ولــــدي ليلحين يبجـــي !!!

[*نور الكويت*]

السلام عليكم

امهات الله يعافيكم محتاجه مساعدتكم

ولدي اسم الله عليه عمرة 3 سنين ونص ليلحين يبجي اذا وديته المدرسه

مع ان مدرساته ايننووون وصفه رووعه وعندهم ساحة ألعاب فيها اللي يحب بس مادري ليش يبجي ؟؟

واذا رديت آخذه ألقاه عادي يلعب ويضحك ,,

بس الصبح الله وكيلكم من يقعد من النوم وهو يحن مابي سكول

لييين اوديه صفه يبجي ,,

هل الوضع طبيعي ؟؟؟؟؟

اهو اسبوعين من رمضان ماداوم وعقب العيد اسبوع ماداوم بحكم مرضه , يعني الاسبوع اللي طاف وهالأسبوع
بدا يلتزم ,,


نوروني الله يخليكم توني يايه منه ومتضااااايقه مع هالصبح :0bee2e8d89:

 

[سارة_kw]

هلا حبيبتي

حاولي اتشجعينه بأنه اذا داوم راح اتطلعينه للالعاب او تشترين له الشيء اللي يحبة

وحاولي اتنومينه امبجر يمكن ما يشبع نوم عدل

والله يهدي ولدج

 

[كويتية أصيله]

هلا حبيبتي أمي الله يذكرها بالخير دائما تقولي مثل يقول شفت أمي شفت همي)
ولدج إذا شافج يدلع بس على أمل ما تودينا المدرسة نصيحتي لج نوميه الساعه سبع ولا تخلينه يغيب إلا إذا كان لا قدر الله مريض حيل والله يوفقج

 

[قلبي ابيض]

نفس الحالة << شجعيه بالهدايا وربعه >> يعني قولي له ماشا الله رفيبجك مايبجي واللي قاعد وراك مايبجي وان شا الله مرحلة وتعدي

 

[ريماا]

انا شقووول ولدى خمس سنين عمرة ب kg2 لاوامدخلتة متأخر الانة مواليد شهر واحد وكان خواااف قلت صبى عادى ااخرة سنة ويدش كبير
من السنة اللى طاافت واهو كل يوم يبجى اذا موكل يوم يوم وترك مستحيل يمر الاسبوع عندة بسلام
ولى ييت اخذة يضحك ومستانس
تعبنى معاة صرت اخلى ابوة يودى يخلية ويمشى بعد شسوى ؟ مع انى شجعتة ماخليت لعبة ماشريتها وكل يوم تشجيع وكل يوم نعيد الموال
واخوة الصغير اسم الله علية ياخذ جنطة ويروح صفة يروحة
وكل يوم يقولى بغيب تعبت احاول اعرف شنو مضايقة؟ بس كلة اقولة تبجى اوماتبجى بتروح
الله يحفظهم

 

[*نور الكويت*]

مشكورين بنات عسى الله يينولكم اللي في بالكم

والله كل شي قلت له وسويت له , اشجعه اوديه الألعاب , الجمعيه كلللل اللي يطلبه مومخليه عليه قاصر
والنوم ينام 8 او 8,30 ويقعد الساعه 6 تعتقدون مايشبع نوم ؟

الله يهديه يااااارب ادعوله بنات الله يحببه بمدرسته

 

[miss elegant]

نفس حالتي آنا اللي عندي 5 سنين او كل يوم نياح وصياح واعصاب من الصبح
تلوع جبدي على ما يروح

مادري شسوي معاه

 

[أم بدوووري]

الظاهر هذى مشكله الاغلبية انا ولدى عمره 3سنوات ونص علبالى من المدرسة او احد مضايقه واقعد اسولف معاه احاول اطلع منه حجى يقول ماكو شى بس انا مااحب السكول الله كريم وازمة وتعدى انشالله عالكل

 

[أسرار الطبيعة]

يشدك علشان تتركينه لعالمه الصغير ويبي يكسر خاطرك
ما عليك هالنوعيه لكبروا يصحونك علشان الدوام .

 

[Om3aLaWi_q8]

اي صح مشكله الاغلبية بالاطفال لازم تتحملين بياخذ وقت
كل يوم وديه الجمعية او اشتري من بأميه العاب وقوليله وزعه على الاطفال
علشان يستانس
والله يهدي ولدج لج
بالتوفيق