ولدي يقوم من عز نومته ويبجي بشكل يخرع 

[بدوية بملامح كشميرية 86]

صباح الخير امهات


امهات ولدي عمره سنتين (بعد شهر يكمل سنتين)

ولله يابنات نومته جنه نومة الي عمره شهر شهرين

قليل الي ينام نومه وحده ويقعد الصبح متعبني حييييل الله يهديه

كله يقعد ع الفجر ويبجي ويبي حليب اسويله ويكمل نومته عادي فديته

بس مرات يبجي بشكل يخرع ودموعه اربع اربع

ومايبيني 

واسويله حليب ويقطها ويبجي يقطع قلبي

اشيله ماينفع بجيه يخررررع

والله قلبي تقطع علييييه

وتوه بجي لماااا تعب واشيله واسمي عليه يوخر ايدي وبالاخير شرب حليبه ونام

خرعني والله وانا بروحي بشقتي وزوجي مسافر

كنت بنزل عند خالتي تشوفه بس استحيت

 

[زين ودلال]

حبيبي مايشوف شر ياااارب

كل يوم قبل صلاة المغرب ارقيه والفجر بعد ارقيه

وشغلي البقره بشقتج ٣ ايام ورا بعض

وان شاء الله مايشوف الا العافيه يارب

 

[miss_uk]

اقري عليه
وهم جيكي على اذونه
واذا مافيها شي يمكن مخترع حاولي تحظنينه

 

[opera]

ولدي عمره 4 سنوات وللحين جذي حالته ماينام مثل اليهال اللي بعمره يقعد وايد من النوم مو بس مرره

عرضته على وحده تعرف بنفسيات الطفل من خلال الرسم والالوان

المهم قالتي نقاط حلوه يمكن تفيدج انتي

اول شي التلفزيون اذا في بغرفته شيليه ولا تخلين اخر شي يشوفه قبل النوم التلفزيون .. خلي اخر شي قبل لا ينام يكون انتي وسوالفج معاه وضحكج ولعبج واقريله قصه وانتي على سريره يعني قعدي معاه عالسرير وقوليه قصه ارتجاليه مو تقرين من كتاب لا .. الفي من عندج مع بعض القيم اللي تبينها تنزرع فيه و فيها طبعا شويه ضحك يعني سوي حركات عشان يضحك

الشي الثاني اذا كانت نفسيتج تعبانه كللللش لا تشيلينه ولاتقربين منه لانج بتنقلين له الطاقه حقه وبيتع اهو بعد

ثالث شي الوان الغرفه و لبسه .. انا ولدي وايد اكتيف فقالتلي ابتعد عن الالوان الحاره الاحمر والبرتقالي

ومادري انا ولا حل نفع معاي لانه للحين يقعد من النوم ويبجي ومراات يصرخ لين صوته يروح ولاني عارفتله حل

جربي انتي يمكن يفيد معاج

 

[الريان]

الله يحفظه ولدج سنتين يعني يأشر و يتكلم .......حاولي تمسكين جزء جزء من جسمه وتسألينه وين الأح
وهم انتبهي وين يبجي اكثر لما تلمسينه ..........
عموما جيكي على اذونه ....اهي اللي تعور بسرعه والم صارخ واكثر عواراتها في الليل...
واحتمال الغازات من الحليب ,بطنه يلويه ..........
وقبل لا ينام اقري عليه قرآن بهدوء ولا تنومينه بعصبيه او تنومه الخادمه...
وما تشوفون شر ...........

 

[Khota8]

مايشوف شر والله يحفظه لج ياارب وشربيه ماي زمزم واطلبي من الله عز وجل انه ينام نومه مريحه واهوا شفاء لما شربه له واقري عليه

 

[STAR FAR]

مريت نفس الحالة ولدي يوم كان عمره سنة وشي كله يقوم مفزوع من النوم اكتشفت الشغالة اذا خليته عندها لو شوي تحط قنوات أكشن وبعدها سكرت ها لقنوات وخليت بس أطفال والحمدلله تبدل حاله

 

[الجويرية]

نفس حالت ولدي ذكرتيني كنت بحاله نفسيته الله يعلم فيها كان كل يوم الفجر يقوم بجي ومتخرع والله اني كنت انطر الفجر اللي وراه ياربي قعدت ارقيه لما الحمدلله كنت مخليته يروح للدوانيه وشكلهم فزو فيه ---

 

[فاقده ابوهاااا]

اقري عليه قبل لا ينام وشربيه ماي مقري عليه
وفي شغله سويها وادعيلي

لمي ولدج بكل حب وحنان طبعا راحةتقولين اكيد انا امه
قصدي اذا بجى لا تتنرفزين او اتعصبين او تتضايقين راح يحس فيج ويبجي انا ولدي تعبت منه من يبته لي عمر ٤ اشهر وانا بالمستشفيات وبجي وحنه ولوعة جبد اكتشفت بالاخير اني انا السبب

لاني متضايقه واشيله يحس فيني ويقوم يبجي بجي متواصل بعدها اذا شلته اشيله بحنان والضحكه تارسه ويهي واغنيله والحين بسم الله عليه تعدل

 

[بدوية بملامح كشميرية 86]

زين ودلال

الشر مايجييج ياروحي
المشكله احط ايدي ع راسه بقرا عليه يبجي وينحاش
مايبيني امسكه
الله يهديه بس
نورني مرورج وردج العطر 






مس يوك

ماقصررتي يالغلا
والله اني المه وابوسه وادلعه بس عشان يسكت وماينفع ربي يهديه
مادري حاسه اذوونه بوديه بادن الله
ونورتي يالغلا

 

[بدوية بملامح كشميرية 86]

اوبرا


ماقصرررتي
والله كلامج عدل
ينام معاي بغرفتي لان زوجي مسافر
ونومي معتفس وانومه وتلفزيون شغال
ويقعد الفجر وتلفزيون شغال 
شسوي بحرم نفسي وبحاول انام معاااه
وكل الي قلتيه بطبقه
والله يهديلج وليدج يااارب ويصلحه







الريان


حبيبتي والله ماقصرررتي
وباذن الله بشغله البقره
وبوديه اجيك علي اذووونه
والله يهدي عيالنا ويصلحهم
نوورني ردج 

 

[بدوية بملامح كشميرية 86]

Khota8



الشر مايجيييج
والله يجزاج خير
ماقصرتي والله
ماعندي ماي زمزم
بس باذن الله هالاسبوعين بروح عمره وباخذه بغسله من هناك بماي زمزم
ونوووورتي يالغلا








ستار

اتصدقين نبهتيني
دايما خدامتي حاطته علي قناة زي الهنديه
عاد كله طق مطاقف
بعد عمري ولدي
زين والله حذيتيها بالي
ماقصررتي فديتج
وربي يخليلج وليدج ويهديه ويصلحه ياااارب

 

[بدوية بملامح كشميرية 86]

Khota8



الشر مايجيييج
والله يجزاج خير
ماقصرتي والله
ماعندي ماي زمزم
بس باذن الله هالاسبوعين بروح عمره وباخذه بغسله من هناك بماي زمزم
ونوووورتي يالغلا








ستار

اتصدقين نبهتيني
دايما خدامتي حاطته علي قناة زي الهنديه
عاد كله طق مطاقق
بعد عمري ولدي
زين والله حطيتيها بالي
ماقصررتي فديتج
وربي يخليلج وليدج ويهديه ويصلحه ياااارب

 

[بدوية بملامح كشميرية 86]

الجويريه

ياحياتي انتي
الله يصلحه لج ويهديه
ومافصررررتي فديتج
شلون ترقينه ؟؟؟
تشغلين الرقيه
او انتي تقرينها عليه
انا مايخليني اقرا عليه

 

[بدوية بملامح كشميرية 86]

فاقده ابوهاا

بعد عمري
الله يخليلج وليدج ويصلحه لج
انا مرات بصراحه اكون تو نايمه
اذا بجي اصاارخ عليه واعصب بعد عمري يكسر خاطري
ويزيد بجيته ودموعه اربع اربع
ان شاءالله ربي يقدرني عليه يااارب
ولدي عنييييد سبحان الله طبع ابوه

 

[amami al-kuwai]

اسم الله عليه من كل شر

جربي كلام الاخت اوبرا

وهم ارقيه وشربيه ماي بعد ماتقرين عليه

 

[بدوية بملامح كشميرية 86]

بعد عمري تسلمين

وماشاءالله البنات كفوو فديتهم

وعسي ربي يرزقج ويرزقهم مايتمنوووون. يااارب

 

[فـراوله]

بدويه حبيبتي نفس ولدي وانا زود عنج حتى واهو قاعد يكون
بالغرفه يلعب يجي يركض علي يصرخ ويبجي ويأشر على الغرفه
أروح أشوفها ما ألقى فيها شيء سواء كان بأي غرفه بالبيت تتكرر معاه
ما في مكان محدد وحلمت كذا حلم عن ولدي طلع تفسيره مسحور ومحسود
قوي وما قالوا لي الا اني ارقييييه واشغل سورة البقره وللحين على هالوضع
مادري شسوي معاه حبيبي قطع قلبي والله

.













.

​

 

[اوراق التوت]

خلي بالك من الشغالة سبحان الله تكون تعمل للصبي شي تخرعة فعشان جذي يفز من نومه ولازم لالالالازم ترقية
الله يطمن قلبك عليه ومايشوف شر
ربي يحفظ جميع اطفال المسلمين

 

[بدوية بملامح كشميرية 86]

فراوله



لا لا وربي خرعتيني

مسحور !!!

لاحول ولاقوة الا بالله

عسي ربي يشفيه ويخليه لج

امانه معاااج لاتهملينه

وربي عورني قلبي عليه بعد عمري فديته

وعسي ربي يهوون عليييج

ادعيله بولادتج والله يشفيه لج ياااارب عاجل غير اجل