ولي سلمكم ووفقكم بنات ردووو علي بلييييييييييز

[سعادة قلبي وياه]

صباح الخير بنات


بســـــــــألكم متى اوقف الحليب الصناعي عن ولدي

انا من جبته واستخدم له الى متى ؟؟؟

عادي احين اعطيه حليب نيدوو ؟؟

او حليب مراعي جذي يعني ..؟؟؟

تنصحوني من كم عمره ابتدي اعطيه الحليب المراعي

والفراولة والجوكلت متى تعطونهم :eh_s(10)::eh_s(10):

ونسيت اهم نقطه بعمر السنة شنو توكلون عيالكم ؟؟؟

 

[انثى الكويت]

حبيبتي انا بنتي ٣سنوات ماقطع الحليب عنها يصير تعطينها المراعي ولا نيدو اذا بلشتي الاكل للياهل واعطيها بالطلعات الكاكاو
والفراوله

 

[sophinaz]

حليب الياهل فيه فيتامينات و معادن مهمة حاولي ما تقطعينه بسرعة عل سنة ونص سنين حولي

 

[سعادة قلبي وياه]

الحمدلله حبيت افيدكم ان حليب نيدو ناسب ولدي ووااايد مفيد ومعرروف اللي تحب تغير حق بيبيهااا لازم يمكل سنه تقريبا

 

[fofowa_q8]

انا اعطيهم حليب اليهال البودر ابتاميل لي عمر

سنة ونص وبعدين اعطيهم نيدو وحليب كي دي دي

بس مهم تعطينهم حليب البودر مدة طويلة لان فيه

معادن وفيتامينات

 

[fofowa_q8]

وبعد السنة تقدرين تعطينه اي نوع اكل تبدين تدخلين

صفار البيض بالبداية اذا شفتيه اوكي مو متحسس منه

تعطينه بيضه كاملة ويقدر ياكل سمج ولحم ودياي طبعا

 

[Om_HoBi]

والله الحليب لي عمر المدرسه اذا شايفه ان زين لا تقطعينه و اقدرين تقللين كميته اذا تبين توفرين فتزيدين كل شي من منتجات الالبان
انا بنتي عمرها سنه و شهر و تشرب 3 مرات بس حليب صناعي بس اعطيها قوطي روب باليوم
و انشالله بعدين اذا كلت عدل اعطيها جبن و اشياء ثانيه

 

[noo7a]

الحليب لا تقطعينه منه ابد

الحليب ماله عمر ينقطع عن الانسان

بس الي تقطعينه منه اهو المميه (الرضاعه)

عوديه من سنه و نص يشرب بقلاص او عود

شوفي النيدو عالعلبه مكتوب من اي عمر

حليب بو نكهات عطيه إياه لي تعلم عالعود يشرب مره باليوم العلبه الصغيره

بس انا افضل لو يتعلم على الحليب الساده الأبيض افيد له

 

[Habibat Abooha]

انا قطعت ولدي الكبير بعمر ثلاث ونص عن الحليب لان صار يأكل واعتمد على نفسه
قمت اعطيه حليب على نكهات لانه حسيته يفضله اكثر من النيدو وغيره