ولد امه ؟؟؟

[أمواج البحر]

ريلي كان مثل ريلج بالضبط

دايما هذي غشمرته

بالبدايه كنت اطوف واضحك وعااااااادي

بعدين عاد مصخت السالفه

صار كل ما احد ياب طاري الزواج ينط ويقول انا بعد دورولي

مره من المرات جذي العايله الكريمه كلهم قاعدين تخيلي امه واخوانه و خواته و عيال خاله

واحد منهم قاعد يتكلم عن الزواج جان ينط كالمعتاد انااا بعد بتزوج زوجووني

وحرام اهله كلهم قاعدين يدافعون عني

بس انا يومها ما سكتت ولا ضحكت قلت له عااادي افا عليك دربك خضر واذا امك ما رضت تخطب لك انا اخطب افا عليك بس

وضحكت

بعد ما ردينا البيت طلع حاز بخاطره يقولي ليش تقولين جذي الحين يقولون انج عايفتني

قلت له يا سلااااام انت تقول عادي انا اقول لأ

ومن عقبها حرررررررررررم يقول بتزوج لانه عارف الرد ههههههههههه

فانتي جربي طريقتي يمكن تنفع معاج

 

[miss_art]

غلطانة اختي احسللج اولا : من العين عشان لايحسدونج
ثانيا : عشان لايغارون منج الام والخوات لي شافوه يحبج ويهتم فيج صدقييييييييييني بيغارون منج وبيسوون حركات يوخرونة عنج لان اخوهم وولدهم ويحبونة ويبون يتملكونة
خلج جذي وايد احسن

 

[انا مو هني]

لو مكانج اقوول وانا ابي اخوهاا عشان نكمل العدد
وظحكي
وجدام اهلا لاتسمحيلا
واي شي في سوالف زواج وهالخرابيط زعلي لان اول شي غشمرا بعدين يقتنع ويصير صج

 

[مجنونة بس عاقلة]

شوفي قولي له بكلام واضح وهادي وبينكم
انا ما اسمح لك تتطنز علي انا مو مضحاكه لك ولاهلك
تبي تونسهم ونسهم على نفسك علق على نفسك مو علي
انتي شكلك عديتيها له مرات كثيره حطي حد لهالشي

عاد يا كرهي للي يعلق على مرته قدام الناس ما احب هالحركه

 

[بتبوتااا]

عادي حبيبتي الريال يتغشمر وانتي لا تنقهرين ولا شي حسسيه انه الوضع عادي وبنفس الوقت طلعي الكلمه من جبده نفس ما قالت امواج

 

[عالمي مدهش]

في وايد رياييل جذي يحبون يتقشمرون ويظنزون على حريمهم جدام الناس . .


وخل اقولج شغلة اهي صج هالحركات تظاايق .. لكن مو لدرجة الكره توصل !!
نبهيه مرة ومرتين .. واتركيه عشر

واذا تطنز جدامهم ومسك عليج ممسك .. ظحكي واحرجيه قوليله : ها؟ في شي ثاني حاب تقوله تظحكهم علي؟
او قوليله عندك نكت ثانية غير انك تتكلم عني خل نظحك ؟؟؟

(هذا الل قريته من فوزية الدريع)

والله يسخرلج زوجج وحاولي تكسبينه كثر ماتقدرين وخليج حنونة معاه

نفس تفكيري احرجيه قدامهم وخليه ينقد على نفسه ويتفشل
وياليت يقولين انا مستانسه انك لاقيني سالفه تضحك الناس اللي حواليك واكيد كل الرياييل نفسك
وضحكي عقب ماتعطينه نظره كلها شرار:rerrerek:

 

[يمة يادلبي]

شدعوة شدعوة
خلي روحج رياضيـة

 

[Shiny Star]

قولي له إنك تحبين الغشمرة بس مو يغيظك بكلام مثل هذا أن بيتزوج عليك وجدام أهله لأن بصراحة هذي يسمونها غشمرة بااااااااايخة

 

[رحمتك يا رب]

شالسالفه الريال يضحك

 

[*loveli-noni*]

الله يهديكم لبعض

 

[فارسية]

لا تزعلين على غشمرته طوفيها

 

[Gatwa]

لوووول
احس عأإدي كلها غشمره شفيهأإ يعني

 

[قطوه سعوديه]

الرجال يمزح عادي مافيها شي
بس بصراحه مرات المزح يكون ثقيل وبالذات المزح اللي مصحوب بتطنز كلش مااتقبله

 

[احلى عروووس]

هو يحبج خلالالالالالالالالالاص


احمدي ربج انه يذمج قدامهم

انا شستفدت من المدح .. مدح فيني لين كرهوني اهله

لدرجه قالهم اشكرا اني بحسن نسلهم ..

وكل مافتحو اخوانه طاري العرس وانهم بيتزوجون على حريمهم

اهو اول واحد يتكلم انه مستحيل يتزوج علي وانه يموت فيني اشكرا قدام اخوانه وابوه وامه وخواته مااستحى ..

والحين شنوو ؟؟؟؟؟؟؟؟؟؟؟؟؟؟؟؟؟؟

اخوانه مع حريمهم للحين .................... وانا واهو كل واحد بصوب


والله والله والله انه امه طقته وقالت يا رضاي ياهي

وطلقني عشانها

فأحمدي ربج

 

[ماسة الاسلام]

ويه حبيبتي كل الرياجيل يحبون الغشمره عادي

ساعات حتى عند اهله يضحك علي ما فيه مشكله

اضحك لدنيا تضحك لك

واذا ضحك هو عند اهله انتي بعد علقي عليه

تكت ايزي

 

[نور البدر]

لاتبالغين عادي خليك ايزي اهما يحترون زيادة
وخليه يبين العكس ولا يصكونكم عين

 

[كويتيه مذهله 87]

ريلج بيفرض شخصيته عدل جدام اهله

الله يعنيج

 

[(m & m)]

و عليكم السلام و رحمة الله و بركاته

مساء النور

اول شي لفت نظري العنوان الي حاطته

ولما قري الموضوع قلت والله حرااااااااااااااااااااام

شسوا الريال مسكين كان يتغشمر ليش ماخذه الموضوع بحساسيه

ريلج ما ينقال له ولد امه وفعلا انتي ما تعرفين للمزح لا تزعلين بس هذا الصج

الموقف تافه حده وهو بنفسه ياي يقولج ياه يعني نيته بيضه ليش تهجمتي عليه مره وحده جذي

هذا ان يدل يدل على حبج لزوجج و غيرتج عليه بس لا تبالغين جذي عاد !!!! الله يهديج بس انتي الغلطانه اكيد

اذا ما تحبين الغشمره و بهالسوالف و تغارين قوليله لا تتغشمر بهالمواضيع ومعلومه صغيره بس ترا الرياييل يستانسون لما

يشوفون زوجاتهم يغارون عليهم كوني غيوره بس مو لهالدرجه ترا انتي جذي قاعده تدورين المشاكل امبي للحين ماني قادره

استوعب ردة فعلج ترا صجججج الغيره سيرة عليج كليااااا حاولي تتحكمين باعصابج و عيدي التفكير بردة فعلج

 

[الصعيريه]

بصراحه شي يغث حتى لوغشمره

 

[حلوةودلوعة زوجي]

حرام يتغشمر اوكي عاتبيه بس لا تكبرين المسالة