ولد خالي الوصخ وتليفوني

[ريماس77]

زيين تسوين فيه والله لو انا منج انتفه مالت عليه

 

[غلاي امي وزوجي]

الدنيا صارت تخرع اعوذبالله

 

[النوري نور عيني]

مراهق وغلط ..............تقدرين تحلين المشكله باسلوب ثاني ما له داعي تشهرين في الولد....وتطقينه وصراخ وحلف علي القران ...صراحه اسلوبج مو شي ؟؟؟وان كنتي خايفه انه ينشرهم ليش تصويرين بالنقال بالاساس ؟؟؟؟؟؟؟؟؟؟؟؟؟؟؟ جان قلتي لخالتج وحلوتو السالفه بسكات ...جان حشمتي خالتج واجدج وجدتج ...

 

[هد حيلي ظلمهم]

رد : ولد خالي الوصخ وتليفوني

يعني الحين يا تبينا انوافق يا تبينا ما نتحجا!!!

اصراحة انتي مو صاحية في احد يسوي الي سوتي دام اهو اصغر منج علي قولتج جان كلمتي نصحتي مو تنخبلين اصراحة اشك انج اكبر منا
او بعدين ماحترمتي بيت خالج و مرت خالج ادشين و طقين لصبي جدام اماه ,,, صج ماعندج سالفة وو بعدين لمن شافهم منج و من اهمالج انتي الي قاطة موبايلج دام وووايد اهمج الموبايل جان درتي بالج علي مو تمشين و تقطينا ,, والله صجججججج ماتستحين اتطقينه و اشرهه علي الي مازفج او وقفج عند حدج

لا والله ياقلبي مو القصد ان اتوافقون او ما تتحتجون لو جذي قصدي ما قلتلكم هل انا غلط او صح


وثاني شي عيب حركتة وصخة واللي يطق الباب يسمع الجواب

 

[FOZQ8]

رد : ولد خالي الوصخ وتليفوني

امبيييييه الله يهديج بس ادري مصدومه انتي بس ترى مرااااهق اولا ثانيا في كبار في البيت لو مسويه الموضوع كله بهداوه ماصار هذا كله
باجر يقولون عنج انتي العوبه واللي تحبين الفضايح
شوفي حبيبتي اولا هذا درس لج ولغيرج لا تحطون صوركم وفيديوات فيها رقص شنو بايعين روحكم انتاو ؟؟
حمدي ربج ان ضاع في بيت ناس تعرفينهم
ثانيا الصبي مراهق وطايش صدقيني اللي سويته وايد أوفر
كان ممكن نتهي المووضوع بهدوووء وايد وراح يتعاقب من اهله

 

[Bent extra 3asal]

ابدن مو غلطاااااانه كلش كلش كلش انا لو مكاانج اسوي اكثر من جذي اذا اقرب امقربين يسوي جذي عيل الغريب شيسوي والله هل ايام قمنا نخاف حتى من الي يصيرون لنا الله يستر علينا كلنا يااارب

 

[راح_عز_ابوي]

الله يستر عليج و على كل من بغى الستر الصراحة صعب الموقف..... و الله يكون بعونج و يهديه و اللي صار لج درس حق الكل أولهم انتي حبيبتي الله يستر عليج و علينا ياااااااااااااااااااارب

 

[sweet dashttya]

تبين الصراحه اي غلطانه شنو تطقينه وتهاوشينه عمره 16 موصغير يعني بالغ وفاهم يمكن معجب فيج قوليله يمسح صور والفيديو جدامج وخلاص خلصت السالفه تكبيرين السالفه وهي صغيره
وتدعين عليه هذا ولد خالتج عيب شلون لو نشرهم تذبحينه ؟؟

اي انا وياها

 

[فنون التصميم]

اللهم استر أختنا

هـد حيلي ظلمهم

وأبعد عنها الحزن والهم وعليك من الاكثار من الدعاء والاستغفار والحذر من وضع الصور الشخصيية في الجوال لأنه معرض للضياع أو السرقة

وعليك بهذا الدعاء دائماً:

اللهم إنى أمتك وأبن أمتك ناصيتى بيدك ، ماضاً فى حكمك ، عدل فى قضاؤك أسألك بكل أسم هو لك سميت به نفسك ، أو أنزلته فى كتابك ، أو علمته أحداً من خلقك ، أو أستأثرت به فى علم الغيب عندك أن تجعل القرآن العظيم ربيع قلبى ونور صدرى وجلاء حزنى وذهاب همى .

تقبلي مروري ... ودمتي بود
​

 

[سيدة الذوق]

مادري شقول اللي صار صار

بس ممفروض ماتحطين صورج بالتلفون وهذا وصخ مفروض اخوانج يذبحونه

 

[هد حيلي ظلمهم]

رد : رد: ولد خالي الوصخ وتليفوني

اللهم استر أختنا

هـد حيلي ظلمهم

وأبعد عنها الحزن والهم وعليك من الاكثار من الدعاء والاستغفار والحذر من وضع الصور الشخصيية في الجوال لأنه معرض للضياع أو السرقة

وعليك بهذا الدعاء دائماً:

اللهم إنى أمتك وأبن أمتك ناصيتى بيدك ، ماضاً فى حكمك ، عدل فى قضاؤك أسألك بكل أسم هو لك سميت به نفسك ، أو أنزلته فى كتابك ، أو علمته أحداً من خلقك ، أو أستأثرت به فى علم الغيب عندك أن تجعل القرآن العظيم ربيع قلبى ونور صدرى وجلاء حزنى وذهاب همى .

تقبلي مروري ... ودمتي بود
​

ربي يسرلج امرج ويثللجلج صدرج يارب

 

[om...al3ess]

مادري صراحة مالاداعي كل الي سووويتية يعني قصة وطق وذبح مادري قصة غريبة يعني وبعدين اهوا منج وفيج ما اعتقد ان راح يفضحج الله يهداج

 

[cocooasis]

رد : ولد خالي الوصخ وتليفوني

اهو غلط وبطريقتج هدي عمره مراح يتعدل انا مادافع عنه لكنج غلطتي اكثر منه ,, كلمي, اسلمج شستفدتي لمن سوتي هل فلم غير خبصتي و خبصتي كلمن وياج ,, جان قلتيله عيب عليك انا نفس اختك اتسوي هل حركة مايصير مايجوز او قعدتي اتكلمينة شوي شوي,, لو امكلمته بهطريقة جان قصبن علي يحترمج و يتاسف او يعرف غلطه

بعدين انتي كاتبة اخر شي مابي احد يقولي انتي و انتي ابي حجي ابرد علي الي تبي تحر لاتكلم

 

[الجــادل]

رد : ولد خالي الوصخ وتليفوني

زين تسوين فيه هذا ديوث مافيه غاريه صج واطي

جزاه واقل من جزاه

بس هذا درس لج عشان ما تحطين صورج بالتلفون

ونصيحه حطي قفل وريحي نفسج

 

[ام جوري89]

امبيييه صج حقييير

بس تصرفج غلللللللللللللللط اكبر غلط والله .. لانج ماتدرين الناس شبيقولون .. وبتخرب علاقتج مع مرت خالج ويمكن بناتها

المفروض حاله الموضوع بكل هدوء .. عطني تلفونك وبعدين وريه خالج وابوج .. وبعدين يمسحون الصور وخلاص !

لان الصور الحمدالله مانشرهم .. يعني لو ناشرهم لج حق تطقينه .. :\

بس الي صار صار الحين

واحمدي ربج ان تسكرت السالفه على جذي !

وبنات ديرو بالكم لاتحطون صور بموبايلاتكم .. اكبرغلط والله

 

[نبض الصحراء]

بصراحه انتي غلطانة ..عمرة 16 وتضربينة..والولد ما ينلام شئ طبيعي في هالعمر يسون هالحركات كونج تقربين له أو العكس المفروض تحلين المشكلة بهدوء..وبشكل ودي ..انتي جبتي الفضيحة لنفسج وكبرتي السالفة... كلنا نصور في الجوال..وانتي تقولين انه ممنوع ياخذ جوال كيف خلوه ياخذ جوالج بسهولة وجوالج اساسا كان حطيتي في باسوورد كونه مليان صور ...بصراحه لا تزعلين بس اللي بدر منج غلط
مشكلتج مع ولد الخالة ليش عممتيه عالبيت كله ..

 

["لوزه"]

زين تسوين فيه لو اي وحده مكانج بتسوي جذي من الحره
وحطي قفل حق تلفوناتج

 

[دنيتى زوجي M]

هذا درس لج وله اثنينكم

وزين الله ستر

 

[( المـلاك )]

انتي مو غلطانه
ولو في شي اكبر جان سويتيه بعد
يستاهل قليل الادب

 

[ToOoTi]

حبيبتي الحين اللي صار صار
مالومج على اللي سويتيه
بس اخذي درس اي شي خاص فيج تقفلين عليه بالبيت
ملاه داعي تخلينه بتلفونج تطلعين من مكان لي الثاني
والله يعينج