2e8d89: لان اتوقع من التفكير والحين صار لي شهر وآنا ناسيه الموضوع ومتوكله على الله
بس حبيت اقولج ليش ام عبدالله صرفت لج كلوميد هذا ما تصرفه غير الدكتورة
حبيبتتي نصيحة دقي على ام محمد وساليها احسن يمكن تقدر تفيدج (ام محمد 5399667)

 

[Hello_kitty]

حبيبتي نصيحة لا تروحين حق ام عبدالله هالنصابه

بيتها وضخ يلوع الجبد من القذاره وتعطيج كلوميد لا وحبوب هرمون الحليب بدون وصفه اهي لا دكتوره ولا شي

والله لو يدرون عنها يشيلون قشها بالسكه

وتمصج مص بالفلووووووس وتقولي انتي وين ساكنه لما قتلها تقول انتو قريب من صيدلية ولدي وعطتني كرت

الصيدليه اشتري منهم<<<اشكره دعايه وتييب هالكلوميد من الصيدليه وتصرف حق هالحريم

انه عطتني حبوب هرمون الحليب تقول مرتفع وانه اصلا نازل عندي وايد عن المعدل يعني الحمدلله ممتاز

تدرين لو ماخذه دواها يقولي الدكتور جان رحتي فيها

وعطت ريلي عسل تدت حالته مسكين ونزل مستوى السائل المنوي عنده من عسلها

والله شاهد على كل كلمة قلتها

 

[أمونة الحلوة]

انا بصراحه رحت حق ام عبد الله اللي بالمنقف وماصار حمل

وام عبد الله كانت سستر بمستشفى العدان مادري جم سنه

واللي موديتني لها رفيجت امي تحليل ريلها صفر سبحان الله من خذت علاجها احملت والحين ماشاء الله توها والده بالرابع وكله من فضل الله ثم ام عبد الله واهي ماقامت تراجع دكاتره كل ماتبي تحمل راحت حق ام عبد الله عطتها علاج واحملت وماشا ءالله الاربع يهال من علاج ام عبد الله وكل شي بالاخير بيد رب العالمين

وان شاء الله ربي يكتبلج الذريه الصالحه اللهم امين

 

[مبدعة]

والله انا امس وحده تسولف لي عن ام عبدالله ثنتين من رفيجاتها عالجوا عندها و حملوا

لكن اللي سمعته انها نصابه من اي ناحيه الله و اعلم !!

و بصراحة لو انا مكانكم استحاله ارضى اخذ ادوية من وحده مالها علم بالطب تعفسني !!

لو بترددني اوكي مو مشكله لكن الا الادوية

خلي يقينج و توكلج على الله سبحانه و تعالى لا ام عبدالله و لا احسن الدكاترة يقدر يسوي شي اذا ماكنتي متوكله على رب الارباب

 

[طيبة الطيبات]

السلام عليكم اختى انا رحت لام عبدالله اللى زين فيها بس تمريخها وحبوب زيت جنين القمح بس العسل موزين تحسين قديم وديرى بالك تاخذين كلوميد بدون استشارة طبيب لانه كثرتها تجيب تكيسات صراحه انا استمريت معاها اربع اشهر على التمريخ انتضمت دورتى كانت دايما تتاخر اسبوع عشر ايام الحين نفس التاريخ او قبلها بيومين بس ماحملت وخليتها و

 

[Swan]

اختي ما انصحج تاخذين اي دوا كيميائي منها لأنها مو دكتورة
والاطبه لو يعطونج اياه يتابعونج اول بأول بالسونار
ما يعطونج اياه ويخلونج

 

[* لذة غرام *]

يعطيكم العافيه يارب ولاهنتوا على ردودكم وشاكره لكم ..

انا الحين خلاص رحت واكلت العلاج واكلت الكلوميد وصار اللى صار والله يستر .. بس توبه اخذ هالاحبوب مره ثانيه من غير استشارة الدكتورة .. ..


وعســاكم على القوة يارب ..